海岸探奇 Coast Trek

  海岸探奇目錄
  偷渡系列
   
   
   
   
   
   
  返回遊記目錄

 

嶼

小的的船河第一擊

期待已久既小的的船河系列,成個星期既天氣都好差下,係咁零散狂風雷暴,心諗是日既行程都係凍過水,就算去得成都要淋水暴寒落唔到水玩…點知當日天色竟然突然好轉!!雖然只有少量藍天同下午有一兩陣細雨,但係已經比預期中好左N倍!太好!!

隊員:空巢而出 (16人),連全身多處骨折既隊員威都冒住銀包重創既危險出席…

 

晨早去到西貢,在陳權記食完個靚早餐後就稍移玉步過碼頭Cafe 會合大隊。

今日西貢極之熱鬧,史提芬同公主都係去西貢遊船河,可惜出發前四圍望都係見唔到佢地,想打個招呼都唔得添。(不過事後佢地話見到我地,仲叫極都唔應添…=_\=)

上船安頓好之後第一個任務就係由阿棠主理收爛數,極之危險既出席收錢安排,集體放飛機就大鑊!搞掂錢銀野就成班人閃上船頂攤抖吹水,這邊箱和仔同花花正在討論中外古今軍火武器既發展史,那邊箱則在舉行特別派對,玩個不亦樂乎。

由於太大風浪既關係,埋唔到吊鐘洞,覆卓行動失敗。唯有另覓行程,老細跟手就安排左我地去伙頭墳洲東北部玩龍眠洞!穿過伙頭墳洲同糧船灣洲之間既水道,再掟一個右彎便到達龍眠洞,洞口被外面的護龍岩所阻,只能隱約看到水穴的入口。

由於風浪頗大,加上未熱身,一眾隊員對落水有些遲疑,但係其他既前輩都已經落哂落水浮潛啦!我地跟住去啦!!

泳渡組埋岸搶灘護龍岩,用哂浮板浮衣既珊達以時速 4cm/s既速度進前中。
花花使用自製雙浮板龜甲式戰衣,差d搞到窒息而亡。

唔落水既隊員亦跟手等坐駁艇去到龍c岩先登陸,但都係要落一落水游埋黎。

先乾後濕,我地先由龍c岩左邊的乾穴進入龍眠洞。入洞後攀過濕滑的岩石,正要到達主洞之際被阿姐點左去左邊既一條小通道,原來都係通返去主洞,但在完全漆黑既環境中行左十步,真係幾嚇人!!

龍眠洞,洞後還有一條約8米深既掘頭路,可通往甚麼「臥龍岩」云云,但係我地只係有少部份人入左去,唔係好知入面有乜野通。

沿路退返出黎,意圖經由水穴離開,但係巨浪不斷由洞外湧入!!

十級激既玩意,巨浪擊石散射成無數水花!而我地竟然要起度閃出去!!
順住海水既流勢,跟住佢捲返出洞外面,但係要小心中途有數舊大岩石好易撞到。

出到龍眠洞外,再在外面的水域潛玩一陣,休息一下。

拍攝下水底既生物。         海葵。

海膽,成個海都係,踏一腳開心死。  最後駁艇黎接大家回船,強襲登艇。

上半場第二部份,過左橫洲閒盪,去果時都唔知起邊,返去睇先知係橫洲…
登陸處附近又有一個小型的海蝕洞,形狀幾有趣。

在橫洲北部登岸,遠處已經見到閒遊組攀緊崖登陸橫洲,仲目擊到一次落石驚雲…

是日最好天既時刻!!和哥哥又點會錯過影靚相既機會。

繼續閒盪,竟然起黃白橋旁的沙灘發現瑰寶!!!梳化傳說再現!!
第一時間由隨團攝影師和哥出手幫花花整返張造型照!


影完沙灘搬落海再影,影完又Set 返上岩岸上面!!

競。          樂。          花。

黃白橋回程前合照。

就係咁閒盪完橫洲北部,返去等駁艇。呢個時候竟然遇到獨木舟船隊經過!極之好Feel,唔抵得 X10!!要快d考三星呀!!!!

駁艇的船伕大叔。    使陡。         返上船了。

之後遊船開慢慢開往甕缸灣開餐。玩左一朝,真係要抖抖先,睡死了的三人。

開餐!!極之豪華豐富既一餐!!有呢一班餓鬼存在既地方竟然仲可以食淨野,實在係太過份啦!!!開埋支紅洒黎摸下洒杯底就一流啦!!聚餐途中更先後由珊達及癲佬表演陸上行舟既玩意助興…

雖然午餐途中落起雨黎,但係下午既行程一樣會繼續既!!之後我地去左清水灣既爛排,要到爛排,就要先泳渡兩個小島仔,再直擊爛排的三門洞。

泳渡中途向海底一望又係另一片天空,海底有無數海膽水雷及魚仔。仲有十分別致既珊瑚,好有趣,篤一篤佢會變色,就會變成上右圖白左既部份。

登陸爛排,有一個好似凸肚濟咁個小岩丘。

三門洞,上面通天,下面激流。本想由北面入口進入,一入洞發現巨浪由南面洞口湧入,極癲既激流,比之上午既龍眠洞猶有過之!!於是決定由外面繞去南門順流而入。

浪湧令海水起伏p斷,真係寸步難行!但係好好玩!唔落水既隊員競就鼠左上洞頂!

玩完三門洞在外面淺灘閒盪散步一下,由於水退既關係,好輕易搵到好多有趣生物。

肥美的海參。海星,可以用黎砌返支國旗。最後玩到四點就返船準備回程啦!

回程合照計劃。           極爛既精英軍團Pose,趕走呢班人…

高手合照計劃。「嘩,第一次咁正經喎!」->「…………」

五點零返到西貢碼頭,先去洗一個靚澡回復HP,之後再商議今晚去邊食阿威果餐…

決定去沙田先搵野食,最後去左食日本野!!黎一個龍蝦大災難,D野都OK好食,但個量差少少,算啦,小食多滋味,大家都好錫住阿威個銀包既,係咁2都係食左佢一千銀落樓算數∼

2005年6月19日

相關遊記:

返回上頁返回首頁返回頁頂

 

Email