海岸探奇 Coast Trek

  海岸探奇目錄
  偷渡系列
   
   
   
   
   
   
  返回遊記目錄

 

嶼

地圖小的的船河第四擊 -
橫洲火石洲

春季船河團,原定計畫本是海島登山遊,上午一登橫洲頂再險脊,下午移師火石洲登頂再下降探遊欖灣角洞上的劍脊。但撻皮既隊員望到上穩恕s段路又遠又斜又係林藝大開催,最後竟放棄小的的走哂去暴寒落水!泳渡尖石柱!連夏天都等唔到就要作零六年的下水禮!

 

例牌九零零西貢集合再遲到出發,是次船河好似係少數事前經已知道目的地既一次,知道係海嶼登山閒遊之旅,但一眾賊人都一早打算唔理咁多都係要落水一記架啦。

船隻慢慢開往橫洲,就在橫洲的西岸登陸。

地勢十分平緩,可以慢步上橫洲頂,之前先下降西南面的平台。

可以近觀橫洲南岸的斷崖,哇在崖邊下望只係見到成百米下既海面…

結論係呢一個係一個絕高既倒崖,真係好癲既海崖!但a先生為提高收視率,不惜崖邊飛躍一記,真係嚇鼠阿叔,一個唔小心就可以「成仙撻水」。

黎講崖下有好些磯釣老友,但棠隊員不能自己太激動使出了落石技,給少了一記,Happy。

賞崖後由鐵人先生帶領爆林,沿著隱約既小徑爆上橫洲頂,來到好似係山頂既地,有一條鐵柱,作用不明。

但今日原來志不在登頂,鐵人先生示意要再去東面前進,行多幾步就見到將要一遊既險脊=_\=脊旁一邊是林海,另一邊則去萬劫不復既深淵。

哇加埋d碎石效應,真係要步步為營,一條人龍慢慢典出去脊的東端,開頭還以為會在這裡下降海邊=_\=係既話就太癲,好彩去到盡頭都係欣賞下風景就沿路折返。

跟手就去了橫洲的北岸,沿海邊向黃白橋方向推進,偶見海邊一個別緻小岩礁,吸引了一眾船員涉水一登,當然係高手同行系列啦。

上午行程又差唔多,係時候返在西岸上船啦,上船之前呢班友仔都係死要攀玩一下。

離開橫洲,遊船向火石洲前進既同時,又係開大餐既時間,豐富既午餐亦係船河團既一大賣點黎。午餐後在火石洲北岸的石灘登岸,此時一眾隊員經已暗中盤算著一會既行程會如何,要一登穩恕s既話真係聽到都氣餒,而望向火石洲北岸的尖石柱又係這麼的吸引…

眾隊員邊走邊盤算著,一路跟著鐵人生生上到去空難紀念碑既位置,駐足觀賞既時候,鐵人先生經已審視緊由邊條路爆上山好。

山上既林木十分之健康,睇黎上邊面都係惡搞,最後半數意志不堅定既隊員就慢慢墮後,最後脫離了大隊,小組回到去海邊去了∼Yo∼

賊人代表便只有阿競及阿棠同鐵人的的瀟灑走這一回。

之後睇返相火石劍脊真係一個不俗既境地。

聽競棠之描述比剛剛橫洲險脊更過份得多,好些位置只可容下雙腳,就算要企直個身都要付出大量既精神力,眼睇鐵人先生都步步為營就知此脊真係唔講得笑。有機會真係要補遊一下。

至於回到海邊既賊人,第一時間就係打量著泳渡過尖石柱的可行性,雖然稍有風浪,但除左驚會暴寒凍死之外應該無乜大問題,話說當日既氣溫好似只有20度左右,加上陰天海風效應真係唔講得少。

正當大家猶疑緊既時候,a先生經已一馬當先跳入海中,乘著浪高速游向對岸,呢次係第一次同佢玩水,估唔到有咁強橫既水性,太惡。乘著此勢全員突擊,一個個跳哂落海,落水果下真係…冰極,攻心寒意反而令皮膚好似有發興既感覺,十分奇異既感覺!

越過其實係極短既一段水道,好快就到達尖石柱上岸,在一小沙灘小休一下影相後就沿西北脊一登尖石柱。

一級級咁上攀十分之平易近人,係要小心d碎石。途中亦不缺景點,在半山的位置發現了離奇石陣,以石塊砌成類似一瞭望台的東西,有趣有趣。

再之後又有亨化的飛氈石,一塊過兩米方形大石橫置,有半塊懸空隊左出黎,有d類似跳板石。

過埋飛氈石就進入了叢林區,要上頂就離不開林藝,行左兩步發現唔多對路,都係放棄登頂既念頭=_\=

為登個密林頂搞到花哂真係唔係好抵,都係沿路脫出好過,下降時四面環觀,風景唔錯,對岸就係久違了既楝心三洲,一個極之想去既地方,在三洲中既水道游水應幾爽。

返回海邊又暴寒一次游返火石洲=_\=感覺比剛剛更差,身體嚴重失溫…零六年既下水禮落得一個差d凍死既下場實在係太讚。

最後少理咁多,再游一記返上船!再享受久違了既誠意撻水技!!

就在這個時候登劍脊組的鐵人先生同競競等人都返到黎啦,可能見我地一班小伙撻水咁Happy,鐵人先生都忍唔住要落水一記,直接就游返上船,讚!!最後的最後,只會有熱呼呼的糖水可以為行程添上一個完美的句號。

2006年4月2日

返回上頁返回首頁返回頁頂

 

Email