海岸探奇 Coast Trek

  海岸探奇目錄
  偷渡系列
   
   
   
   
   
   
  返回遊記目錄

 

Pui
嶼

短咀、黃竹瀝

綑邊、溯澗、登山三合一高強度行程,快艇直達蚊灣起步經短咀綑至沉船灣再上溯驚喜黃竹瀝,出澗後迷走於米粉頂東北丘陵地帶,尾段任性加料攀登蚺蛇。

隊員:Pui, Lok, Syl, 公, Tong

 

山高路遠,加上俾左錢無理由唔玩盡D,西貢食個靚早餐就入黃石,約好老黎930出船。由於鴿子眾多,水腳由50蚊一下暴升到70蚊呢個心理關口=_=

上午能見度極之良好,梧桐七娘東西涌都可以用眼穿越。

快艇出征確實係爽,10分鐘船程經已登陸蚊灣,揮別黎講踏上今日漫長既旅程。

起步一路向東,無耐經已遇到少少棘手位。

南風二級果然做到野,一路上風平浪靜,如果d海水再清返DD咁就真係Max啦∼

蚊灣至短咀半k路程先後有兩個景點,第一個位於離蚊灣不遠處的一個小形海蝕拱,可以一玩穿門。

第二個就係落探員介紹返既水池洞,由於短咀有勝景將軍石,所以此一迷你版海蝕拱旅界中人稱之為「副將拱門」。

由於洞口有巨石阻隔,就算外面六級東風都打唔到入去。入洞浸泡一下天然風呂,水溫比外面低左幾度,坐井觀天享受下海浪輕推∼

離洞轉個靚彎,五分鐘就到達短咀將軍石加和尚洲。

入洞之前發現一幅趣味橫移壁,手腳位既含量極之豐富,加上下面成四五米水深可以放心freefall,絕對可以任意攀爬,一展入門級既抱石技巧。

但慢慢橫移斜上去到轉角彎位開始離水面越黎越遠,feel到有壓力∼呢個時候最適合跳海啦∼

沿水道前進打算在直達將軍石旁,但石峽之間水流大亂,起海流中掙扎一輪先上到岸。放低行裝一穿過將軍後門,好想上到頂雙腳撐兩邊牆黎一個經典Pose,但上到去心理壓力都幾大,好高o下=_=

下一站和尚洲啦,泳程極短,離短咀不過四十米,三兩下就登島對岸。

登頂展望,對外係大海無量太平洋,回望短咀水色極佳。南邊有牛屎缽,和尚洲加牛屎砵人稱「兩粒米」,二百米,好遠…一諗起外海d深海生物就好令人卻步。


下降岸邊作環島遊,西岸比較多平岩,東岸則被水蝕成短直崖,只可以於離水面三四米處慢慢橫移越過,繞場一周返回登岸處游回短咀。

拿回行裝再出發,沿岸南下。


無遠又出現一趣味攀爬位,挑戰至手力全失終於同落探員成功闖關。


風浪漸大,期間有兩三個位都幾濕滯,上路發展既話會攀爬到相當高度,再落返海邊亦有困難,阿棠仲跟甩左唔覺越上越高去到斷崖位先識落返黎=_=

所以阿公選擇落水係比較醒目既玩法,但同風浪搏鬥都要打醒十二分精神,一個唔覺意隨時被浪拖爆。不知不覺下miss左幾個景點如天窗寒池洞等,仲要一度以為再遠一個山咀後先係沉船灣,感覺相當漫長,惟有下次去潛水洞時補完。


全隊人行屍走肉mode,捱到去沉船灣終於苦盡甘來,灣內山峽中一條黃竹瀝山泉,首瀑「船頭瀑」為隊員帶黎無限生機,跳進潭中洗去身上的海鹽,清爽200%up∼決定峽底潭瀑之間大休泡泉至失溫為止,享受短瀑水力衝擊,不亦樂乎∼

冒住要夜行既危機好任性咁大休左一小時,1515終於捨得起步,身處峽瀑之中研究左好耐都搵唔到路攀上瀑頂,碎石加濕滑亂黎絕對無好下場,最後退返出灣外石灘,於灣旁發現斜崖一幅應係上攀既正路。

沿隱約小路翻上一草坡頂,眼前出現黃竹瀝幽谷全景圖,幾個水潭層級而下架於高台之上,趕時間都要浸佢一浸先。

沿澗進入山峽之中,泉水草木更豐,施展久違了既全身入水玩澗,全程踩水越瀑而上確實係爽∼澗道以一直瀑「船尾瀑」作結。

我地起右邊疏林爆返上山脊,時間1615。站於米粉頂以東一帶的山脊之上,斷估都應該向西走既,但唔記得咩野原因,最後竟然向左東行,搞到繞左勁大個圈先上到米粉頂。

四點幾太陽依然好惡毒,唔使15分鐘經已蒸乾哂條身,靠黃竹瀝回復既HP轉眼間經已扣左七成=_\=再一次進入行屍走肉mode,feel到大家精神度超低,起米粉頂旁小路過而不登,頹到差十幾米都唔要多個登頂紀錄,做得好好∼


過埋米粉頂到達蚺蛇山腰,天色開始昏暗加上疲到爛,本應揀最快果條橫路速逃,但賊船既野一向都無乜章法,要辛苦就要激辛苦,一眾隊員通過左上埋座蚺蛇呢個咁熱血既建議XD!用近乎缺氧既速度登頂,1830蚺蛇頂見,筋疲力盡坐起標高柱旁邊感覺十分之滿足∼

是次行程包括哂山海澗路線,對於養尊處優既2009年黎講,絕對係數一數二既高強度活動∼∼但滿足之餘都係時候撤退,如果唔係就仲要加插多個夜行環節架喇=_=

1930赤徑,夠哂皮既隊員絕對唔會為左慳果十元八塊而去行果段悶到抽筋既麥徑=_=下一站黃石確定,最後晚飯環節當然唔少得啦∼

 

2009年8月1日

返回上頁返回首頁返回頁頂

 

Email