第二日0500重裝離開旅館,步行至天安門廣場,雖然之前一晚從特倫斯得知天安門廣場因為「中非合作論壇」封左,可能無得睇升旗,但都唔理咁多去左先算,仲約埋特倫6點天安門等見到就見。

背著快要掉落地平線的超現實月光,沿西長安大街前進,條馬路大到可以用遼闊黎形容,雙向加埋廿條行車線都有。

重裝之下高速步行了半小時終於到達天安門,升旗未來,被阿兵哥打發去了對面的馬路邊,邊咬包邊等升旗。開頭以為真係只可以遠觀,但到左六點幾阿兵哥就放人入天安門廣場,好野∼GOGOGO。

都係近d睇好Feel,仲有解放軍走出來列陣助興,還有一個長官級逐一檢查他們的軍服,我是真的覺得他們的軍大衣都是大了兩個碼,睇起黎衣不稱身咁。

長官離開後我地即刻加入列隊,重裝同阿兵哥合照一個,可惜被我地發現左佢唔夠專心,側目啤左我地一野!惡搞之際天邊的魚肚白經已泛起微紅,在人群中看到國旗經已裝著完成,眾人都收起了喧鬧,少有的靜待儀式開始。


無幾耐國歌響遍了天安門廣場,推爆了的音量令音樂有些沙啞,隨著歌聲旗幟慢慢地攀升,在風中飛舞的姿態份外好看,看著升旗的感動,是真的稍微拉近了和這個國家之間疏離的關係,三份鐘咁多啦。

升旗儀式完畢之後,我地即刻跑到人民英雄紀念碑下拍照留個紀念,這時解放軍便開始清場掃人,禁語「坦克車」不禁衝口而出=_\=!幸好無比人聽到,即時逃出天安門廣場。

離開天安門廣場後都仲未見特倫斯,於是電聯叫佢直接打的去東直門公車站會合。

十分大的一個公車站,行左半條街先搵到去懷柔的車站,第一時間經已見到特偷站在門前拿著栗子等待我們!Yahoo感人會合大成功!兩星期的遊歷為他的俊臉添上了粗獷的線條,但亦無損他的細心,還為我們每個都預備了手信!I Love 特倫!

老屈了特倫一舊水公數之後就搭916公車去懷柔,位位6蚊,抵!呢程車竟然搭左兩個鐘,成十點先至去到懷柔。

至於之後要找包車去箭扣真係完全唔需要擔心,我地一落車經已被十數個阿叔包圍住搶生意,更吊的是剛剛916公車的司機都落黎爭埋一份,可惜佢唔係打算用大巴送我地去=_\=

好不容易才突破了包圍網以時速7k逃脫,只有一個阿姐死心不息一路跟住我地…先去醫肚再去百貨公司、超巿等作最後努力睇下有無邊爐氣賣,連黑車阿姐出手幫忙都搵唔到邊爐氣賣,唉注定我地要在長城咬麵包渡活了…超巿入貨10L水、無限麵包、天價午餐肉、朱固力香蕉乾等等,Pack好哂野之後每人又重多幾k=_=!

做生意有誠意真係好緊要,見阿姐跟足我地全程成個幾鐘,真係無辨法唔幫襯你。由於我地資料有限,在商議目的地既時候都搞出左d混亂,搞一輪?明白原來去箭扣長城有前箭扣同後箭扣,即係長城的南面同北面,佢地話去前箭扣起步就唔使俾入場費同埋車資都可以平d。但我地手頭上既資料都係由後箭扣即西柵子村開始,所以最後都係決定以後箭扣為起步點!

好一切準備就緒!上車出發!哇架車真係細到呢…收納1個司機加7座移動城堡將容量推到130%,差d被行李活埋=_=||離開巿區之前司機仲要幫條悒揖揹藆…

差不多一小時的車程,城郊的景色不錯,山嶺允滿著巨型露岩,深秋時份山頭都變成淺啡色,去到尾段更有長城出現在山脊線之上!汽車穿過了九曲十八彎的山腰馬路,終於進入了箭扣xx生態區,名字已經忘記了,總之就每人收左我地10蚊。(事後翻查資料,發現原來這個所謂的生態區是西柵子村自己開出黎考立名目亂收費的!旅遊局根本就無授權佢地收費!可狗惡!)

1230終於到達西柵子村的停車場,旁邊小屋椈壑W大大隻字寫著「影友之家」,應該就係傳說中既趙氏山莊,資料話可以在這山莊過夜,10蚊一晚,但我地就10蚊就省回了。其實司機都曾建議我地可以在趙氏山莊過夜,話今日風勢增強了,山上可能會很凍=_\=多謝哂司機既真心關愛,只怪我地既偏狂太過無藥可救。

阿司機想做埋我地聽日既回程生意,於是約左佢明天在慕田峪長城果邊等(結果我地去唔到慕田峪=_\=掰∼)。係咁易叫司機指下北京結果九眼樓既位置就向大方向出發!

