海岸探奇 Coast Trek

  海岸探奇目錄
  偷渡系列
   
   
   
   
   
   
  返回遊記目錄

 

Pui
嶼 地圖

清水灣石環洞

石環洞位於清水灣大坑墩以南的海岸,這個鮮為人知的秘洞,近期因海洞圖鑑的介紹遊人漸多。作為08下水禮,石環洞絕對係上上之選,這個兩層相通的海洞,可以由下層攀越一石環到達上層,過程刺激好玩,野趣度鐵定係今年十強之選!

隊員:Pui, Lok++, King, Tong, Johnny

 

一早起來,由elmo 老巢出發去鑽石山食個靚早餐,順手等埋跟隊既阿棠同Johnny,落探員一再叮嚀久疏戰陣既Johnny要盡量輕裝,johnny果然不負眾望,兩手fingfing零負重登場,個Look猶如落街食早餐咁岩撞到一樣,如此輕裝都仲可以配備到指甲鉗咁刁轉既裝備…佩服佩服=_=

好啦,鏡頭一轉隊員經已身處清水灣二灘,開始順時針綑邊行程,mm指數裂口低開,行到沙灘尾都搵唔到支持位。

由二號灘綑至初號灘,路過一小型海洞。


由於未夠熱唔想落水住,中段可自行加插非必要攀爬,離水面兩米幾有d壓力架。

好快到達一灘,灘尾岩岸設了一條生秀鐵橋,隨時上影力王級血醒場面,秀鐵斷裂貫穿全身之可能,搏唔過呀=_\=

再黎路過一石灘,灘後有一群老外聚居,此灘已近乎於他們的私人沙灘。繼續沿岸邊推進,在岩岸回望可得一高尖挺拔的釣魚翁。


轉出大環頭角不久出現局落水位,在一個隱蔽海洞旁開始涉水,哇越行越深水就上到腰,好涼!

今日d水真係超清,最後大家都忍唔止黎一個全身暑假。

久違了半年的爛鬼珊瑚。

浮潛左成廿米先有位可以上返岸,之後再路過一小石灘。


半路被一礁石吸引了出去,在礁石上向前行一步就直落四米深,無數魚群游過∼雖然出色,亦記起了大海無量的恐懼=_=08第一撻!!

續行遇上了一道極高石隙要小心應付,錯腳fall落去既話,應會被兩邊牆瘋狂反彈磨到爛哂再落底被海浪捲走。

又一極佳天然撻水高台,水深三米幾任撻唔嬲∼荒廢左半年,撻水技大不如前…

說時遲那時快,經已到左今日既尾聲兼主打「石環洞」,另外Y洞的入口就在腳邊。聞說上次落探員到訪時此洞捲起三呎白浪,相比今日既情況實在係大好∼!

估唔到黎到石環洞口會再黎多個前無去路,高台跳水啦唔好等∼!

左邊黑暗Y洞,右邊石環洞。先直擊要害玩左石環先,在洞外石脊放低哂行裝準備潛入。

石脊右邊有小通道去到洞口,下水位塞人中,呆站在石隙中被蚊蟲瘋狂襲擊。

從外面經已可以見到上下兩層的入口,聞說水漲之時可以直接由外面爬到第二層,今日潮退黎講就乖乖地由下層進入啦。

落水游去入口吧,一離開左陽光d海水就超凍,失溫到瘋狂打電報相機都雁躞迭I

入到洞內都尚要涉水,水漲黎玩有可能變潛水洞刺激20倍,漆黑的環境令能見度得返10%。抬頭一望石環,竟發現二樓set左條繩落黎,正所謂前人種樹後人乘涼,繩都set埋唔通唔玩呀!?

檢查過條繩ok新淨,GOGOGO∼當然如果條繩下面咁靚仔,上面就爛哂既話都無野好講既=_=

阿棠優先試攀,前方岩壁完全零手腳位,靠哂條繩,一步一步踩繩圈上,只要信!最大問題就只餘下控制住身體既擺動,以防撞牆。隊員逐個跟隊穿環而上,最後五人攀至閣樓,行動大成功∼!

二樓望海觀景台,旁邊仲發現疑是鐘乳石物體=_=!?

離開時發現繩索綁住石環果個受力位開始有d披口,嗯…下次黎唔係新繩都唔好制…

完成攀登石環行動合照一個極速撤退,就黎凍q死啦頂!!

湧返去洞口石脊黏石吸收地熱,呼∼Rebody∼

攤左一輪當體溫稍有起色之時,又係時候搞埋隔離的y洞。傳說此洞可以一路深入數十米,難得黎到當然都要一探既。

好好,全隊都無搭載照明裝備,沿水道向黑暗盡頭前進,恐懼與能見度成反比,去到零視野之前剛剛好去到y洞的分叉位,精神度經已去到崩潰邊緣,掙扎一輪決定放棄∼!好黑好恐怖呀頂!!正想撤退之時尸浪一陣一陣湧入黎,係咁推我地入y洞,好R呀死抓住牆唔放,等無咁大浪即刻一湧而出逃脫=_\=

玩哂Y洞同石環洞今日都夠哂皮,係時候閃人。

退路十分之方便,過石環洞後行多幾步就可以沿山坡上行回到大路,輕鬆∼石環洞絕對可以大隊再臨,下次可以由大雞坑起步綑返過黎,補完呢頭海岸線∼

最後出燒烤場淋個靚浴食串魚蛋閃人,係咁。

相關於記:

2008年5月4日

返回上頁返回首頁返回頁頂

 

Email