返回特別企劃目錄
  返回遊記目錄

 

文: Lok
特別企劃

盼望前傳

無厘頭行動又一擊,話說拜讀朱翁的香港掌故,得知其曾舉辦攀登望夫石的活動!還在石頂設置留名冊!太惡!站在望夫石上一覽沙田全景既感覺應該會絕讚,更想看看有沒有名冊的殘骸。如斯活動甚合賊人口味,癲哥哥第一時間和議決定領軍一攀。

隊員:Pui, Lok, 鬼, 花, Dino, 威, 殿後, 強尼

 

十點大圍集合食個靚早餐,等到關鍵人物癲哥哥到場就出發。

經紅梅谷燒烤場上望夫石,中途一個開揚位可以遠觀到今日既目標物。星期日既望夫石果然係門庭若市,遊人多到呢…隊員們一時未敢出手。

先四圍閒盪一下觀察下望夫石,第一個感覺係好那高!點上呀?仲要成塊直咁濟!即時R哂!繞到石後從另一角度看,真像一個背著小孩的婦人。

望夫石腳底有很多塗鴉,畫左幾個手牽手既人仔圍著石底。

外圍可以飽覽整個沙田巿。

望夫石旁還有一塊岩石,石上寫著望鷹石,高三米幾,膽大者可以一試壁虎而上,但上到近頂處勢頗危,還要縱身撲上石頂,都係搏唔過慢慢典返落黎。反正無事做,眾人提議先用望鷹石Set繩一玩。由癲哥哥教玩蛇縛之術,有繩索之助上望鷹輕鬆多了∼

上面幾寬敞,可以上五六個人都OK。

玩到差唔多中午時份,遊人逐漸散去,睇黎可以開始行動!癲哥哥立即預備飛索。

再由力士威拋出繩結,計劃係想讓繩索越過石頂由另一邊跌下來,那便可以Set繩爬上去了!可惜幾過多番嘗試,依然唔能夠將繩結拋過去,最後唯有放棄行動,下次改良好方法再來一戰。未能攀夫癲哥哥死心不惜勉力一攀,但最後當然都係失敗收場。

如像打敗了仗的公雞一樣,獨個兒躲在暗角飲泣。不過相信佢唔會就咁死心,起不久既將來一定會捲土重來。

攀夫行動失敗,全體脫出落山飲茶,決定唔行大路,由隊員樂帶領一遊望夫石下的叢林,當中不乏岩組及石洞可玩,但頗多垃圾及蟲蟻,不宜久留…

2005年12月11日

相關遊記:

返回上頁返回首頁返回頁頂