在停車場旁小路上綁左隻騾仔起度,嘩靚仔到要即時圍觀!開頭都唔敢太近,話哂都咁大隻俾佢醒一腳就邊度都唔使去,觀察一輪發現佢都幾友善,可以肆意欺凌,好啦見你咁乖請你飲Gatorade啦。

遠望峰巒間的長城,絲絲涼意催促著出發…時間1245,玩完騾終於踏上真正的長城之旅,進入村旁邊的田間小路,看來耕作的季節已經完全過了,田野間沒有啥作物,只有田邊一堆一堆植物的皮,有點像蔗…

小路穿過疏木林,陽光透過或微紅或鮮黃的樹葉在山間小路上投下斑駁的痕跡!靚!

雖然一路上都有d隱約的草叢小徑,但我地都係沿著最明顯那條上行,睇黎大家都急不及待要登上長城,重裝之下都正常速度爆上山,疲到呢…大約半小時左右終於由城牆下的亂石陣登上了長城!

沒有了樹林的遮擋,城牆上的風力明顯增強了不少,一個唔小心真係帽子都吹走。雖則成功登上長城,但看著那張手繪地圖,實在很難定出我地既確實位置…根據司機所示,北京結在右邊,估計我地大約在天梯東面,好吧右轉吧∼

如果估錯既話我地就會Miss哂鷹飛倒仰、天梯同北京結等等既主打=_=!家姐負重到就黎死,強烈要求使出輕裝計劃,但係呢度咁近出入口,間唔中仲有零仃遊人兩三個咁,好難收藏行裝架喎。再者…一陣返唔返到黎都成問題…

稍為整頓一下就再起行,在不遠處經已遇到第一個難關!

上攀第一個敵樓的石階下段完全崩塌了,坍塌紛亂的城磚令人無從入手,唯恐牽一髮而動全身,幸好城牆左邊有小路可以繞上頂,這座敵樓規模較少,Skip∼

在不遠處有另一座較有睇頭的,入內隨便參觀下示範單位,內有三四個小房間,但天花都沒有了,不曉得是原本沒有還是下塌了。近看樸拙的磚石,不曾雕琢過的自然美更能顯出長城的千年風骨。

眾隊員放下重裝爬上第二層,二樓只剩下半壁石牆沒有倒下,其餘位置經已為樹木和雜草所據,它們賴以生長的,大概是數百年來城牆風化累積起來的塵土吧。

離開敵樓繼續向西前進,高度慢慢攀升。視野更加遼闊。

回望起點,腳下長城連接著一座又一座的敵樓;一路伸延至最遠方的山癲,古城牆龍行於高低起伏的崇山峻嶺之中,那裡大概就是「牛犄角邊」了。資料所示「箭扣」是這段長城的最低點,位置應該是在「牛犄角邊」前那個山坳了,看樣子朝相反方向前進的我們,是遊箭扣長城卻到不了「箭扣」了。

再穿越一座敵樓翻上一小山嶺之上,一道筆直的「天梯」出現於眼前,驟眼看像是垂直似的一下子由峪底攀升到峰頂,把視線右移更會見到箭扣長城最險要的制高點「鷹飛倒仰」的所在,那邊的險勢只會比「天梯」有過之而無不及,要通過已經這麼困難,實在很難想像這是怎樣修築起來的,不禁為我們的前路擔心起來…

一路留意有沒有其他的小路可以繞過天梯,以防一會真的不能通過時使用。走到「天梯」腳下,發現路狀比想像中好,只是下段有少量崩塌。但這裡的陽光全被遮擋了,氣溫彷彿下降了10度似的。

我們開始沿「天梯」上攀,天梯最窄處只有半米寬,石級很淺,只可以容得下半隻靴,雖然可以抓著城磚借力上攀,但由城磚傳過來刺骨的冰冷卻令人十分難受!無帶手套既我情況猶其惡劣,幸好細心既特倫帶多左個膠套借俾我,如果唔係爬到上頂都凍到墮指裂膚=_\=

一個一個重裝人爬上黎,在半途一個小峰稍微休息一會咬下朱固力咁。

接下來一段較為平緩,但在臨頂之處又遇到一塊崩壁阻路,來到這個位置經已沒有退路,優先一試發現頗有難度,少量凸肚位加手腳位不良。

終於決定要癲哥哥出手落繩輔助了!

下方的隊員逐一借繩索之力上攀,去到最後既特倫可能呆等凍得太耐搞到手腳不靈,竟然在壁中掛住唔上唔落,繼續任佢在那裡飽受寒風吹襲都唔係辦法,最後都要癲哥哥出手先將其背囊運上頂,之後輕裝既特倫再花一輪功夫便成功攀上頂了,在這裡花了45分鐘終於全員脫險。

早上既隊員都唔好過,逃唔過暴寒既折磨=_=

回望剛剛上天梯一段,真係斜到佢老…

四時許經已開始的黃昏光線,令到長城及山嶺的輪廓更加分明!但我地都要加快腳步了再來便是要翻上「鷹飛倒仰」的制高點!

