海岸探奇 Coast Trek

  海岸探奇目錄
  偷渡系列
   
   
   
   
   
   
  返回遊記目錄

 

嶼

地圖黃麻角綑邊

逆時針綑遊赤柱半島,聖士提反沙灘起步,經西岸十九石灘出黃麻角,訪東岸連發大波板,點遊赤柱監獄高牆,最後xx宿舍脫出,去正灘沖涼睇mm。6+k最長綑邊線紀錄,行到雙腳要砍掉。

隊員:Pui, DH

 

中環集合6號巴入赤柱起步,聖士提反沙灘旁水上活動中心亂入石灘開始綑邊之旅。

赤柱半島西岸全屬十九石攤,又悶又長又唔好行,雖然勁熱加水極清,但完全無意欲落水,只想快步脫離呢一段悶途。

挨足2k中途只有一座三裂石頗為可觀,石頂小休,回望對岸港島餘孽之一既春坎角,今年應會殺之而後快。

其中一組巨岩有石隙似可一攀,二人研究良久終於成功一攀,幾好玩。

過左一個小碼頭無耐終於都到達黃麻角,轉個角地貌突變,爛鬼石灘變成整齊的岩岸,一大片緩斜的岩坡加上左方積木般的崖壁,精神立時為之一振。黎講到達岩岸之後難度亦都相應提升了不少,有許些位置越過時都要打醒12分精神。

無幾去到一個騎呢位,駐足觀察一陣子都參透唔到出路,下路橫移睇黎落水之必要仲相當兇險下。於是試走上路,點知上到去發現情況更加惡劣,要越過外斜的崖頂真係死廿次都唔夠。

結果都係落返去橫移好了,最多泳渡一記。平台加倒懸斜壁氣勢非凡,去到斜崖盡處發現一道石脊可以上攀上頂!

睇黎係最正路了,手腳位雖然良好,但越過洞頂的棧道時都免不了Lup水…真係好兩高=_=!上到頂回望下方真係幾好睇,平台同斜崖成直角咁格局好整齊。

經過一塊不能挑戰的直壁,兩塊大波板出現在遠方,由山頂一塊過插入海惡到呢…還附送幾隻大鑊。

左轉個靚彎出現全程唯一一個比較似樣既海洞,呢個位局又係住落水,經過海洞口漂浮過對岸。跟住呢一堆亂石又係去路難辨,結果係要攀上第二層石台先至有路繼續前進。

在進入大波板前的一組巨石下大休午餐半小時,嘆個牛肉飯。

飯後始進入大波板範圍,開波無耐經已數度被平滑的斷層阻路,再來一道大瀑壁垂直截斷了去路,研究過下路十分之棘手。

要越過此瀑只好靠一條離海面2x米高既棧道,一個唔小心真係會由瀑頂飛滾落海收場。但係過左個瀑都仲未有好日子過,大波板之上無路可依,行邊個位完全係斷估。

位於大波板上段既我地意圖水平橫移,但行行下發現心理壓力極大,最後都係決定慢慢典返落低位先繼續前進。在波板下段找尋小小的石隙作手腳位,最後連藤壼都唔放過。

一路橫移去到波板末段終於前無去路,雖然有蜘蛛膠,但我絕對無信心可以用濕左既鞋橫渡這最後的斜壁。落水係最安全既玩法,殿後雖然心有不甘但最後都係就範落水。成功越過第一塊波板,回望全貌,真係窮兇極惡!

心中不禁會想除森當時係點過呢個位架呢,可能係行上段再攀這些壁下降=_=!YO~

繼行,又企壁位要局泳,二人雙雙跳海,上岸後發現殿後的化骨龍帽起我地跳海之處漂浮著=_=,殿後唯有游返轉頭去執,點知一落水就有幾個船尾浪湧埋黎,可憐殿後為左帽子飲左幾啖水…

這時在前方有一道大石脊,脊頂是一個瞭一望台遺蹟,繼續前行一是游過石脊,二是沿左壁上攀炮台繞過。

同殿後各取一道,順手上炮台望望。

過炮台後下降回海邊,見到一個海浴場,不像剛剛那般驚濤駭浪,於是落去泡浸一下順手影下魚仔,探頭一望,池底全是水雷,Happy。

體力一直減退,越走越長既路線不斷磨滅二人既意志,頭上老鷹徘徊,應該係等緊二人不支倒下時落黎開餐。

幾經辛苦終於見到文明同羅洲,撻哂皮既殿後都仲不斷挑釁我一齊泳渡羅洲,說什麼時間尚早云云,但之前又講過話要早走返去買送…

距離100唔係問題,我驚一陣游游下咳到嘔血惹來巨型生物就唔係幾好,話哂對出就係大海無量啦老細=_=無人Fire殿後唯有失望地離開…

行多兩步就到達白沙灣,二人在灘後嘗試覓路逃脫,可惜去路被監獄重重阻隔,唯有行兩步挨兩步繼續綑邊…之後經過住宅區下方,中途越過清澈度12的排水口,被染成白色的海水實在太讚…掂到應該手腳都溶=_\=

最後一段經過一個亂石陣,嘩好玩,可以在巨石之間的隙縫壁虎而行。

末段發現一舊巨石set左繩可以爬上去,但只係純粹一登,上左去都係坐下就落返黎。最後在一石灘後發現民居,第一時間脫出,出到去發現原來係懲教所職員宿舍,二人沿馬路步行返去正灘沖涼睇mm,總算完成左漫長既廣黃麻角綑邊線=_=…

2006年8月22日

返回上頁返回首頁返回頁頂

 

Email