返回遊記目錄

 

Pui
旅

巴寨金雞嶺

巴寨位於丹霞山大石山景區內,絕壁聳立,一山拔地而起,氣勢不凡。山高海拔6xx米,是丹霞山景區內的最高峰山上分為三級平台,密林山頂、山腰絕壁棧道、下層岩穴可供人居住。經歷代土王、盜賊修繕,在半山腰懸崖上山洞中建有住所、兵營、倉庫、水槽、蓄水池等,攀登巴寨唯一的通道是一條在陡壁上開鑿、約廿米高、僅可供一人上下的天梯,地勢之險峻使其成為粵北戰亂時代著名的天然堡壘。

開發巴寨睇黎勢在必行,現已鋪好了縣城至山腳暖坑村的公路,只餘下登山小道尚未動工。年初丹霞之旅後已打算在其開發為景點之前一遊,一睹原始風味的巴寨,更可省回入場費一筆!

 

上一頁 下一頁

預定小睡幾個鐘六點零動身,但起身時矇矓地意識到外面下著滂沱大雨,心諗完了…倒頭便再睡死了。傳說落隊員曾一度敲門打探有無人有水戰覺悟…咪癲呢∼於是全員繼續睏∼

八點再動,好野停雨了,但唔知仲夠唔夠時間玩,不過都唔理啦叫哂起身先算,叫人起身當然要使用怪光線攻擊。


搞左一大爛餐,成九點先離開旅館,先在車站附近飲個靚茶,服務員不錯說…AWA

填飽個肚就買午餐乾糧,竟然有蕉食,十分好。一切準備好就安排交通去暖坑村,如果搭公交,大巴去仁化13蚊位,仁化去夏富約2蚊位,之後仲要行入去暖坑村,太繁複費時既選擇…於是我地嘗試包架車去暖坑村,多番嘗試後以270來回成交,11人一車剛剛好,計落平過公交,仲方便廿倍。

 

行走XXX國道,經丹霞山正門、仁化懸再轉入夏富暖坑,全程個半鐘,11點半到達暖坑村停車場。落車時下著毛毛細雨,還不算太大影響,大家收拾收拾行裝,司機大佬見我地個個都背著大包包,便提議我我可以放低D行裝登山,十分不錯既建議,包車又一好處。

時間1140,減磅後終於起行,呢段路無人識行…只得司機大佬一句話「跟住最大條果條路去就係架啦」,點知開波第一分鐘即時行錯路,走左上正面的小路…=_\=

幸好村民見狀就立刻點條正路我地行,再出發…停車場左邊原來勁大個巴寨入口牌…Happy…睇資料上落山一趟大約要五個半鐘,以我地爛玩既習慣唔行快D分分鐘入黑都返唔到黎。大隊一直依著田間小徑前行,穿過一個柚子園在後方開始上斜。

一路大方向推進,不時見到有垃圾遺留在地上,所以都頗肯定路是正確的。穿梭於半山的林木之中,高速推進難免會扯爆部份隊員。

唔緊要,齊齊食隻蕉補充體力。


1230脫出樹林區,絕壁聳立的巴寨驚現放正前方!


太惡的山勢,全隊駐足觀賞了良久,謀殺了無數記憶體。

接走開揚的山脊,1300到達巴寨的絕壁之下。頭上是一塊弧形的大直崖,直崖之上可以見到一個懸壁平台,正是第一台階岩穴所在,亦係巴寨野營的主場。

大伙兒沿著壁下的石階上行,十分大路,未幾左方會有條小支路,可以沿80度斜壁石階上攀到一觀景石台,時間關係暫且不理。

繼續向天梯前進,登上一道百多級的石階,此時茶壼峰亦出現在右方,由多條山柱組成石峰,造型比巴寨更可惡,但還未到達經典角度。續行之時上方傳來一陣陣唱遊之聲,隊員們奇怪之際前方便迎頭來了一學生小隊,由老師帶領著來巴寨遠足兼執垃圾!中國政府近年都推動環境教育的確係有一手。

終於到達一線天,遠望盡處一道木梯沿石峽而上,正是天梯所在。

率先試攀,雖然木條都是鬆動地卡在石洞之中,稍有不受力之感,下段更是成90度垂直之勢,都唔好話唔lup水…

但經過修葺後既天梯比想像中安全多了,起馬唔會好似網上睇到既相咁,半米先有一條木級=_\=

大伙兒一個接一個上攀,攀越天梯就會到達第一層石穴所在。影相既時候突然從身後傳來驚叫聲,緊接崖下一連串撞擊聲=_=!回頭一望,原來kk個水壼跌左落崖…真係嚇兩死…人跌落去真係收得工,至於個水壼跌在天梯下平地旁邊的叢水,再過少少就係陡峭的斜坡,睇黎大家都無乜意欲去執,都係放棄吧啦。

天梯的上方正是夜鷹石台,旁邊就係廿米直崖,行出去影相都lup水到癲,仲要坐上去就真係…攬雀尾…

搞左一輪,終於全員登上第一層,平台處於峭壁之間,外面一片虛空,行出兩步都嚇鼠。

但風景黎講就真係絕讚,雖然煙雨矇矓,但遠觀丹霞景區內多座奇峰聳立,清煙環繞,亦係別有一番風味。

而主打既當然仲有正面的茶壺峰,此時其惡貫滿刑既茶壼造形驚現,實在係太奇特的一座山峰!再下望剛剛過而不登的觀景石台,竟然見到頭先班清潔小組上左去!嘩好睇到傻,唔得,一陣返轉頭都要一登!

