高床軟枕睏到自然醒都唔好話唔爽!

辛苦過後進入遊客模式,踢拖首都閒遊啦。

食個靚早餐就搭地鐵去長安大街散步,路過天安門再入中山公園逛∼

公園入口大路兩旁d樹變哂金黃色,新假期feel架。

公園裡面d乜館物館無乜好睇架啦,但係就真係幾寧靜,隨便行下起樹蔭下發呆都好舒服-w-,無計之前太辛苦,唔養生下唔掂。

遊完中山公園,係時候送別癲哥哥,佢今日要早退了∼

下一站故宮,因為聞說大裝修中,諗過入唔入去睇,但亦因為咁門票特價發售,學生票廿蚊位∼正呀!咁就入去行下啦。

特偷無帶學生證,好哩咁咩琣ad學生證再買多次票但事敗俾人識破左XD唯有買全票。

經午門入場∼果然係裝修進行中,主打既太和門同太和殿都搭哂棚架咁,型呀!合照啦!

太和殿前廣場,睇戲成日用黎閱兵演武就係呢度,超寬敞!

大方向直線進行一路殺過去神武門,對古蹟真係興趣一般,沿途隨拍一下∼

去到神武門後u型轉返頭,中途經過一座與別不同的建築,成座野俾火燒哂只餘下金屬同石構成既骨架,好重科幻味道,我鍾意∼

再路過什麼九龍壁珍寶館等,竟然要再收幾十蚊門票錢!?梗係唔入啦∼閃人∼

就係咁到此一遊了故宮,再到天安門廣場發呆睇下人地放風爭咁就消磨左一個下午。

當天晚餐過後逛下百貨公司咁,行過一個魔法道具檔既時候,特偷被SALES小妹出神入化既手法所騙,花左30大洋買左一對爛鬼魔術環XD。

當晚活動除左特偷表演魔術之外仲有暴力襟綿胎大戰,最後見血收場=_=