海岸探奇 Coast Trek

  海岸探奇目錄
  偷渡系列
   
   
   
   
   
   
  返回遊記目錄

 

落探員
嶼

地圖全綑坪洲

坪洲,傳說中難度不高半日便可全綑的一個小島,但可能因久疏戰陣,一遊後發現並不簡單…

隊員:落探員, ABC

 

好衰唔衰記錯船期,竟然要乾坐呆等…點半才出發,到步時已經兩點了 (注意!千萬記得星期日或公假勿去離島,亦要避免搭快船,貴成倍!)

碼頭旁有間小食店,有一靚仔店員,大隻又友善,是為第一景點~ 縱使萬般不捨,也只好合照一個留念後快步前往大利島開始是日活動。

大利島,亦稱為坪洲仔,洲仔,吉洲,現今已有橋可達,其東北有一小連島沙洲。另一特點是在島的西南離岸不遠處有一方正巨岩,十分突兀,頗有300孤零零之感,姑且名之為大利岩。

隨意自岸邊泳綑吧,大利岩左有水底礁排,又有若干漁絲漁網,所以宜小心行事。向岸的一面經多次賞試,要頗張勁牽強先借爛鬼鋼欖之助上到最難的第一步,但去到三分二時發現最頂一舊斜向外,手腳位未能在此高度比到我足夠信心,典左陣最終只好星星而回…事後發現,向海的一面只要上到岸就一定能登頂,留待下次再臨吧!

開始綑邊,過了大利南面的人工海岸不久便回歸自然,大利島仔細細,估唔到都有d難度!abc本打算怒攀此直壁,但最終亦只好落水了事。

島實在係細,轉眼間已經ko,近看東北的連島沙洲,驚見人工石屎砌石裝飾!不知何方人士有如此雅興,有一水中小石柱更貌似復活節島神像~

完成大利,由西北角開始順綑坪洲,由此沙灘開始吧~ 都有少量攀爬可作熱身…咦? 遠處又出現一個連島沙洲,仲好似幾特別添…

此沙洲比大利東北的小礁大上許多,更特別的係頂上有一舊疊石,原來就係「釣魚公」。

釣魚公連島石排尚有另一巨石佇立海邊。


嘩…感覺仲有漫漫長路。


終於完成上半場到達東灣,都有幾個局濕腳位。

路邊龍母娘娘廟,門前為其名下坐駕。

使出問路技深入涌仔村篤,要穿過一兩間破屋方可繼續綑邊…一入破屋只見一名少女的肉背和一名獵影的男性,當下既驚且喜,以為撞破好事有野睇…當然,原來係有著衫ge =_\=

續綑啦,呢段係就係岩岸但又唔太好玩咁…可能都係天色陰暗所累啦…

遠望到銀洲了!臨到銀洲前的一個小灣又有海中巨岩,此岩由亭下望有少許像熊頭…現在已無心賞玩了。水位不低,浪大,又無全身入水之覺悟之下,銀洲慘被放棄,再來啦~

到了島的南岸,在船上看時已發覺有數個沖谷狀物體頗為特別,其中以此谷最有勢~



尾段尚會經一兩個沖刷崩坡和民居,之後就是一輪大石邊,迫住涉水…草草了事…幸有出色的沖涼設施作為完美的句號,ko坪洲。

 

2007年5月24日

返回上頁返回首頁返回頁頂

 

Email