返回特別企劃目錄
  返回遊記目錄

 

特別企劃

單車點遊紅花嶺

就黎考試,溫書溫到無無聊聊,icq見暉暉撞岩咁得閒,就黎個即興單車遊,諗左好耐都唔知去邊好,約住粉嶺等齊人先算…

車手:競、暉

 

兩點幾齊人,二人又成團咧=_=今日閒遊,唔踩咁遠,紅花嶺吧啦,又未登,又有大路直上頂咁濟,掂呀!

沿沙頭角公路,見堆填區個牌就可以轉入去架喇!d垃圾車大塵到呢……暉暉又要出動佢個終極武器,墨鏡O_\O

因為又懶得睇地圖,過晒上山路口都唔知,去到長山古寺先知,算啦,可以順路一遊古跡。

長山古寺好似話有百幾二百年既歷史,所以古玩古董數量亦不缺,更有古色古香既門校,o岩晒癲哥哥玩!

其實寺內仲有兩位廟祝婆婆,佢地都好熱情咁一邊同我地傾計,一邊介紹番間寺入面d古跡歷史,仲帶我地睇班岩岩出世既貓仔…

有個婆婆就話「喂,阿嬌,你睇下d貓仔好似多左幾隻咁喎……」之後另一個婆婆就話喇「嘿,阿sa,你眼花嘛,邊樹有多到」=_\=!!!滴汗,原來傳說中既北區twins係穩居o係長山古寺內XD

欣賞完,同阿sa阿嬌say個bye後又係時間上路了,兜番轉頭好容易就搵到個入口,不過要突入先掂!

今日爆好天,景都唔錯,係熱左d,上果段唔洗多講,都係慢慢典上去吧啦。中途大熱,頂唔順,要伏屍路邊先掂!

上足個半鐘,終於到左發射塔附近,真係ヮ鴗ㄕ獢A抖抖先……

影影相,睏睏覺,吹吹風,感覺真係十分溫馨架!

鎖車登頂去,路有好多,最快就左轉直上爛泥路……發現路邊小花都有獨特既味道。


臨頂前有一分叉位,直行過一塊禁區指示牌可以去到對面既紅花寨,左轉直上就可以登頂咧。


登頂後天氣轉得唔多好,起晒雲,不過望過去梧桐山一樣咁清。影張合照就拿拿聲走喇!


落山就梗係爽啦,先一探發射塔先,原來都幾新淨,潛入不能,兜個靚彎就極速飄移落山……黎講,上果陣都唔覺,落果陣先知原來急彎都好多下,反應慢d都飛落山,咁就happy喇!用左七分鐘落番大馬路,丫頂,快到呢~ 行番原路返歸。完。

2006年4月22日

返回上頁返回首頁返回頁頂