海岸探奇 Coast Trek

  海岸探奇目錄
  偷渡系列
   
   
   
   
   
   
  返回遊記目錄

 

嶼

地圖橋咀鏟沙嬉水遊

七月尾的心照之旅佔去了大量的心思,自爛排大雞坑後竟然整整一個月未有在香港遠足及游泳,十分掛念,於是放棄了獨木計劃,和出冊的ABC一探橋咀島。

隊員:落, Abc

 

今日乘搭藍旗街渡,票價已經變成了20元,而且一問之下只可以同一個地點上落船,令我本身想半月灣起步橋咀灘走人的計劃受阻,當時只好隨便同賣飛阿姐講「咁我地去橋咀啦」。

上船後先猛然醒覺我要去的是半月灣,於是到橋咀時扮傻唔落船,成功鬘b月灣起步! 走人時可以大搖大擺鷎籇C灘走,yo!

天陰的上午,名灘之如半月灣都得幾丁友,mm更加係零,於是馬上開始逆時針綑邊之旅。 久未綑邊,二人身手大不如前…龜黎架?

好快就去到第一個海洞的落水位,雖然正值低潮水只及腰,但由此開始船尾浪十分之厲害,跳海前要留神,拖爛四肢就唔係咁好睇啦。

呢個洞就係象鼻洞,幾大下,但都冇乜特別,走人。

南岸其實好短,轉個頭已經見到龍眼圓頭。

又遇上了第二個洞,此洞名為倒吊岍諢A聽聞係因為佢洞口果條倒吊大岩柱而得名,abc即刻急降一遊,可惜水太淺,未能一玩倒攀倒吊岍諠

但水淺都好,可以入洞探遊,亦唔驚此處crazy的船尾浪。

洞十分矮但幾闊,洞篤更有一小型海蝕柱,有趣有趣…此柱有亨化名乙個,有興者自行睇書啦,亨化到冇眼睇…

再動,已經去到久違了儮F摩洞…但竟然因為低水出現蠅量級噴水穴一個! 大家睇相就知噴得有幾勁!

而且此位下降惡難,軟落陸失敗,只能跳海一渡!

到了最後一洞達摩洞,年前已經在max天探遊,所以今日直行直過。消息人士話今日有賊船船隊出遊,可以多次眺望都無發現…

達摩洞至龍眼圓頭原來為全島最難一段海岸,泳渡的話距離最長,綑的話…像上次水漲+癲哥哥帶領,有驚無險,但水退的時侯那橫攀險位實在令人lup水!

我如非玩過係絕對唔敢行,而狂妄如abc睇完我過亦不敢造次跳海了事! 可見有幾險!

成功著陸,不忘一登回憶之孤石!又離奇地在海岸林中發現4小犬,唔知係咪釣魚維生。

短短一條南岸竟然搞左兩個半鐘!見有路唔洗30秒就直達番起點半月灣,無可能唔過去咬個麵大休,但是日的mm指數低落,就如個麵一樣索然無味,dd味精都唔肯比。黯然離開時發現半月灣的水質原來好到max…

好啦又綑過,成條東岸可以用悶黎形容,快步行呀行,經過石鼓環時abc竟然平地仆slide爆手,令人大惑不解,但唔理,繼續暴走,因為abc要番工…

轉眼就去到斷頭洲,嘩,0興趣,完全係烏洲之流,諗都唔諗就放棄。

再來係游龍角個海灣,好悶呀…一於玩下泳渡,可以行到好出…

突然,眼前出現數個小島嶼,原來已經過左橋咀島最北端,風景截然不同,令人大為fire! 更有一家人自駕小艇到此沙岸野餐,實在太寫意咧!可惜佢d衰狗見到我就狂叫起來,麜\地主人面前兇狗道被禁斷,十分之可惜…

下一站大鏟洲,幾十米就到,有廢碼頭物體,亦有人在附近浮潛,可能有料到。


再來,游十幾米就到另一島---小鏟洲,嘩! 水退關係,成條沙提野外露出形成沙灘,實在太讚的景色!加上內海不波和開始max天,有如夏威夷小島,海中果d人有如海…龜黎架?

前行就會有一忽山比野食左,搭船時成日見到,原來已經去到了白沙洲。轉個靚灣已經見到橋咀碼頭…在700米外…

幸好有地圖,唔係又去做傻事…但有圖都唔醒得去邊,游得興起的二人決定泳渡海星灣碼頭…

成500米的距離成功將泳渡上壓提昇至新高,整整游左4,5個字,但已經接近極限,再長的話要操下水先得了。 一路上最擔心的不是沙沙而是快艇…近日的清水灣香蕉船殺人事件正是我等泳渡者的夢魘…要萬分小心

登陸海星灣碼頭不禁老抽一回,被衰犬所不齒。 之後更被2,30狗狂吠,使出兇狗道亦功效不大,下次真係要帶行山杖行山…

成功準時完成行程,走人時再觀白沙洲,比枕頭洲更似枕頭~

2006年8月6日

返回上頁返回首頁返回頁頂

 

Email