返回特別企劃目錄
  返回遊記目錄

 

Pui
特別企劃

百里操車

話說同老癲不自量力地報名準加左根爺搞既三江並流自殘式單車團,踩車上四千白茫山埡口呢件事真係聽到都覺得無稽=_=單車部老大高手競驚我地唔掂既關係,特別安排是次百里操車行程,臨急惡補一下,希望雲南之旅唔會俾各方高手扯爆…

至於是日行程亦甚具挑戰性,黎一個新界百里環走再安排翻過飛鵝山,保證撻皮∼!

隊員:競, 花, Pui, Dino, Tong

 

錦田車房出車,雖然遲左少少但都食埋個靚早先行過去集合,去到果時大伙兒經已搬哂屭恭X黎準備好出發,太好。百里長征事不宜遲。

1035起步,轉出錦泰路沿錦田河逆線行車出錦田公路。

路邊先調一調較蠷唻恣A再來進入粉錦公路開始有齯W斜路段,過埋消防局就開始衝落山。

塘公嶺右轉入小路,經大壟農場穿田間小路,踩小路由於條路窄既關係果個速度感爽好多,而且只要稍為偏離軌道就會衝落田,好刺激架。

出到丙崗,即係我老家,過門而不入既做法做得好好,太耐無返去都變左好多。

1130清河h柒仔補給一下再出發。百和路接粉嶺公路一路殺到去塘坑轉上天橋,呢度幾條天橋路面都起到波浪形咁,玩下車震都幾爽架。

九龍坑火車軌旁新馬路繼續向大埔方向前發。到達太和h附近,途中都有佛寺,話說係某單車鬼故中既主場景之一,人影都唔多隻,日光日白都笠笠地。

1225大埔捷成到著,本身只係諗住調一調架車,點知臨時加插左購物環節,手套、里程計等裝備入手∼yo∼

成點鐘先再起步,下一站預定中大CCcan午餐,為左追返少少時間,車隊全速吐露左一野15分鐘到達馬料水,根據新里程計顯示平均都有30至40k,很努力了∼

1320CCcan到著,咬返個雙拼燒味飯咁,仲有大陸松鼠跳黎跳去,好頑皮:P

1400完事再動,馬鞍山入西沙路,星期日踩西沙路係好危險既事,商議後決定唔理得咁多全速一野爆到去馬牯纜入村就安全哂∼

大洞經林間泥路衝落瓦P頭,爽∼跟住一段海邊小路值得推薦,穿梭於紅樹林隧道之中感覺大好。一路經西徑、企嶺下新舊圍殺到去入榕樹澳條引水道,跟手上水浪窩呢段仔就真係咿R…斜到…

上到水浪窩西沙路,又返回危險路段,直接衝落去西貢應該好爽,但被警察周到就凶多吉少,商議後決定取道麥徑,就算被漁仔捉到都可以求下情XD抬一段泥路接返石屎馬路,仲斜過頭先上水浪窩果段,s形蛇走死典上去接返竹洋路,命都短幾年=_=

辛苦完一輪,跟手衝返落西貢,呢段彎急車多,雖然好好衝都唔敢太快,去到40左右就收一收,安全第一。喂~超速喎老兄~~

接返大網仔路出西貢,4點=_\=仲要好任性咁大休飲汽水抖左成20分鐘。

離開西貢既時候撞到阿Dee架車經過,Say個hi繼續沿西貢公路出白沙灣。5點,泊低架車,鶾C艇會外空地野餐一番樂,有香蕉、肉乾、豆花∼!打打底準備應付今日最咿R既路段,上飛鵝山=_=

食飽上路,蠔涌入大藍湖,路過隱世村落時有隻臭否瘋狂追尾。

馬路去盡又要抬車上山。

山路去到一間離奇大屋,荒山野嶺有間咁靚既屋都幾得人驚下。


接百花林路,堪稱全日最斜路段=_=幾經辛苦去到飛鵝山道,純靠意志力推動,開始各自修行,一路上極多車震人仕踩行油咁上山,睇黎好趕時間,見到人避都唔避下,真係要少佢兩棍。


龜速死典左成個鐘終於去到東山觀景台,很努力了∼之後終於有好日子過~~~


經觀音山一野衝返落去大老山隧道,黑夜?彎超刺激,高速落斜既盡頭放左幾塊巨石做RoadBlock,睇漏眼無減速咁撞埋去既話應該人車都會散開幾截。半個鐘隧道口到著∼!為免驚動隧道職員,先熄熄個車頭燈先啦,再黎洞口合照留個紀念∼

恆商旁邊鼠返出黎,2030廣源?搵埋阿鬼食個豐富晚飯加甜品∼


行程去到尾聲,大家既鬥志依然極之高漲,再全速踩多程吐露港。最後林錦公路頂埋條嘉道理斜,告別領隊老競後又60k衝落錦田~

返到車房2320,100公里除返13個鐘,時速10k都無∼正∼

 

2009年9月27日

返回上頁返回首頁返回頁頂

 

Email