海岸探奇 Coast Trek

  海岸探奇目錄
  偷渡系列
   
   
   
   
   
   
  返回遊記目錄

 

嶼

地圖爛排大雞坑

路線:清水灣道起步,沿馬路步入大坑墩,接走龍蝦灣郊遊徑,過餓死雞後山坳覓路下降大雞坑,沿海岸線逆綑,訪爛排後綑至龍蝦灣完成。

隊員:Pui, Lok, King, Sylvia, Manc

 

一早起身發現 Max Shit 天,狂風大驟雨附送間歇性雷擊,放鴿指數200%up,先上個網睇睇有乜最新動向,十分人齊地全員在線,唔知做乜眾人都有所覺悟,討論後結果竟然係一致決定風雨不改,最多Rain綑=_\=。嘩頂…執野出門口。

照舊0930何李活集合,早餐團後齊齊打巴入清水灣,奇蹟又一次出現,經過井欄樹果時都仲係大陣雨,但係一入到清水灣天色就好轉,出現藍天白雲,今次既覺悟得到很好既回報!!但我依然相信幸福唔係必然的=_\=。

在龍蝦灣路同清水灣路交界落車起步,黎講今日既行程就係圍住起點以東呢舊山行一個圈。沿馬路行入大坑墩,先在郊遊徑入口研究下今日既路線,沿郊遊徑上行,嘩腳軟唔掂!!真係要不時以影相為名抖一抖,回望清水灣俱樂部及寶鏡頂,一諗到奪寶奇兵既經歷…著在係太吊=_\=

唔覺唔覺過左餓死雞都唔知,本來都想同競競一登既,但起就黎熱死既情況之下都係回頭路別要走了。起山坳位見到明顯的支路引落大雞坑的山谷,大方向下降啦。先要走一段草叢小路,明顯地密,落到半山位置終於都接到傳說中既大雞坑,嗯…上段係垃圾黎,又細又密又跣,就住就住咁四腳爬落澗令人太累。


但係去到下段竟然又係另一番景象,先有幾個小潭小瀑,再黎一個別緻的水簾比就黎熱死既眾人降一降溫,水力按摩十分之受用。

澗道下方落差頗大,我地沿巨石堆下降,左方又有一幅大型的流瀑,可能因為今早的大雨,水量都算不錯。

落到海邊一般卵石灘模樣,但灘左有一舊極大既岩柱,手腳位ok多可以玩下攀爬,爬上去行出外面望下個海,嘩頂驚濤駭浪咁,d浪打落岩石度聲咁…今日都幾難玩個海。

這時突然傳來一陣歡呼之聲,返去一睇發現…菠蘿…冰!!嘩唔理咁多幾名在岩頂的隊員即刻亡命下攀落黎搶食!菠蘿夾雜著冰碎!一陣涼意沿食道沉到胃,大讚!!真係要多謝你!雨仔!!果然係好隊員,誠意邀請你多D黎玩XD。

食完菠蘿冰精神力大增,繼續行程開始綑邊之旅,黎講水路進攻既話十成會被巨浪吞噬,都係左方攀崖繞過啦。諗住下降另一邊既時候發現係倒懸既絕崖,倒崖好睇呀但跌落去就收得工。

找到一個下降既位置,嘗試下都有d難位,挑戰身高既極限。成功下降平台之後可以進入一道十幾廿米長既大石隙,一路壁虎而行都幾有趣。

左轉個靚彎到達左亨稱「藏佛峽」既地方,究竟講緊邊舊係佛呢?如我者想像力少d都真係Feel唔到。但一場黎到即管入峽望望,順手避一避「藏佛峽」中間的兇猛水道…

但係過左另一邊都係要局住落水一記,短短既一條四五米水道,竟然要猶豫左兩年先捨得落水,可見海浪何其兇猛…看準機會首先落水,基本上一野就跳到對岸咁濟,但就要在起浪之前上返岸,唔係既話下場就會同競競一樣,被d浪屈機拋黎拋去上極都上唔到岸,最後得落探員出手相救,二人終於成功登岸。