獵影一輪後繼續前進,路過兩三個石室,亦即係傳說中既野營地點。

石室間隔都十分之寬敞,環境乾爽,落大雨都可保不濕,又面對茶壺峰特優景致,確係一個旬盤,唯一係石室外就係萬劫不復既深淵,夜晚無camp fire 照一下差錯腳就Happy。

石室的牆上有許多小石穴,放置了各式各樣的柴米油鹽供旅人使用,真貼心。參觀完樓盤繼續向上層進發,出現一左轉往上分叉路,選走往上的路,點知上到去竟發現石製芧廁乙個,對著180度大好河山擺堆係幾咁豪情!落花隊員都忍唔住要來一客,可惜最後有心無力無功而還。

離開芧廁返回叉路位繼續前進,中途路過一個可能係傳聞中既水源點,竟然係一個水量微弱的青苔流瀑…如果呢個係唯一水源既話,我諗黎野營樂既朋友仔都係自備多d煮食水會好d。


之後左邊會有一間荒廢石屋,外面睇都幾好feel,但入面都係擺堆既聖地,不宜入內一探…屋前又有叉路,無視右方小路繼續直線推進,路況又有料到,再次走進懸壁棧道。

未幾出現一狹窄的石門,僅僅容許一個人通過,重裝之下就要磨爆袋先過到。

過門後一段爛鬼泥路,但係險象環生絕不容少觀,因為路旁雜草後便是千丈絕崖,全程最陰險位,就在此間,路過之時就算要硬食荊棘都不可輕舉莽動!

再來便是鴨走第一棧道,區區幾米難唔到一眾隊員。

時間1420,大家都開始覺得餓,不住找好地方大休午餐,就起呢個時候剛剛好到達一環形大廳,左邊有大量石台可以作大休之用。

大廳中央便是網上看到的「真.鴨走棧道」,驟眼睇棧道後段十分狹窄,而且外傾向下方絕崖十分嚇人!!一陣都係睇定d先,而家就梗係醫左肚先啦!乾糧大休計劃∼

午餐後同落燒試探棧道,在得一米高的棧道中烏身前進,完全抬唔起頭做人。小心d行完全無危險,去到轉彎位,開頭睇到後段既不明朗外斜位原來係一條康莊大道,可以跑添呀!!

得知這裡十分安全後就大隊一齊玩鴨走過來∼

在這邊影鴨走中既隊員及棧道外面的絕崖,嗯…其實都幾嚇人…

全員安全到著,齊齊起跳飛躍一個。

本來打算離開石廳繼續前行,但再行無耐就下起雨來,時間又唔多夠,於是決定就此打住,原路折返。

返到去石廳集齊隊員就快步離開了,好快回到上頂的分差路,決定兵分兩路,一路先行下降,在天梯下待機。另外攻頂小隊五人眾就急步穿起叢森小徑,向山頂進發。

去到傳說中臨頂的險梯,嗯…果然有d料到,80度既石級加上最愛的菁苔。

上攀之時無辦法唔對旁邊既扶手石洞愛不釋手,就算裝滿哂污泥青苔水…都係咁隊隻手落去握到實一實。

登臨石梯之癲,這裡的風景絕對無令人失望,外面正正對著茶壼峰,而且是以俯瞰的角度!石梯頂後面發現類似傳說中首領浴池既物體,對著如此景致浸浴都真係幾嘆…當然現在都已變成了死水污泥池了。

資料所得巴寨山頂全為健康密林,攻頂小隊都十分有覺悟地決定一遊,這裡左右都有路,我地選走右路,快步在叢林中穿梭,期望可以到達巴寨的最高點,可惜我地狂奔了幾個字,除了林還是林,完全辨別唔到那裡是最高點,時間所限最後唯有在一個疑是山頂的地方合個照,之後便原路逃脫∼

再一次下降險梯,比上攀還要驚險=_=一個一個慢慢典落黎…

回到叢林小路,快步趕回先發隊伍,點知有叉路旁竟發現傳說中的「又一村」既位置,原來就係一開始見到的石屋所在位置,在路旁大石上刻了「又一村」的字樣,繞到石後還有一「天然台」,擺放著石棋盤呢。

探完又一村又快步前進,好快就返到去天梯頂既位置,見到先行隊員經已全數下降完成,在天梯下等待我地,真係快手。

考∼合流完成繼續撤出,這時又下起雨來了…路過今早沒有一登的天然觀景石台,係時候做野。


爬上濕滑的石級登上這個菇狀的石台,風景絕對係360開揚。


雨中的丹霞景區輕煙環繞,多了一份淒美,或者晴天的丹霞亦有所不及。

完成最後的輕登任務,大伙兒繼續原路折返,1700回到暖坑村,今早1145出發,總計5小時15分鐘完成巴寨之旅,快!

執返司機大哥慢慢步到村口的馬路,準備上車離開,還有小否熱烈歡送呢。1715離開暖坑村,又係一小時的車程。

返到去韶關巿第一時間去火車站Check Check 有無去坪石既班次,竟然發現2000有車去坪石,掂呀!就在車站旁邊隨便找一家拉麵小店就衝入去開餐,十幾個重裝人絕對一野迫爆左佢間鋪=_\=

去坪石的車程大約半個小時,這個小正太被elmo同阿公逗弄了全程。

去到坪石先搞一搞聽日離開既車票。離開火車站後搵落腳地點,由於昨晚間旅館著實係太過Shit…提升了全員既上壓,少有地入住了一間星級酒店!但當然要屈蛇啦,三個標間開價360,豪呀!

上一頁 下一頁

 

2006年9月10日

返回上頁返回首頁返回頁頂