|
＠於大學站撘小巴往三杯酒總站，得勝餐廳旁落車。
 
＠向海邊出發，沿岸邊回走向泥涌方向，經過一私人碼頭。
＠泥灘的對岸便是烏洲了，下半場既目的地。出發點三杯酒碼頭！有好多人黎釣魚，有d
等船去對面魚排釣。
 
＠對岸的三杯酒，與碼頭相隔一水，距離
100米左右。別人的船…我們的船…多謝癲佬負責收購賊船－冰火號…此名別無他意，原因船身確實寫著「Fire and Ice」，歹勢…
 
＠出發前留影！68蚊工作救生衣
made in 袓國。熱身準備下水啦！！
 
＠先探一探碼頭底！水好綠！
清涼！！ 冰火號下水禮！賊船主要負責運送物資，人就自己漂過去啦！
 
＠On Your Mark!!GO!!
 
＠一起步呢大家留意啦∼阿威為左挑戰自己係冇著救生衣架！！！當大家慢慢起海中心漂流既時候，阿威已經用佢既全速游左過對岸，利害既程度簡直就如溯流既三文魚一樣！！亦好似三文魚一樣燃燒了他的生命…本來好休閒既消暑團突變玩命團！！
 
＠當大家漂流２０分鐘安全上岸之際發現阿威已經氣盡伏屍於岸邊…
 
＠正當阿威離留之際我地已經卸下行裝玩艇去啦，找來木槳來個魯賓遜漂流先啦！
＠三杯酒於企嶺下海中被群山環抱，東起石屋，雞公嶺，馬鞍至北面八仙，加上天氣極好風景真係一絕！
 
＠岩岸上漫步觀賞三杯酒的小山岡，這邊箱阿樂在浮潛觀察水中生物。
 
＠藤壺！十分精緻既水中生物，防水機又建一功！！
 
＠島上十分多垃圾…可是亦為我地預備很多影相的好道具，膠椅、木材…
 
＠仲有梳化！！！！！XD！！！水中漂浮既梳化！
  
＠真係超級有MV Feel!!!!
 
＠島上的岩岸亦有十分精緻，就算唔識地質野都會覺得好靚，Ｄ石紋好齊整，又橙又白咁幾靚。遊完岸邊就到主打「三杯酒兩杯茶」！真係好有趣既山型，可惜而家已經生左好多叢林，淨係睇到兩杯酒兩杯茶…
 
＠覓路登上酒杯之上，頗多碎石同埋要同林木搏鬥一會，終於登到上第一隻杯頂。
 
＠杯頂回望岩岸。 我地冇上茶杯，探完酒杯閒遊一陣就係時候回程啦。
 
＠回程阿威放棄玩命，穿上了救生衣。４人懷著依依不捨既心情離開三杯酒…去到烏洲附近發現水淺及膝…可以澗水渡海…
 
＠烏洲的海岸，隨便繞一圈，可以遠觀一下三杯酒小島。
 
＠烏洲上沒什麼景觀，一遊只為全取三杯酒兩杯茶一舊飯之意。但近觀遠看亦不難發現值得留意的事物。
 
＠潛迷電玩的癲佬與阿樂…烏洲海岸，全島真係一舊飯，除岸邊全是一座小山丘…
 
＠阿威力拔三杯酒！ ＠行完一圈係時候閃人。
 
＠冰火號沒有機會登場了，但係今日佢既表現都好出色！
 
＠再一次渡過淺水區回三杯酒村落，可以去得勝食返個午餐，我同阿樂太飽決定唔食雞，而阿威癲佬就堅持叫左冇理由唔食，決定雞照吃往飛鳳石澗出發去了，傳聞佢地玩到八點…
＠而今日既泳渡行動亦十分成功！破邊之旅不日上演！！
2004年9月5日
|
