海岸探奇 Coast Trek

  海岸探奇目錄
  偷渡系列
   
   
   
   
   
   
  返回遊記目錄

 

嶼

地圖深水角綑邊

路線!香島道起步,全綑深水角去到海浪公園正門完成!資料較為少的一段綑邊路線,不過有都懶得睇,淨係知道有傳說中既雁蓮蓮茶洞同埋唔短既局泳距離…嗯…

隊員: Pui, ABC, DH

 

集合後由殿後帶領打巴入深水灣,在香島道落車起步,隨便找道石級行去海邊就可以開始綑邊活動。

在起步點先審視一下今日既路線,黎講初段好似都係爛鬼石灘無乜料到,出發吧!今日天色都算幾好,係唔知點解南朗同孖崗有薄霧纏著。無耐就去到藍色浮堤既所在,影下相直行直過。

再來爛鬼小石排,有d似小破邊,都勉強可以一登既。但眼看泥黃色既海水真係唔係好想全身入水,都係慢慢跨過水道好了。但原來低處未算低,一陣既水質更加讚…

初段都有d難位,但好多地方都發現有d人工手腳位,十分之User Friendly。

嘩大熱天時綑邊唔落水真係死咁濟…頂唔順去到呢個大平台真係要抖抖回回氣。

越黎越接近海馬公園,吊車站出現在上方,過平台不久到達一個爛鬼石灘…要突破呢個石灘只有三個方法,一係游過下面既蝕骨池,二係強闖萬劫不復既原始密林,三係終極橫攀一記。三人在石灘足足猶疑左10分鐘=_=

由於海水實在係太Shit,決定嘗試橫攀一途,初段還好,去到後段要攀越過一個稍為倒懸的簷崖,挑戰度Max,到目前為止最惡既攀爬,幸好有驚無險完成,但爬完之後雙手力歇經已廢左武功。

這時殿後同Abc經已先後渡過下方的蝕骨池=_=,浸過蝕骨池後完全Feel到殿後經已鬥志崩潰,之後精神力持續低落。而更可惡既係避得一時避唔到一世,之後竟然有無限局落海既位置=_=早知唔使爬得咁辛苦…

在一大斜壁上橫移,無耐見到一個海馬公園既碼頭仔,見有幾個職員行黎行去,三個人就在崖邊等佢地搭船離去先至繼續前行…去到碼頭盡處又係局落水,十分出色地要捐坑渠出黎XD。

接下來在海邊發現一個半月形的石階,幾有演奏台Feel。

過高壓電欖牌後會出現一系列的小石排需要不斷泳渡。

其中這道若隱若現的長形石排仔甚得我心,沿石排行出去,有浪湧來時會半淹小腿。

午餐時間找來一個陰頂就地開餐,殿後既牛肉飯經既見怪不怪,我同ABC依舊係窮鬼乾糧大休。

午餐後轉出深水角好戲先至開始,d崖突然惡左好多,完全不能接近,有半數位置要局住泳渡,但景觀亦相應強化了。

先去到一青苔爆,瀑頂便是海馬公園的去水渠,想呢度撤出要有坐牢既覺悟。

過青苔爆後出現第一個大形海洞,左右一高一低有兩個洞口,最精致係左邊個洞竟有石階可以上攀至閣樓!!

本年度最佳海洞造型賞!!但係閣樓都幾多雀屎,黎講應該係禽流感既溫床…

再來經過兩三個較普通的海洞,亦都無浪費盡個量一探。

殿後樣都分別為他們命名了,但名字太亨經已自動從記憶體刪除了=_\=

一路都係不斷20,30,20,40咁泳渡過來,風浪都幾大下要小心撞石黎講。

這裡可以近觀對岸的鴨c排,岩岩水退見到同鴨c洲之間的沙堤露了出來,鴨c排東面有兩個大型海洞,睇黎都值得一遊。

終於去到傳說中既萬年茶洞,純粹靠估黎講,總之見到洞頂有棵茶樹就茶洞啦,個洞口四四方方咁都幾得意既,但都係閣樓洞得我歡心多d。

過埋茶洞旅程都進入尾聲,臨到集古村之前竟然發現一條海蝕隧道,超讚,成七八米長可以企直個人黎行,但係入面係蚊蟲既國王,唔想死就行快兩步!

最後一段為左唔使泳渡集古村下面的死水,所以打算潛入集古村,再在正門離開,可惜計劃失敗!!

一入集古村範圍經已被工人周到!可恨呀!結果都係要游埋果段死水…好彩海馬公園個停車場廁所有大水喉沖身=_=

2006年6月16日

返回上頁返回首頁返回頁頂

 

Email