旅程尾二一日繼續遊客MODE,今日目的地係香山紅葉公園,睇紅葉黎講都算略有名氣既,不過我地去既時候似乎就遲左少少,因為去到發現紅葉都落得七七八八了=_=,紅葉全盛期應係十月中左右,但每年都會有個叫「香山紅葉節」的19function,想呢段時間黎既朋友就要有人多到癲既覺悟…

去紅葉公園要先搭地鐵去到1號線既盡頭蘋果園站,呢程地鐵抵呀,五蚊既車程夠你睏幾覺都未到。

到達蘋果園站落車,發現都OK不毛之地,行左成條大馬路先搵到間稍為似樣既食店嘆個早餐,呢間野D菜色充滿住奇異色彩,蛇貓狗野味系列唔再講,昆蟲及兩棲類系列亦係一絕…就連普通一個雞蛋麵肉條麵都搭載左好多不知名配菜=_=

食飽出發去紅葉公園,大家可以選擇起火車站門口搭5蚊公車或者包車去,我地五個人包左架Yellow Submarine 去都係30蚊。

又係半個鐘既車程,司機在公園前的手信街掉低左我地,沿手信街行去公園既北門購票入場。

個公園都OK大,而且算管理得幾好。

入公園無耐又見好多中山公園果D黃葉樹,第一時間樹底草甸大休玩落葉造型,閒到呢∼

公園內仲有一個山頭可以一登架,隨便覓路上行順手搵紅葉,但一路上發現紅葉都落得七七八八,未落既都變哂啡色了,更差既係中午過後半個公園都哂唔到陽光,影唔到靚相…

唯有周圍搵D野玩,見到山坡上有大岩組就直線CUT上去一攀=_=

下午兩點幾上到山頂,人多到旺角咁。

係咁二留影幾張閃人,撤退可以選擇坐30蚊吊車落山或都長命傷膝石級落山,我地就當然係窮鬼玩法啦∼石級極速急降,期間仲有個著高Z鞋MM挑機,我地要使出全速先可以黎個加速超越,利害利害。咁就行完紅葉公園∼

本來今日既行程除左閒左D之外都OK既,不過最後就發生左兩件SHIT事=_=

回程既時候我地見到有1蚊公車可以直返到西直門,好抵決定排隊一搭,點知有車黎既時候四方八面既暴民都衝出黎打尖插隊,本來排頭位既我地無位坐就唔再講,班友逼上車既時候連小朋友都唔理照爆開就真係太過份!特偷同落探員發火啦!落探員試圖拉住上緊車條友落黎,特偷就係咁RAFU佢地!

當我地企左大半程車,返到去巿中心搵野食既時候就發生左第二件SHIT事,我地隨便去左火車站旁邊一間餐館,上到去見D服務員態度唔抽唔采咁經已覺得唔對路,想要套餐具都懶得理你要自己去哄B點左菜等廿年都唔黎,D野又細碟又唔好食。唔單止我地不滿,最後連隔離台阿叔都少QD服務員,我地第一時間俾掌聲FIRE阿叔齊齊拉隊離場!服務差到不可思議既地步=_\=

是日晚上活動:青旅桌球爭霸戰。差唔多玩左成粒鐘,突然有個服務員走埋黎… excuse me, if you want to use the facility, please book in the counter...