海岸探奇 Coast Trek

  海岸探奇目錄
  偷渡系列
   
   
   
   
   
   
  返回遊記目錄

 

嶼

東平洲

東平洲,出哂名既閒遊好地點,唔止風景正,仲可以玩下浮潛,聽就聽得多,今次終於有機會去下。另外今日其實係義工團黎,由珊地領軍帶我地去執垃圾,我地係team D!

隊員:Pui, Sandy, 哩, Windy, 鬼, Kayin, Catherine, 貞子

 

晨早起身死落去馬料水碼頭…點知都係等到十點先可以上船,入到去都成十一點半…東平洲都真係OK靚,但係真係太多人去啦…近碼頭d水都污染左啦。

一去到梗係落沙灘行下先啦。上半場我地主力陪珊地採菇,沿路都有好多巨型蜘蛛!真嚇人∼行左成個鐘先至搵到一堆假芝…都算係有d收鑊啦。之後就要頹執d垃圾返去交差…

起一個涼亭度食午餐,咬包…食完野終於到左自由活動時間啦!!

東平洲 d 水都真係幾清!但係係海水…唔係一定飛落去玩。d岩石都蝕得好奇特,好靚∼

向我地既第一個目的地「更樓石」進發!難得更樓石上面無人,我地話咁快就已經上哂去啦!


成個海岸蝕到好似一片片魚鱗咁。

離開更樓石,前往難過水。

難過水細浪果時應該可以通過,太大浪的話可能會比浪捲走…過緊果時見到隻蟹好大隻,諗住同佢玩下,點知背後一個大浪打埋黎… =  .=

過左難過水見到好大塊岩壁,攀爬!

大家都興起要爬上去影一影相呀!

呢個時候應該係退潮啦,有好大片路行,而且d潭水都哂到好熱啦。小水潭中有好多被困既小魚同海膽之類既小動物。

行到黎呢個位都差唔多夠鐘要回程啦,好采搵到一條山路接返郊遊徑…但係接番山路之後又行錯路,去左龍落水果面…好采最後都冇遲到返去。

東平洲靚就真係幾靚啦,又有水玩又有石玩遲d再去過啦,玩埋龍落水斬頸洲

2003年7月26日

返回上頁返回首頁返回頁頂

 

Email