海岸探奇 Coast Trek

  海岸探奇目錄
  偷渡系列
   
   
   
   
   
   
  返回遊記目錄

 

嶼

地圖白馬咀

路線:西貢巿-水警警署-老虎岩-白馬咀-西貢巿

白馬咀位於西貢內海,風浪受到限制,泳綑入門級路線。全線分佈了頗多的海蝕隙,驚喜景觀欠奉,但有三數個高台撻水小天地,嬉水實在不錯。

隊員:Pui, 鬼, Dino, Lok, Terence, Wai, ABC

 

陳權記早餐團。

人齊起步,大方向對面海推進,去到污水廠發現前無去路。一探水渠竟然覓得一條出路可以直出海濱,太好,順利開始今日既綑邊之旅。

整理一下行裝就起步,遠觀今日既綑邊路線,睇黎都無想像中咁易,加上正值潮漲少左好多腳位,不過只要有全身入水既覺悟就無有怕。

開波無耐就比一石脊阻路,觀察之下發現可以半壁沿棧道左移去到一個石隙位便可以上攀,難度一般趣味十足。

隊員特倫及鬼則選擇泳綑越過此咀。

但當眾人登上石脊後便發現之後要局住落水…

一落水發現水質極高,碧綠清澈太正,全員水線進行。

在石灘登陸後又繼續漫長的綑邊,行到就行,行唔到就即刻跳落水游,全身入水計劃實在太讚,行進速度極快。

路過一個小沙灘,加埋今日陽光普照既天氣十分不俗,在此小休一會。

之後有一段彩石區,橙橙紅紅咁幾靚,有d白角Feel。

翻過埋老虎岩到達白馬咀外段,開始出現較大型的海蝕隙。

通常靚既就入去玩下,唔靚就一野泳渡過去,這裡風浪變大了少許,提防提防。

去到第一個大型海蝕隙巧遇史露比=_\=合照一個。

之後都有好多這類綑小的海洞,不太吸引。


又有三數個撻水小天地,兩邊有高台,下方水深兩三米,可以肆意撻水,正。

再起步之時發現神秘地道一條,可以鼠落去直通出海邊,好吊詭,但係入面多蚊到傻=_=!

去到行程既尾段,有好多釣友起岩排上垂釣,我地就係咁游水幫佢嚇走d魚,Happy。

最後返到去白馬咀盡頭,決定放棄全綑至三星灣,沿山路快步返西貢巿沖涼食Tea完成。

2006年5月1日

返回上頁返回首頁返回頁頂

 

Email