海岸探奇 Coast Trek

  海岸探奇目錄
  偷渡系列
   
   
   
   
   
   
  返回遊記目錄

 

Pui
嶼 地圖

泳綑黑角頭

港島東岸高強度綑邊路線,由小西灣起步綑至大浪灣完成,沿岸大量企崖惡壁根本無從入手,只有跳海一途,加上東風海浪常駐為路線再添二星難度。精華段力推小西灣至銀灣一段,挑戰性攀爬位一浪接一浪,未到最後一刻都唔可以輕言跳海!

隊員:Pui, Lok, Dino, ABC

 

本年度Shit天持續,難得突然有兩日爆晴,落探員都忍唔住病都要出動一番樂。0930筲箕灣集合早餐時間,再先黎個上半場ko海防博物館一段海岸。

為左扮作上班,落探員係搭載左波鞋出動架,所以是日既第一個活動就係搵地方收藏舊波鞋一對,最終找到地鐵上蓋草叢呢個歸屬=_\=

出發,覓路進入海防博物館海岸,先後打量過由批發巿場碼頭及海防博物館扮傻潛入,但都相繼失敗,鬼鼠行徑更吸引保安阿姐來攔截,最後只好樣衰地由正門離開,心灰意冷既隊員在博物館門口遇到開往小西灣的巴士…

鏡頭一轉眾隊員經已身處小西灣,為左等埋abc我地先後在kfc同老麥打躉…結果未正式開場已經食左三餐,hea左個幾兩個鐘士氣低落到谷底…

1245終於正式起步,就在公園旁邊可以輕鬆進入海岸線,初段經已有不少熱身攀爬。

嗯…水質是如此的惡劣,未離開維港轉出黑角頭之前我絕對唔會輕易落水的=_=

遇上一兩個釣友,仲溫馨提示我們話再前d就行唔到架啦∼好多謝你!果然再前進不久面前出現了一小海峽,眼看下降無路,更加唔想落水,只餘下一個冒險飛躍的方法。

唔夠兩米既距離但加上墮海既壓力確係不容輕視!跳躍之際稍有猶疑只會換來墮海既下場!

全員成功越海後第二個難關接踵而來,一個小小的直壁位,粗糙的海崖提供唔到良好的手腳位,少量over令到尋找換腳位既過程極之吃力,好難呀黑角頭!

隊員輪流試攀,一個兩三米的橫移位竟然搞左半個鐘!攀爬既野,梗係有人得有人唔得既∼

再來,一塊兩米80度斜壁,缺乏腳位既情況下上攀得頗為勉強,只可靠夾角壁虎而上。如果一路都係咁難關重重睇怕玩到天黑都去唔到大浪灣=_\=

幸好之後一路去到黑角頭都是康莊大道可以稍為加速追返D時間,好快到達黑角頭的岬角,第一次黎好難唔一登黑角既,正路在南邊的崖壁上攀。

基本上層級而上,除左極高跌落黎會死之外都無乜問題。


離開黑角頭繼續向南發展,接下來到銀灣之前一段,亦係強烈推薦的挑戰性橫移!先是一塊等號壁!看似無路可逃的轉角位卻出現兩道平衡的石隙幫你越過此關!

過等號壁後又係一個神秘既簷底轉角位,完全睇唔到外邊係乜形勢。落探員先上攀睇睇可唔可以翻過簷頂,結果前路為斷崖所阻無功而還。

咁除左跳海之外只有試攀一途了,由簷底進入橫移線,入口經已難度滿分!個人黎講要右手扣住岩石,再將身體伸展到極限先把握到左邊的手位,照理黎講癲哥哥應該用唔到同樣既方法過關!由此推論與癲哥哥的技術差距絕對在20cm以上!

繼續橫移,此時落探員與abc經已先後跳海,探子回報後段岩壁變成倒懸狀=_\=

與癲哥哥在岩壁上爭扎至最後一口氣…

終於都要投進大海的懷抱…


經過一小型海洞到達銀灣,正光回望黑角頭海崖,上下都好靚仔架。

四點鐘離開銀灣,此時宣布精華段經已完了。

接下來是漫長的局游旅程,一眾隊員都不敢怠慢,希望在日落之前到達大浪灣。

砵甸乍山沒收了陽光,游了兩三程後體溫慢慢流失,看到變成了墨綠黯淡的海水真係唔想落水,可以的話試著從崖頂繞過。

一繞路就遇上超絕高崖,abc的自視主觀在這當兒發揮了莫大的作用,完全無視腳邊數十米絕崖,中路殺出了一條草帶通道,其餘隊員在崖頂踏草而過之時lup水到了極點=_\=


再一輪功夫到達了炮台遺址,遇上釣叟指路,可以早退上歌連臣角道閃人確實係極之吸引,奈何隊員都唔忍心丟掉孤伶伶的草堆灣一段,決定要100%完成今日的預定行程。離開前觀察一下炮台,嗯…五星級的露營/宿觀日地點,靚路直到有機一搞。

游呀游游呀游…遠方殘留在岩岸上的夕陽成為了前進的動力…好想快d去曬下太陽…幾經辛苦到達了海角,有陽光的感覺良好∼

可惜好景不常,一轉入草堆灣前路被一來自懲教所的臭渠所阻,飛流入海捲起的白色泡沫讓隊員發揮了無盡的想像力=_\=面對如此的屈機境地,我地可以做既就只有盡量減少待在水中的時間,一野盡跳到近對岸的水面,即時上水再疾走至遠方海浴一下…

越過了這個最後的難關,大浪灣已經近在咫尺。時間1830到達這個鬼影都唔多隻的沙灘,完成今日的泳綑行程∼後續活動除了飯局之外,當然仲有揭曉今早埋下的寶藏有否被盜啦∼XD

 

相關於記:

2008年5月9日

返回上頁返回首頁返回頁頂

 

Email