返回特別企劃目錄
  返回遊記目錄

 

King
特別企劃

西部單車之旅

文字呢條線同暉暉講左成年都未踩,親兩條友有新車落地,就梗係拿拿臨走去踩下啦。吸取左四年既教訓,今年學精喇,日落時份六點大埔出發,經元朗、天水圍、屯門、荃灣、大圍,零晨四點番到大埔,踩晒半個新畀咁濟,全長 85.6km 。(編按:呢兩條友仔竟然做出d咁離經叛道既事!? 太過份啦!!)

隊員:暉、競

 

地圖

黎排遲到既暉暉今次亦無例外,約左四點半太和等,過左五點半先出現,吹左陣水,係咁兒睇下今日條線就出發!

一開波沿大埔公路入林錦公路,無左個太陽真係舒服N倍,仲有涼風吹下,無得彈!怒上嘉道理斜,涼亭合照。

仲有日落睇,唔錯唔錯。之後係沉悶既錦田公路,梗係極速飄移啦。

入左元朗就直接入工業h,兩條友仔未踩過呢頭 d 路,地圖又懶得停車睇,駛出賊船既大方向計劃,得左,順利入到污水處理廠附近,影埋山貝河,個天都差唔多黑齊。

沿工業h入面既福順街可以直入吳屋村,之後會見到個三叉路口,轉右就會到漁塘區。夕陽既餘暉同小屋既倒影幾好feel。但係講番條路就真係 oh…Ships,越行越爛,又多濕泥又多蚊,最後都出番邊境路,睇個 map 就出發去尖鼻咀。

無咩特別既咀,好多鐵絲網同得個警岡,仲有深圳后海灣夜景乙個!

深灣路出流浮山迴旋處,途中無限咁多豬場同豬屍,黎講呢…嗅!去天瑞h食老麥,初步改變計劃,到荃灣唔行大埔公路改行城水返大圍, good idea!可以行少幾公里。

食完野,體力復原一百,怒踩青山公路,經麥徑 200 出黃金海岸。黃金海岸果然係有錢人既地方,我地去到好似格格不入,都係飲個野就閃人!

繼續怒踩青山公路,好彩係夜晚,無咩車,唔係食塵都食得飽=_\=||

中途停左係個開揚位到影下夜景,點知畀我地發現遠處有個岸邊燈塔!

兩條友梗係即刻落去做野啦,怒攀燈塔 59 一 Hit!之後幾野就到青龍頭同深井,又係 Seven 計劃,今日計埋都第四野。再踩過去附近既機場展覽聽,照舊無人,不過夜景就一流,有 feel~

下一站荃灣,由於無人熟路,又一大方向加大馬路計劃, yeah~ 成功左,到達梨木樹hOK又勁飲一番!!城門道上城門水塘…到左主霸畀無數小否歡迎,真係要小佢地一小。之後就梗係城隧橋底計劃,太Dam,係咁抬部車落石梯,仲要落到最底先記得有個台要落,條鐵梯人落到單車落唔到,結果駛出兩人合作技,將架車係梯出面運落去,太成功,唔洗十分鐘攪掂!

落到去更加精彩,個排水位大水到你驚,可惜太黑影唔到。去到城隧橋底再合照,可能夜得濟,上面無咩車行,如果唔係我地下面打燈,實嚇鼠上面 d 司機,又黎單城隧連環撞車事件 ~_~!

最後激上馬路,上到撻晒皮,尾段直落下城水主霸,都係十分鐘,爽!
李暉返歸,我就完成埋悶途吐露港,零晨四點回家,睏個靚覺!

2005年8月11日

返回上頁返回首頁返回頁頂