海岸探奇 Coast Trek

  海岸探奇目錄
  偷渡系列
   
   
   
   
   
   
  返回遊記目錄

 

Pui
嶼

地圖奪寶傻兵

一洗頹風第二擊,啟動雪藏數載的奪寶大計。出船到高球場遊艇碼頭起步,順綑至大恣A覓路搶攀寶鏡之巔,原路返回海岸線再探鐵鉆石,最後繞過風高浪急既佛堂門到大廟完成。如此高難度既泳綑路線竟然接近全船出席!誠意可嘉!而寶鏡海岸亦無令人失望,無限強攀不能局住落水既海崖,澗水一般冰寒既海流,加埋尾段既船尾浪漩渦地獄,確實係令一眾賊人樂而忘返∼

隊員:落, Pui, King, Sylvia, Tong, Fa, Abis, 公, 師太, 鬼, ++

 

小巴入布袋澳村,搵返2年前載過我地去青洲既張記叔叔啦,想當年佢開錯價話三百孤伶伶來回接送我地去青洲,寧願俾老婆扭耳仔都唔改返個價,確係一諾千金既真漢子!今次無法唔幫襯返佢,佢竟然都仲記得我地,相信開錯價一事都令佢被老婆周左一鑊金XD


分兩船超載開出,極隱秘地一路Keep住岸邊推進,阿叔話齯蠙策n鍾意突然唔知邊度鼠出黎,俾佢捉到一個超載盛惠二仟。

遊艇碼頭外面登陸,快艇要回頭車第二轉。第一梯隊見到個海清成咁經已要優先試水一hit。發現今日灡水凍到澗水咁款,睇落平靜既海面仲暗藏奇異亂流,游起黎好費力=_\=

牛一燒與青洲。佢老母專登黎陪佢綑邊賀牛一架,真係母女情深。

第二梯隊到著,好少見既11人大隊綑邊,差唔多全船出席。

轉個靚彎到達兇案現場,牛一燒既wp60壯烈地戰死,眾人睇住佢起老燒腳邊慢慢漏走,再沉落深海亦救助無門,泳綑最痛莫過於此。 岸上既隊員只可以對住部相機致敬,安心上路啦∼

深海老化龍虎榜:永遠的第一位:叻BB1部DSLR沒於破邊洲,現Abis老燒並列第二把交椅,Abis1部o記沒於西灣、燒1部Pentax沒於寶鏡,比起Abis可謂死得其所。(資料有遺漏請指正)


接受左殘酷既現實繼續上路。話雖久疏戰陣,但爛船都有三根釘,各隊員都自動自覺兵分水陸二路推進。阿鬼泳術大有進境,竟然帶頭搶灘。

一路都極多局落水位,但水清浪靜,眾人都使出獨門招式跳水。落探員既自選動作為新研發既直直Bur Get…

人極齊~

大家唔為意既時候,心雄競借齯G話果面發現左個大姑隆走左去胡亂攀爬,眾人俾個Dislike佢!

其實不遠處已有更佳既橫攀路線,垂直海崖加深水,全完係Deep water soloing既完美格局,落燒師太經已先攀為敬。

轉角crux位,一眾隊員先後放棄。型左一hit先唔好講笑,Pump手都唔理,好任性咁完全信任右手位加右腳推牆,左手伸盡咧鴠蛬堣互J隱藏手位,完事,過左Crux位就可以玩多八九米橫移,讚架∼

A貨費林。


高潮浪接浪,去到大象吸水洞外,除左有合家歡路線俾大家輕鬆練習下之外…


橫攀到盡竟然出現終極完美既overhand手位,容許使出單吊、Heel Hook等所有浮誇技之可能!

兩點幾,一半路程都未有∼讚∼!大象吸水洞外,象鼻(!?)上大休午個靚餐。

誰是阿叔競 猜遊戲,知道答案既朋友可以email到永遠唔會有人回覆既網站電郵信箱,頭三名答對既朋友可獨得賊幣1000大元。

大象吸水洞,格局同破邊孖洞有囍,洞外仲有Powerful岩壁。

下半場再動。

阿鬼跳水新高!成米幾兩米!

為左增加存在感,Abis在那邊以身犯險。

大象吸水全景∼


奪寶計劃,岸邊搵個陰位埋藏哂囍皜芊C草坡覓路上攀,烈日登山巧星苦呀∼∼登上山脊後可遠望到後半段海岸的狗尾洞。

一圓寶鏡夢,落探員大感動。

一生一會!寶鏡攻頂大成功!

山頂景觀:青洲果洲。

細心既阿棠做到野!預備左冰菠蘿!!但食埋冰就要原路撤回岸邊繼續行程啦orz

完全OVERHEAT,要即刻落水降溫先掂。

大恕@系列19洞。

狗尾洞,外面都幾樣衰,但傳說中內藏鐘乳岩洞架。擦下鞋先,話說李老豆有份發現架,好威∼


行程後段天色變暗,一眾隊員都無心戀戰,加上遇到太多局落水位,不斷上水落水消耗左好多體力,決定唔上水就咁一野游到去鐵砧石算9數。中途都見到有蠷嬰鴞n似幾好玩,但時間關係唯有留待下次啦∼

就快到鐵砧石,呢個位老燒同競競沿壁上路橫移,極高…但兩條友話OK…於是我同阿落跟隊,上左去有個位要跨出去,雖然有個靚手位,但下面極淺水!儲氣試左幾HIT都係跨唔出果一小步,笠左水,退返落去行水路算數=_=

水路都唔係好野,呢條水道佈滿左水雷,對抗水流既同時要好小心咁避開灡膽,一個唔覺意中幾針都在所難免。

陸路水路都一樣咁醜樣,接近佛堂門風浪漸大,加上呢個時間游艇回航,瓛謏嶽鬘[埋岸邊礁石極之難搞!

鐵砧!體力耗盡既隊員,登上鐵砧已經無心攀玩,只係為左稍為休息一下…

抖左一輪,決定將隊員趕離鐵砧石,應該游埋最後呢野就ko架啦,但竟然最後先出現狀況,後勁不繼既阿鬼被瓛謏嶽鰫葞予艄h扣左9成體力,上岸既時候跣腳被蠔殼界爆腳血如潮水=_=無計,終點前都衝唔到線,要Call返張記求救,直航回到起點…


其餘隊員繼續,轉個靚彎就可以突入高球場完事,仲如入無人之境大搖大擺由正門行返出黎,可惡。

鏡頭一轉經已起布袋澳集合返,後續活動除左有飯局之外,仲有將軍澳醫院縫針活動,Happy=_\=

 

2011年7月9日

返回上頁返回首頁返回頁頂

 

Email