海岸探奇 Coast Trek

  海岸探奇目錄
  偷渡系列
   
   
   
   
   
   
  返回遊記目錄

 

東風破「泳渡吊鐘」

率性泳渡旅程第一擊,諗極都諗唔到去邊頭玩,突然靈機一觸,選在這個離岸東風六級既日子,泳渡滘西門過吊鐘洲,強襲吊鐘洞!!出發前一日立即購入十件助浮衣以策安全。估唔到臨時拉夫都有成九位隊員出席,隊員競更放了玲玲一記鴿子冒死出席,真係抵佢賺到一次咁精彩既旅程。

隊員:Pui, 鬼, Lok, King, Wai, Kona, 公, Terence, Fa

 

輕鬆的九點半西貢集合,一眾隊員完全輕視今次既泳渡旅程。找來大姐問價過滘西村幾多錢,結果為九個五百元正來回,可以接受,Deal。

高興的在碼頭等待上船,竟然見到泊岸既係一首小型遊艇,太威!有遊艇坐真開心,全隊人一湧而上霸返個好位。安頓好無耐就開船。

點知出左海三分鐘左右,正當阿樂想關掉手機既時候,手機突然響起,來電顯示上寫著「Fa」…眾人相視良久才發覺少了一名隊友!估唔到阿花既下場比癲佬更慘,完全被漠視遺棄在西貢碼頭…近來遺棄隊員既現象似乎有越來越嚴重既趨勢。最後煩請船家回航一接小花子…順手接多個吊帶MM,出色。

再出發,經過橋咀一役怒登既燈塔,水漲了很多,差不多浸沒了燈塔下的石排。
到了夏門灣,船上的其他乘客全部都落哂船,九人包艇計劃!爽!上船頂玩荂I!

路過滘西洲東岸發現了頗多可觀的海蝕洞,更有強勁瀑布直流出海!睇黎要一玩。
漸漸接近目的地,越離岸風勢亦越見強勁,站在船上全員被強風吹得東倒西歪,心裡亦不禁擔心一會泳渡滘西門既可行性…

到達滘西洲與吊鐘洲之間的海峽啦!旁邊有一個釣魚場之類的東西。

上岸後第一時間穿越滘西村,有少量否否歡迎。到達村後小碼頭前的廣場,在那裡有一洪聖古廟的古跡可以參觀一下。

廟前的香爐,前面刻著「風調雨順」等字句。爐上的龍頭吊鈴裝飾十分古風!正!

在廣場上觀察一下泳渡路線、整理裝備等,虛耗左好多時間,搞左成個鐘。亦引起了一眾遊人的好奇心,走過來問我地想做乜。隊員答「游過對面岸」…
最後決定在石屎路盡處的小碼頭下水,由隊員樂及花先行探一探路。

特別鳴謝洪聖宮既老婆婆好心送我地幾個大垃圾膠袋,好將我地呢幾件垃圾運過對面岸。先行探路既隊友平安到達對岸,大隊亦隨之出發,使用浮床戰術運送行裝!

五級東風果然唔係講笑,泳渡之時不停被白浪擊面,如果唔係選在這個號稱全港最窄既水道黎玩,相信會被巨浪吞噬。不過泳渡既時候除左風浪還要小心擱淺!!游游下竟然發現有巨石在水中,可以企上去露出頭來…好Feel!!

輜重隊伍亦成功搶灘登陸,安全將所有物資運了過來。垃圾膠袋計劃空前成功,所有行裝仍然十分乾爽,做得太好!

滘西門水道極窄極淺,我地泳渡之時相信正是潮漲之時,但水深之處亦不過兩米。最後留下不熟水性既阿鬼還在原處極力嘗試渡海…最後更出動浮床部隊將之運送過對岸!全隊安全渡海登陸吊鐘洲!

上水後受強風吹襲,失溫情況十分嚴重!幸好助浮衣保暖功能高尚可頂一陣。
沿岸邊前進找尋登山的位置,最後由一個叢林的缺口強行突破。

開始踏進林之神道既境地,一開始既時候大隊都仲係雄心壯志,心諗只要踏上山脊應該可以搵到小量隱密的路仔跟住行。可惜…原來我地既諗法係太天真。

再上行不久便可以看到一塊巨石直指下方的滘西門,有前輩稱之為「指門石」。
過「指門石」之後已在較高的位置,可惜前面等待著我們的仍是一望無際的林海…
雖則叢林級別只屬二級,但係作戰時間之長已經磨滅左絕大部份隊員既鬥心…

幾經艱苦終於翻上吊鐘大山頂,發現殘破的標高柱乙柱。雖身處林中,但四周景象則十分出色,東海眾海島以一極少見的角度盡收眼底。下方的匙洲還有一隱瞞小灘。

不知再鏟了多久,路過傳說中既吊鐘洲石澗上源,終於去到吊鐘洲的南端…

來到此境地方發現有極明顯的山徑,相信一般旅人都是坐船從大往灣登陸再慢步登山觀賞金魚擺尾的。而我地就…鏟左三個鐘左右…窮人玩法係需要付出一D代價既…

下望金魚擺尾!神似!而右方既斷崖上亦有不少危石可賞,總算沒有白鏟這一趟!!研究左好耐可唔可以下降落海蝕洞玩…但係以當下全員既身心狀態、下降路線既難度以及回程時間既迫切…有齊了所有不利既因素,咁既情況中唯有放棄計劃…

在大金金上面小休一會食個感動既下午茶之後就原路離開…無錯,係原路離開…

只餘下兩個半小時,要由原路鏟返去滘西,時間是迫切的,還好可以找回大多數今早開出來的路。如果搵唔返打一條新既出黎相信今趟或者要在吊鐘洲過夜觀星。

回程時候天氣好轉,有少量藍天。不久後便進入黃昏時份,我地亦回到指門石了…

滘西門魚排群黃昏的光景。

還有二十分鐘接我地既船就會黎到滘西村架啦!如果黎到唔見我地走左去就乃野啦!極速下降滘西門,黃昏剛好潮退,可以澗水渡海!快!渡海既時候手腳上密密麻麻既傷口接觸到海水,果一份滋味真係非筆墨可以形容…

遲到啦!!仲要起廣場比否否兇多一野唔敢跑去碼頭!!最後遲左成三個字,好彩船家好人等埋我地,雖然都少左我地一野… =ˍ\=抵既…

全隊帶著疲憊既身軀返到西貢市,第一時間去體育館沖返個靚涼,得到了重生…
最後在陳權記食埋個靚晚飯,檢討一下今日無為既行程…

未嘗林藝滋味既Kona竟然第一次就黎鑊長征式課程,獲益良多,留下無數青春印記。食飽飽再黎個飯後果再加一個蓮花杯,為旅程畫上完美既句號。

臨走海傍廣場15人合照。回顧今日既行程,堪稱無為之旅第一位,但係比五十蚊就可以去鏟左六個鐘林,一個鐘都係10蚊唔使,仲要包船包島玩,太抵。XD!

2005年5月29日

返回上頁返回首頁返回頁頂

 

Email