海岸探奇 Coast Trek

  海岸探奇目錄
  偷渡系列
   
   
   
   
   
   
  返回遊記目錄

 

嶼

地圖泳渡黃宜洲

黃宜洲青洲等斬竹灣小島連渡計畫,突發行動又一擊。天氣不隱定總是拿不定主意玩乜,本來暫定橋咀綑邊補完,有乜唔對路就早餐時間再議行程,最多19澗出擊。點知紙上談兵一小時仍未有結論,把心一橫決定一跟敢人路線。

隊員:Pui, Lok, Dino, Tong, Bun

 

一早起身天陰但無雨,OK出發,上午十點陳權集合,但一入西貢即刻暴雨…今日西貢有龍舟比賽十分之熱鬧黎講,食埋早餐睇完龍舟先岩岩人齊黎講。會合眾人開會,商議一下今日既行程。結果坐左成個鐘都得唔到共識,最後唔理咁多決定一抄敢人路線,仲要係同日進行黎一個感人會合。話說早幾日看到敢人們既路線計劃還萬二分驚愕,條條都要游幾百米,心諗實在係太過份一,估唔到過兩日就抄線玩,Happy XD。

打定主意就撘小巴入北潭,由於今日十二點漲定,我地要搵d野玩打發下時間先等水退減d先泳渡。

於是靚路入上P,水平推進先入曝罟灣先一遊個堤壩,後段進入稍密的古道,括出去在濕林中6k穿梭既感覺太讚,經過癲哥哥曾一遊既曝罟灣坑,雖大水但入口令人卻步,算吧啦。太亢奮既關係同樂探員一野就爆到迥哂龍,向後回望竟見到堤壩=_\=,折返折返。

回頭找到了下堤壩的小路,yo成功到達,比想像中更別緻的堤壩,半圓形圍繞了半個灣。咁好既環境唔好等,即刻試跳一記。

隊員們落水發現水溫十分之OK,於是全員在堤上大休怒玩撻水,本人第一試撻即連續失去了眼鏡同泳鏡,太癲第六副黎講,經已無野可以再失去,破斧沉舟激發誠意。

眾隊員亦都鬥志高昂先後在合作技同個人技上取得突破。

Bun隊員更預備了MJ帽子,將誠意撻水升華到誠懇撻水既層次。


阿棠不斷苦苦思索新花式,十分之投入,就這樣撻左成句鐘水,玩到潮退都唔知,Bun 隊員最後仲使出插水技,話說佢個頭擦到個水底黎講=_\=。

再起離開堤壩已是兩點,打算沿邊綑回去起子灣。

但呢一段海岸真係垃圾黎,除左滘西就零景觀,一路蠔殼滿載,眾隊員都有唔同程度既掛彩,更差的是勁多蚊滋仔係咁咬,事後返到去全員最低消費三四十粒。

去到黃宜洲對岸,見到青年營個碼頭有班小伙子在導師的帶領下玩既海碼頭遊戲,真係想比佢地見識下跳海既真義。繼續綑到去一個小碼頭就決定放棄呢一段海岸,實在係太廢,接走靚石屎路去黃宜洲村個碼頭仔。

又係時間黎個大休午餐,碼頭旁邊擺放了許多獨木舟仲有擱淺快艇一艘,借黎一玩就爽啦…午餐後做好防水工作準備過黃宜洲,點知一落水發現水深到腰…完了,浮衣都省回,全員輕鬆步渡黃宜洲。

一上岸望向青洲方向就見到有幾個橙色既人影!!敢人!!!太讚竟然已經登陸青洲!!隔岸叫囂了一陣子,之後我地就潛入黃宜洲青年營。

入到去全營鬼影都無隻,大方向向碼頭推進,準備由碼頭沿海一登黃泥洲仔。

又係步渡,轉島一圈零景觀完了。回去之時開始下起大驟雨十分好 Feel!!

沿路撤走,遇到許些營友,互相問候一下十分友善。

先登海邊一個小石排,步渡十分之輕鬆。

下一站牙鷹洲,仲有一條長尾巴,都ok。

再來就係激游之旅…依圖而言唔計淺水區點都有200,嘩好長,如果有隊友起呢個時候提議放棄既話我可能會和議…但睇黎大家有所覺悟…沒有撘載浮具既隊員隨地找來了浮物。

好準備好就黎料,在落隊員帶領下隊員先後下水,慢慢漂流向青洲,中途在遊艇上的大叔見狀就問我地使唔使幫手,需要既話就即刻大叫他們。真係好人,有錢人係唔同d。

謝過阿叔既好意後小隊繼續渡海,先後安全登上青洲!太好!

阿棠好激動,打破左佢有史以來最長既泳程。上到青洲遙望到敢人們經已完成旅程,在大網仔路碼頭閒坐著。

我地則打算轉島一圈再攻木魚洲石排群,觀之要渡木魚洲又係200之旅…隊員們都不禁氣餒,眼見剛剛大叔既遊艇經已駛出斬竹灣,我地經已無退路啦!強渡吧!

不知怎的比剛剛還要辛苦,好似有少量反方向海流,都唔理啦,死命游過去木魚洲石排!


成功登岸!!在洲上石堆上休息回氣,黎講今日既泳程經已完成!

之後可以涉水步回木魚頭沿海岸綑回碼頭仔。

這時天氣突然變好,竟出現久違了的藍天白雲,太癲!最後出大網仔路完成。

2006年5月31日

相關連結:

返回上頁返回首頁返回頁頂

 

Email