第一日早上九點半鐘香港國際機場集合,公燒癲經已到場,等埋戴著泳鏡大搖大擺登場既阿花、同埋早上去交收營帳既落探員就人齊,辦登機手續、行李寄倉,十分順利的一次出發。

航班11xx準時升空,離開香港一路向北。

14xx飛機降落北京首都機場,取回行裝整頓一番後就搭公車前往北京巿中心,問一下服務員那一班車會去天安門廣場,但結果都係被佢隨便打發上一架車。

一小時的車程,我地去到終點站西單,落車既時候經已開始天黑,開頭仲以為第一日下午都有時間可以玩。剛剛到步不辨西東,在西單商場隨便吃了個Tea就繼續去找落腳既地方,跟據阿公既書,打算前往宣武西大街找間青年旅舍看看,但結果一途被一些平價的賓館吸引過去了,其中一家「新文化街旅館」三人間開價25元!平到呢!!但溝通一輪之後佢竟然話佢地唔可以招呼香港人!?雖然之前都聽聞過有這一回事,但估唔到真係會發生!哎呀!無得住25蚊房添…唯有繼續上路,最後去到一家「泉城賓館」,三人間發價120,唉好啦殺,但同頭先真係差左一大截…

安頓一輪又係時候找食,在街上漫無目的的踱步,好似行左去d唔係好旺既地區,行黎行去都無野食,只有路過一條橫巷有d地攤小食賣,最後不知不覺竟然盪到去一間小肥羊門口,哇好懷念西安肥羊一役,雖然隔離還有一家「李老爹辣蟹」可選,但最後都一致通過再戰肥羊,可惜北京肥羊既表現實在係強差人意…

d菜色特別得黎唔好食、肥牛又切到紙咁薄,以為摺起做3DStructure就呃到人!而最大既敗筆就係無旗袍mm服務員…失敗中既失敗!

由於聽日要清晨起床睇升旗,今晚都係早d休息,於是食完強差人意的一餐,我地又漫漫踱回去賓館,一路上又收集下情報、購入補給品咁啦。搵左幾條街都搵唔到邊爐氣賣,實用普通話又運作不良,最後連圖文並茂都出埋都係搵唔到,結論係我地長城一役睇黎要挨馬的乾糧了…哀哉

…又買左d「好似梨咁樣」既蘋果,好吊,買左返到去咬一口先發現「少!蘋果黎既!?」

約好明天0430樓下集合,早睡早起,沖涼睏覺,家姐沖完返黎話無限熱水,哇跟隊,但結果落得冰鎮的下場,老燒我要同你做忌=_=!