海岸探奇 Coast Trek

  海岸探奇目錄
  偷渡系列
   
   
   
   
   
   
  返回遊記目錄

 

嶼

地圖佛堂洲

原來是一個海島的佛堂洲,因為填海已與將軍澳連結在一起,現在要遊玩呢個島仔坐巴士就可以了,但附近既環境亦因為發展而變得面目全非,只可嘆晚出生了廿年。

隊員:Pui, Lok

 

坑口站集合,乘撘往將軍噢工業h的巴士,去到電視城附近落車起步。

第一次來這一帶,極之荒涼既感覺,全部都係爛空地,有車駛過時更會捲起沙塵暴…但大片的空地亦提供了玩模型飛機及模型車的地方。

向海邊方向前進,竟發現有一條海邊靚路,但就比口頭封左,一路行到落沙灘都唔係好覺得有乜野危險,真奇怪。

落到沙灘回望山頂,可以見到山上種左好多可能係茶樹或果樹的東西,另外仲有一塊巨型裂石,話說上回落探員曾經一探,可以一玩壁虎上攀,但今日零林藝興致唔會上頂,都係玩下綑邊算數。在沙灘盡頭開始綑邊之旅,今日二人都不在狀態,所以決定乾綑閒遊好了。

濕腳黎講已係今日既極限,綑左無耐就有野玩,前路被一裂隙阻隔,但兩端竟有繩索相連,咁既情況之下無可能唔玩一野飛索渡海,嫌唔夠安全可以再附送一邊獨木橋。

再來有一兩個精緻的小沙灘,零垃圾。

續行有巨型石脊石峽,隨便攀爬一下,但都幾LUP水,上到一半更發現再上有難度,於是都係沿路脫出繼續綑邊好了。

翻過另一面在登上石脊,竟有一石台下臨1X米危崖可以造型一番,靚。跟手就要下降…為是日全程最難位。

沒有借繩索之力自行下攀,但一開始手腳位不太好,加上下臨10米虛空,二人花費了好些功夫才狼狽下降到,真係鬆一口氣,唉老矣。

再走一會又一個石峽,峽頂的巨石後是通洞的,雖則橫攀入洞再穿頂而出既玩法十分吸引,但要入去都有一定難度,以今日既狀態亂入應會落得34.COM既下場,最後在上方抄林而過。

行程已過一半,轉多個靚灣就見到今日既主打景點「佛堂洲南岸的小島三連擊」,而就起呢個時候竟發現下方岩岸有一海洞。

再細看之下竟然發現呢個海洞係通洞的!太讚!必要一探!

在近岸這邊下攀入洞,更發現除了兩頭還有一個天窗,但要在這裡出入就太免強了。走過大約六七米、滿佈小海膽的海洞走廊,在近海的一頭鼠返出黎,型!

隊員落則而這一邊進入再玩一遍,二人在洞口拍攝之時被後方一野海浪爆濕大半身,一時驚愕!話說今日既水位頗低,睇返資料這時的水位應係0.5米,如果大潮之時黎玩既話呢個洞應會被海水完全吞沒,可以玩一記潛水洞!諗起都精彩刺激!!

玩罷海洞繼續最後旅程,慢慢接近小島們。首先越過第一條水道,水位極低,可以先橫攀一記再下降唔濕腳越過水道,太讚。

放低行裝在水道旁準備過第二島,至於過第二島就唔好太貪,都係涉水過好D,唔係跣低親親礁石就Happy。

第一時間一登燈塔,可惜唔係黃昏光,上次睇佢地d相真係好正。

燈塔小休,審視亂入填海區一遊鐵蔘洲之可能…嗯…=_\=最後都係決定放棄撤退,唔好破壞今日既雅興。

好,返去收執行離去,順時針繞岸返去,這一段可以一玩趣味橫攀,全程九十幾度少少倒,都幾消耗手力但不錯玩的說。

最後經過填海區,在無數泥頭車引發既沙塵暴中脫出,在電視城邊等巴士邊睇下見唔見到明星仔。

2006年5月13日

相關資料:

返回上頁返回首頁返回頁頂

 

Email