名字太喬口,全隊7個人講呢個名,8個都會叫錯做「飛鷹倒楚v,總之就係形容這個敵樓修建在一個連鷹飛過都會撻皮的鬼地方,到達「真.鷹飛倒仰」,前方長城45度下降一小段後突然出現垂直斷層,就算輕裝都唔夠疆下降呀!這時意圖兵分兩路,一隊先由左面繞路下降再回影「鷹飛倒仰」上的殿後小隊,但先行陪隊行左一段時間都唔見人,原來繞過這斷壁的路遠到離哂譜,仲要下降一大段谷位再爬返上長城,時間無多都係放棄影相繼續上路吧啦。

臨離開時先繞到崩壁的正下方影張「鷹飛倒仰」最險位,中央完全崩塌,但左右城牆卻懸空展開,大有飛鷹展翅之勢。

再返回長城上時天已黑齊=_\=真係成班都龜黎,搞左幾粒鐘先過左「鷹飛倒仰」,時間 1730,離是日目的地「北京結」還有一段距離。

隊伍披星戴月背著寒風趕路,考驗一浪接一浪的出現,我們登上了一個敵樓再次被斷壁所阻,於是在城左覓路繞過,我們沿著小路下降到山峪中,但發現越行越不對勁,小路引入了頗斜的坑位之中最後消失了,最終證實是無為,大大打擊了隊伍的士氣,唯有原路回頭搜索一下有沒有錯失了支路,最後竟然在離開敵樓十數步後有一條崖邊小棧道通回下段長城,真係俾佢玩死!Rafu!!咁搞一搞花費左成粒鐘!

接下來這一段長城比較平坦,正好給我們回一回氣。

時間1930我們身處在一座敵樓之中,這裡離「北京結」應該不遠了,在這裡小休吃點乾糧。

這時特偷拿出他的小溫度計,竟發現氣溫下降至零下一度!好癲呀!!當時我都仲好懷疑這個溫度計的準確性,但之後落探員飲水時再發現飲到小冰塊…=_\=,yo∼真冰極計劃,恭喜哂各位…想來都確實係經典,只要各位起yahoo度search「北京氣溫急降」,出現既第一位就係關於當晚氣溫急降10度既新聞消息…

最後一段路,我們經過了一座保存的十分好的大型敵樓,四面牆依然迄立不倒,最重要的是它的天花沒有塌下來,與外面相比風力驟降了四級。如此五星級的家我們竟然棄而不用,一心要到達「北京結」才罷手。

時間0815我們終於到達了「北京結」,如果剛剛的大型敵樓是五星級酒店,那麼「北京結」就連天橋底都不如,這是一座在小山峰上的19敵樓,四面牆最高那塊大約有一米高,天花完全消失殆盡,換來是散落一地的亂石,加上雜草灌木叢生,完全找不到一個平坦位置可以扎營!

唔死心既眾人努力嘗試落營,但砌好的帳篷被強風吹得東倒西歪,差點連天幕都吹飛,我們在高點飽受狂風吹襲了近一小時,最後證明這裡不是人應該住的地方,心灰意冷到峪底…我還真的以為會凍死在這裡。

撤回剛剛的敵樓是惟一生存之路,眾隊員抖擻精神拿著亂塞作一團的帳篷落荒而逃,快速退回剛剛的敵樓之中,少了狂風的吹襲,即時安心了不少。

為左進一步減低風力,我們利用散落地上的城磚塞滿了敵樓的箭孔,合力興建長城=_\=。

做好防風工作後,我們分別在敵樓中的幾個間隔再次搭起了1.2.4三個營,行動大成功,終於搞掂今晚既安身之所…

時間2200,終於晚餐,糧食既種類除左麵包、麵包同埋麵包之外,就只有香蕉乾,配給餐肉一罐同栗子一包,再加上冰極寒天雪水…完全談不上豐富既晚餐,但吃在飽歷風霜的眾人口中卻差點感動得哭出來,一口午餐肉隨便混和一塊19麵包加上適量灰塵,是一生也沒法忘懷的味道。

填滿肚子後各人快手快腳返回帳營內準備迎接下一個挑戰-零度冬眠環節!全員七個人只有三個羽絨睡袋,老燒一人成團睏到大天光狀態良好,阿花阿樂二人營只有土法極限流10度睡袋,阿花肉都唔多兩想取暖都難,呢組注定無運行。

四人營方面有特偷同癲佬羽絨打左右翼頂風情況起初情況都叫ok,但睏到半夜feel到越黎越凍,寒氣由下方城磚一陣一陣咁攻上黎,旁邊熟睡中既阿公全身電報沒有止息過,我就唔理咁多半邊身乳擁特偷攝取溫度啦!特偷我愛你!!

凌晨三點零,突然又聽到營外傳來阿落既叫囂「今次凍唔死既話,返到去就Dup X 左個睡袋佢」!之後就掉低左阿花在二人營,鼠左入我地個四人營度哭求一齊睏,希望人多會暖d,但天氣冷,人心更冷,營內四人並沒有絲毫惻忍之心,結果落探員在營內一角跪求了一小時凝結成了霜,仍沒法得到半個容身之所,鳴呼。好快就再度入睡乜都少理∼第二日聽返,最後落探員唔知點上左癲佬上隔床先稍為可以入睡片刻鐘,型XD。