回顧返等待落水既燒魚隊員,突見佢地身處石台突然水位急退,隨之而黎既係一個巨浪衝擊,Sylvia一個不為意就咁被浪捲走左,HappyXD!!好睇到丫,如果沖走果個係第二個應該會一時驚愕,但係燒隊員就…由鬼佢自己搞掂。最後佢同雨仔都雙雙安全上岸,好繼續。

就轉過彎又一個海洞,試過一段橫攀ok,但之後點都要落水,越入d浪越急…都係返出少少先游過對岸…嘩個海好似水滾咁,真係睇到都驚…=_\=又一次挑戰競競既上壓,經過多個月黎既苦練,競競既泳程上壓經已突破十米!點知一山還有一山高,雨仔同學既泳術果非浪得虛名…一同起步既二人雨仔竟以壓倒性速度墮後!大開眼界!


過哂岸又可以橫攀入洞一探,都係小小海洞一個無乜特別,返出出面個石台仔玩浪好過,坐在石台上背後時不時擊起四五米浪花,造型極佳!!

玩完洞返出黎繼續上路,天氣越黎越讚,95%藍天全開暴哂到呢…睇下錶原來不知不覺玩左成三個鐘,要加少少速先。

之後一段邊少量攀爬咁亦不錯玩,左轉一個終於都見到爛排同三門洞口。但到達爛排之前又經個一個石灘,灘後石峽竟然藏左一條澗!

入內一探發現有潭有瀑十分驚喜!綑邊加插玩澗環節係最佳既組合,最鍾意咸淡水交叉泡浸。一個高峽內竟有兩瀑三潭,頭兩個潭都十分User Friendly,可以享受一個陽光浸浴,但第三個潭就係黑暗盡頭既棺材潭…嗯…影下相好了。

浸完淡水爽哂返出黎繼續向爛排進發,十數分鐘既路程就到著了,舊地重遊剛巧又係水退,同樣可以步渡爛排。

在三門洞外放低行裝第一時間就入洞重遊,d浪仲惡過上次…

入洞後發現落探員出現起另一邊既洞口外,睇黎意圖跳海,見佢預備良久後終於鼓起勇氣投奔怒海,可惜剛巧我相機無電乜都影唔到,連之後佢被巨浪困於洞口小石台,lup水到無表情既珍貴場面都影唔到,真係可惜!

玩完三門洞返出黎係時候Lunch,是日菜色只此一款「70%溶化的考克力」一人一牌。食完野環一個島登頂先…

上次黎都無乜行過,淨係玩完洞就閃了。不過行一個圈後發現原來真係無乜其他特別景點=_\=

唯一收獲就係執到一個沙灘波仔,可以用黎玩下籃足排同躲避球。行完爛排執返在石灘浮屍中既競競同雨仔就起程離開爛排。

嗯下午側光回影返爛排好靚,會合埋浮潛中既落探員就繼續綑邊。

經過兩三個石峽,其中兩個更有淡水沖身既設施,太好可以離開前洗一洗走身上海水,但之後原來都仲要局落水…好唔開心。

除左局落水,尾段都仲有幾個挑戰性既直崖位要翻越…

唯獨身懷爆林絕活既雨仔同學完全唔放d直崖在眼內,獨個兒在上方叢林中殺出一條血路。本來打算在這個石灘脫出,但在灘後找到的兩條退路都係垃圾路黎,決定棄用再綑一段仔覓出路。

大家睇黎歸心似箭,最後一段高速跑邊,不消十數分鐘就到達了另一個龍蝦灣出口!返回馬路後快步死返出清水灣道巴士站完成。

2006年7月8日

相關遊記:

返回上頁返回首頁返回頁頂

 

Email