海岸探奇 Coast Trek

  海岸探奇目錄
  偷渡系列
   
   
   
   
   
   
  返回遊記目錄

 

文: ABC
嶼

地圖龍爪洞舂坎角

隊員:落, 燒, abc

 

個人認為係零六年最正既一次水線行程,max天氣,max景,max人腳, 所以雖然係遲左成年咁滯,但遊記係要出既。

load 番上次南灣頭洲既行程,今次o係頭洲對上山脊直落頭洲對岸,查實此小山正是真正「孖崗山」之所在,頭洲對岸岬角是為「孖崗咀」也。天氣太好太熱,我唔掂啦,急降孖崗咀時即時墮海散熱,否則眼白都溶呀。

小綑一段就已經到左龍爪岩,連環幾個海洞太出色。

大伙兒o係龍爪岩旁邊既壁玩趣味橫攀,發覺老燒攀爬真係有一手,明顯勁過阿落探員。o係龍爪岩玩左好耐唔捨得走,臨走時老燒驚見海中有一 dom dom 飄過,即時唔願落水,但水路係唯一出路,最後都係無奈下海,令我諗起一套戲---<午夜凶鈴>。

無奈離開龍爪岩,之後既路段亦不乏小量海蝕洞穴。

其中一個洞既洞頂仲有手位可以俾人玩吊,咁又玩左好一輪。

一登大型岩石塔。

過路神祕石卵灘,舂坎角灣已經近了,一眾賊人竟然決定綑少一段,非常高調咁泳過防鯊網直接突入浮台午餐~ o係浮台嘆完午餐之後先施施然游番上岸,搏得頗高的收視。

繼續綑向舂坎角,輕綑一小段即刻見到大型竹棚乙個,未知是否傳說中的「罾棚」咁就當然一登啦,但係個棚用黎做咩既就唔知。

綑綑下突然右下方不夠10米有一黑影遮住了半個天空,再以一個曼妙的拋物線沒入水面,就像從來未發生,原來是魔幻的魔鬼魚撻水奇景! abc lup水中精神不集中睇唔到,成為是次旅程既一大遺憾。

巨石怪石同斜壁濕壁,不知怎的有位高手在此slide了一hit,面仲冇咩表情,真係諗極唔明。豬頭石。

o係一巨岩上面訓左陣 hea 下,是日天氣實狂太好,泳綑是最佳的活動。

既然去到舂坎角,當然要一探地圖上也有標的張保仔洞啦!但原來…只係一條較大而堆了不少垃圾既海蝕隙,不過總算係一遊過呢個比較少人去既張保仔洞,呢度同長洲張保仔洞人流大概相差盛夏光年。

再綑多一小段終於重見文明,去到昔日舂坎角炮台既遺址,飛躍無可避免。行一小段石屎路後隨意接極爛生衒霂臟A接山路一登舂坎山南峰標高柱,有趣地置於軍事建築之中。

舂坎山巨石頂。


最後當然要一登舂坎山頂巨石,老燒見到石頂突然著火,優先一登。攀上石頂先發現手腳位雖然唔少,但係風化得頗得嚴重,臨到頂仲竟然有凸肚位。花左好一番功夫先上到頂。

o係石頂回望頭洲同欣賞太陽餘暉。

去舂坎角沙灘沖身,但見天仲未黑三條蛋散就咁放哂 d 家當o係沙灘就出去泳多左一 hit。一睹美麗晚霞及老燒出浴為旅程畫上完滿句號。+_+

相關於記:

2006年4月30日

返回上頁返回首頁返回頁頂

 

Email