海岸探奇 Coast Trek

  海岸探奇目錄
  偷渡系列
   
   
   
   
   
   
  返回遊記目錄

 

嶼

再探東平

東平洲已經去過兩次,但係兩次都無辦法環島一圈,一次只係起沙灘浮潛,一次就時間唔夠玩到龍落水就收左皮,今次總算環左島一圈,可惜風浪太大玩唔到海螺洞,唯有有機會再黎過啦。

 

近來大Project 既次數越來越頻密,今次既再探東平計畫竟然有多達三十人報名,好彩最後部份放鴿子得返二十人左右,真係驚去到碼頭會唔夠船位,係就開心死=_\=||。

馬料水碼頭真係人山人海,好采有驚無險全員都買到飛撘船。
今次既行有好多第一次見既朋友仔。

Kona、Suki、張張。         新月男特倫斯。

唔知係唔係順風既關係,個半鐘就去到東平洲。今日打算逆時針方向環島一圈,第一站先去大塘灣沙灘探一探St. Elmo,話說佢星期六晚已經入左黎帶班小朋友玩浮潛。

在沙灘好過份咁執到個顯示器…=_\=,祖國萬歲!好新淨下,哂返乾應該用得。

起大塘灣見到好多死o靚仔玩緊浮潛,終於在人堆中搵到St. Elmo同陳Sir既蹤影。隊員樂第一時間游埋去Say個Hi,順手進駐一下個浮波。由於天氣頗熱,大伙兒在大塘灣玩水玩到唔願走,結果大休左成個鐘先再起步。

由於部份隊員沒有準備午餐,於是兵分兩路,Team A繼續前進往斬頸洲進發,Team B則回頭走返去找尋食物。

去到大塘灣後的小村落搵野食,找來了一間叫「新昌」的士多價錢頗合理,於是決定就地再大休提早進行午餐計劃。一般雙拼麵食15蚊,仲有豆花、雜果冰冰等!出色!

補給完成,應該可以挨到回程。返到大塘灣見到強尼仲未離開,於是一塊兒追龍。又路過一士多小屋,有出色麻豆在此拍攝,取景於古舊小屋!POSE極專業!好睇!

至於Team A呢個時候已經起斬頸洲附近,玩緊貓公洞。

洞內別有洞天,可以爬入去,好好玩咁喎。

Team B追到黎既時候已經見到大伙兒起斬頸洲對開的石灘玩緊。

今日都幾大浪下,如果下盤功夫無癲哥哥咁好都係唔好行咁出,當然有人參扶既情況下就另計啦。

踏浪青年。

玩完浪再參觀一下斬頸洲的斷峽。   這邊箱就玩緊疊石遊戲。

斷峽合照,中間剛剛好有一塊大石台可以企。

未食午餐既隊員就起呢度大休開餐,強尼配備左大家樂早餐乙個,贏左!
食飽無事做可以好似癲哥哥咁玩下碎壁橫移。

亦可以玩下投壺遊戲。        甚至吸食下雅片打發時間。

呢一邊又有小組探遊活動,去左斬頸洲既篤篤,有個牌樓可以一攀…=_\=

大休完就全隊向下一站進發,龍落水!一道巨大的岩石帶由山邊直引落海,型!

好鍾意最頂層凸出的大岩石塊,線條好有趣。

龍落水四周的碎石灘,由黑白兩種小石塊堆成。


此處的海浪比斬頸洲更甚,實在係撲浪既好地方!

大伙兒決定黎一個龍落水,沿龍落水的石脊步入海中!

但真係好難,隊員樂、癲佬更二度被巨浪捲入海中!!萬分驚危!!上返黎既時候發現雙腳已經掛了彩!係時候離開。

由於太大浪,我地放棄左海螺洞同難過水,由山徑步至下一站,更樓石。
天色比上午更清!可以遠望到深圳既群山!仲見到排牙!型!

例行活動一登更樓石。

對開岸邊的岩石排列到好似魚鱗一樣,別緻!

阿威個Look真係好差…=_\=。

避在更樓石下休息、吹水、觀浪。

心緒十分高漲的癲哥哥…

在遠處岸邊發現靚靚路牌乙個,紅色柱身十分搶眼!加埋背後海景+深圳山景,讚!

在岩縫中搵到好多海岸生物!

海膽Punk頭Look。          Kona試坐人肉梳化。

輪流試坐完棄之於荒野…

都差唔多係時候回程返碼頭,臨走黎張大合照。

返到碼頭都仲夠時間食返個Tea先走,返返今朝果間新昌士多嘆冰冰。

哂左成日…夏日的印記又加深了。   回程準備上船。

部份隊員一上船就沉睡了。      另一D就起度搞事,癲佬示範拉爆絕活!

返到去赤門海峽終於醒過來,一起身已經見到夕陽無限好。      

吸引左一眾隊員進行獵影計劃。

八仙嶺暮光。

2005年8月7日

返回上頁返回首頁返回頁頂

 

Email