|
＠八點召集，九點人齊，早餐購物後搭小巴入烏交騰起步，沿苗三古道暴走入三丫村，一起步就大路迷路一記，幸好迷途其未遠。黎講今日東北都人山人海，沿路所見不少於三四隊旅行大隊。
  
＠高速疾走差ｄoverheat，苗三小澗落水降降溫，水池細細個但河鮮含量極高，惹來小魚小蝦去去死皮。  
＠皮。Total一小時入到三丫村，決定先改道一會山水豆花，價錢熱６凍８，都幾好食，但唔夠嫩口。
 
＠小休過後開始綑之旅，過三丫村碼頭後便隨意落水。  
＠今日水漲部份要涉水而行，未幾隊友們更放棄綑邊，一路水路推進，水溫十分之宜人，仲意想不到地清游澈。
 
＠在水中半淨半沉見到無限魚苗在身旁亂鼠盤轉，中途仲見到幾隻精緻水母擦身而過，幾個隊員即時圍住佢係咁影∼落水真係一個好選擇，黎講呢一段仲長過我地一陣泳渡虎王加印洲黎講。   
＠不知不覺翻過了東岸，黎講呢段邊都十分之平易近水，完全係石灘漫步。  
＠虎王洲出現在遠方，嗯果然係平平無奇的一個爛鬼島仔。這時大伙兒亦都登岸稍為回一下氣，在石灘上推進。  
＠極速到達了預備虎渡的位置，這裡離西流江十分之近，經已見到印洲在不遠處了。等後來隊員時候竟然在腳邊發現兩隻墨魚仔飄過，同落隊員意圖捕獲，兩隻野竟然噴墨加速逃脫，可惡！留下了兩秋汁液在海面飄浮…
  
＠好∼人齊出擊∼朝著對岸一個小碼頭進發，１００加內海水道，應該無沙沙光顧既，游得都幾安心，不過都要留意下有無奪命快艇出現，大伙兒用左１０分鐘左右成功飄過對岸。  
＠搶灘後發現剛剛以為係碼頭的東西，原來係被石屎包實的海底水管，由紅石門果頭經虎王、西流江輸水去吉澳。
  
＠登陸後放低行裝開始逆綑虎王，西南岸為零難度的爛鬼石灘…  
＠東北岸情況好少少，有些許岩岸要少攀兩野，中段還有一個小灣，眾人決定再次投入水路，用浮潛既方法ＫＯ了東北岸。  
＠黎講海產珊瑚既含量不俗，不少水母在身旁慢舞，可能小水母太可愛，阿Bun忍唔住要同佢來一個熱吻，結果被水母仔炸親條脷…＝＿\＝實在係無言…
 
＠臨回到水管位，殿後發現有許多珊瑚魚仔被龍王所獲，於是十分好心咁放生左佢地。
 
＠繞完虎王一圈原路游返過對岸，都差唔多係時候午餐，雖則預備左乾糧，但都決定快步閃去西流江搏下有無野食。
 
＠西流江，好一個與世隔絕既小漁村，幾個漁民在小艇上整理魚網，灘後只有三數間小屋。   
＠而覓食既結果當然係令人失望，這裡除左咸魚就只有狗肉提供。 
＠於是同小否們玩一輪後便走去廢碼頭度排排坐，對住印洲乾糧午餐∼讚∼  
＠由於時間關係，決定豪鬼玩法一記，由西流江搭快艇返三丫村。賺到的時間更可以黎一個即興泳渡埋印洲，又係１００＋既泳程，好彩今日搭載左浮板，唔係真係唔掂。  
＠再一次踏足印洲，但用土法感覺好好多，率先登印頂飛躍一記！  
＠那一棵餘甘子依然健在，咁岩又係果期可以淺嘗一兩粒。  
＠下午既天色仲越黎越好，有往灣Ｉ既八成∼在印頂環觀四方島嶼，北望黃幌筆、南眺往灣執毛，風景一流。  
 
＠賞景完畢，眾人十分無聊地決定泳綑浮潛印洲一圈，期間都有唔少既斬鑊。
 
＠大約玩到四點，係時候閃人，游返過西流江呼喚船家，快艇位位２５蚊附送淡水沖身服務，三人一船要分兩次離開。  
＠黎講今朝玩左兩三個鐘既一道小海岸，快艇兩個字就了結了回到三丫村。
 
＠在碼頭仔旁邊竟見到更可惡既螢光藍巨形水母，Ａ先生沖左身都忍唔住要下海多次一影。   
＠人齊就閃返去三丫村士多食多一記豆花先離開，大拿拿８蚊碗…真豪。 
＠好，最後苗三古道回歸烏交騰，飲飽食醉PowerUp全速暴走，一小時由三丫村奔到小巴站！  
＠去到剛好有小巴開出，使出遺棄隊員計畫，Kona最後剛剛趕到上車，而殿後就變成了真．殿後人，超爆悲。
2006年8月27日 |
