海岸探奇 Coast Trek

  海岸探奇目錄
  偷渡系列
   
   
   
   
   
   
  返回遊記目錄

 

Lok
嶼

地圖數碼海岸

難: 1
景: 1.5

隊員:abclok

 

 

本欲先點遊瀑布灣瀑布再探西高南崖,但災熱的天氣下落左海邊仲邊會行上山頂oY…是以改為突擊港島西海岸。

華富起步,輕鬆到達瀑布灣公園,咁就到左個大瀑布咧,方便度max。

有傳這就是傳說中《新安縣志》所載「新安八景」之一的「驁洋甘瀑」,同「香港」名之由來有關云云,真假就唔知,但以景論景此瀑布灣瀑布的確唔錯,落差廿米而且下接小海灣,值得一遊,但最好都係唔好玩水,因為上源有無限民居…染皮膚病就只有切除一途…同友人吹水講起,曹公潭、瀑布灣、白水碗或可稱為香港三大受污染靚瀑,遲下整個專題介紹先…=_\=

開結向西綑了,一開始先有一個戰時遺址可參觀。

過左廢堡轉個彎即刻發現蠅量級海蝕洞乙個,勉強可擺放一隻昂藏6尺的abc在其中,連劉李林本海洞書都無提架!~都算秘地掛…

呢頭海岸都幾靚,色彩鮮艷,不過一抬頭就無引…查實華富西呢個山叫「荔枝頭」本身有成95m高架,不過今時今日已經無山行咧,因為山頂已經鏟平起左呢d人稱貝沙灣3期0既物體,所以都無謂去咧。

續行發現奇怪物體!初看以為有白色菇狀物生於洞中,之後先發現竟然係「哥爾夫球洞」,相信比坪洲大利島的「灰渣洞」更天人合一!此段短短海岸上發現有6∼7個這種「哥爾夫球洞」,個波完全蝕晒入去,唔知係咪因為個波令呢d洞愈蝕愈深!

再來便會經另一景點----惡水臭渠一條,掂到d水包保切除。

跟手經一人工馬路底洞及一導航裝置就KO stage 1「荔枝頭海岸」了~ 可接車路去數碼港補給一番先進入第二階段。

再起步,不禁打量上方的西高南崖,看來十分兇險…輾轉經過橋底奇異柱陣,水渠及鐵絲網可resume行程進入stage 2 ---「牙鷹咀」。

今日的數碼港原址就係鋼線灣,灣南係荔枝頭,而北就係牙鷹咀,有一條石排伸出海而當中一舊大石好似一隻鷹云云…但今日所見,相信此景已經被數碼化左不復見矣,嗚呼!噫唏!

牙鷹咀舊石無左,不過呢度都有一組大石可玩,仲有道具椅一張。

呢道巨石堆疊,可以一玩穿洞。

牙鷹咀比荔枝頭海岸更短,不過就多少少攀爬,依然係輕鬆ge~

話口未完就KO左~ 接番沙灣徑大路,在此巧遇呀李超人。

咁輕鬆,唔好俾佢停,4點半都照樣進入比之前兩段加埋更長的 stage 3 ---「摩星嶺西岸」。

過左沙灣,出現是日最難位置,手腳足夠ge,不過唔小心就會跣落海濕身架咧,唔冒險可上行繞過,一個好似er…鼎ge燈塔就會出現,搭船去坪洲長洲果陣都會望到。

前行竟然尚有一戰事遺址,起晒石屎路欄杆呀咁但同一般廢堡一樣係好多垃圾,但當中有個搞野牛圖,好有洞穴壁畫feel…不過破壞古蹟當然係唔好啦,大家自律d啦。


臨到「日落觀瀾亭」之前又有一小段有繩玩的海岸,下有一奇特石景,似頭上有釣竿的一種深海魚,所以且名之為(魚康)岩以起懶特別之效。

日落觀瀾亭其實為戰時「銀禧炮台」遺址,現已成為一海邊涼亭物體,唔多覺有咩廢堡在附近,續綑吧,見到一個水漲時頗麻煩的位置,水退則無難度。

過左日落觀瀾亭後無咩好睇,都係睇下船隻同遠觀青洲咁,亦有d爛晒ge泳棚,而近西北岸有位置要落水先過到,於是我地就山路閃人。

上番馬路,發現路邊有舊「妙供味本廠」的門狀物,可能係廠房遺址都話唔定。而如果剛才海邊繼續綑,可以綑到一個香港碩果僅存現由金鐘及泳蘆冬泳會管理的「泳棚」為止,我都係由上址最近的一單遇溺死亡新聞方知香港尚有此類地方…

 

2007年7月29日

 

返回上頁返回首頁返回頁頂

 

Email