新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回翻山越嶺目錄
  返回遊記目錄

 

地圖咖喱雞

路線:唐公嶺起步,穿村至蕉徑村覓路登雞公嶺,下段加插林藝班,接正路漫遊脊嶺,登頂後左折踏碎石坡下降水尾村賞樹屋,最後出錦田巿食咖喱。

隊員:Pui, Lok, King, 鬼, 琪, Tong, 公, 特, 釗

 

集合時間八點半,依舊係得我、阿鬼同阿競準時…阿威戰死黎唔到,其他人全部遲到一個鐘,最灰係花花自己去左蕉徑呆等。

因為架小巴無位撘唔到去蕉徑,結果撘左另一架去唐公嶺。起步前又搞一輪先行得,起步時間十點。穿村幾好Feel,發現荒廢汽車乙架,D塵多到可以塗鴉。

收成用高機動型戰車。

錯綜複雜得黎又好有秩序既田園。

極輕閒!田園既味道好令人懷念。

小雞屋,有隻很神氣的公雞玩緊傳說中既一皇十幾后。

漫步穿村花費了半小時,小花花又呆等多半小時,終在蕉徑村的車站附近覓得花花。再入村覓路登山,路邊有小花貓一條,唔多驚人,但係叫得好衰。

踏過不可靠的鐵橋,下面係清澈度11既河溪。過橋後受到一堆小否歡迎。

去到盡處無路可走,唯有自己殺出一條血路。同一條路,時運高既全身而還,唔好采既就搞到一腳都係…

上山既路行行下無左!!又要開路!!仲附送鬆散直泥壁乙塊,即興歷奇活動。

企圖單挑,極力爭扎中既 Terence,在一眾隊員既歡呼之中下墮…

幾經辛苦終於全隊人脫離險境。接返大路繼續登山!!下望一大片的田地,偶而傳黎小狗既叫聲,幾有趣。

經研究後發現附近有好多戰壕同石室,原來呢度都有戰地遺蹟。

雞公嶺應該好多人起度玩越野電單車,成個山都鏟到好多大路…

啡色淺草坡。一開始就係咁上,成個山頭都無樹蔭,不宜夏日到訪…

遠觀以為係建築物,去到先知原來係一堆巨石。一眾隊員已經搶先一登。

大伙在此大休吃大吉,應一應個節。這時天氣突變,一陣大霧隨風在山谷捲上來。

休息完繼續吃力登山。

對岸的大刀刃亦為濃霧所覆蓋。遠望石岡及錦田平原,這時已經決定取消下半場的觀音之旅…

另一邊,唐公嶺、蕉徑村等地的平原。

山頂附近。有饅頭型石,再次大休食梨。後方的山谷係一個落石既樂園,一眾隊員在此狂歡。

山頂可以遠望到米埔尖鼻咀等地,但天色不佳風景不太可觀,我地都匆匆越過山頂,沒有多作停留。

下降至另一巨石堆小休,休息後就起呢度左轉落山。

下山之時天氣突然變得幾好,成個藍天都出埋黎,仲有少少魚鱗雲…

下山之路頗碎,慢慢下降。

終於落到山,發現有人起度玩War Game,為勉被流彈所傷,都係混一混路。伯伯踏單車,有Feel。

完成雞公嶺!

到達水尾村,有一個小魚塘,有鷺鳥低發,小否閒盪。

行出村既時候仲發現樹屋一間!正!

好想攀爬,但係為左唔破壞景點都係放棄。之後又見到傳說中既古蹟鄧氏宗祠,但係成個被鐵枝封住左,好殺風景。

最後一程!到達錦田巿,時間為四點幾,全隊人差d餓死!!

覓咖喱食!間餐廳寫午餐只到三點…好采老闆娘好人比我地食午餐!真係唔話得!十分滿足的一餐,一個Lunch Set 有咖喱、飯、炸春卷、薄餅、飲品、湯!一眾隊員都好滿意。行完山有好野食,覺得我地d行程 upgrade左,之後有機會都搞多d咁既團先。

2005年2月6日

返回上頁返回首頁返回頁頂

 

Email