返回特別企劃目錄
  返回遊記目錄

 

特別企劃

地圖輕艇計畫(一)橋咀滘西

時間:0900西貢麥記的士站
早餐:0830景泰茶餐廳
地點:西貢斬竹灣冷雷檔口
食物:滘西村士多大休午餐
費用:50(偉華sir雨仔同學力撐價)
日期:6/8

路線:斬竹灣→橋咀半月灣→滘西村→大頭洲漁排→斬竹灣

首領:大小偉華
囉嘍:百靈, 黃道益, 哩, 雨仔, dino, pui, 鬼, bun, wai

 

連續幾日天氣不穩定,幸好活動日稍為好轉,雖則大清早還是多雲陣雨,但稍後時間越黎越好天,太好。0800放工趕入西貢集合,遲到係必然既事啦黎講=_=,景泰食返個靚早餐之後就齊齊打的入斬竹灣。

入到去巧遇阿花痴兒和感人既朋友仔,除左佢地仲有好多人黎上獨木舟,阿冷雷真係唔休無飯開。唔理咁多第一時間執野換衫,快手快腳出去lup 艇起行,今日玩黃色香蕉船,12隻黃艇起海度漂都幾Sharp。

夾手夾腳搬艇落沙灘,偉華仔係咁二解釋下今日既行程之後就下令出航了,今日我地打既係「1.4.5.2」陣式,但黎講呢班烏合之眾在旅程中維持到呢個陣式既時間…大約有五分鐘左右啦=_=。 事隔一個月,睇黎大家既低落既技術都無乜生疏到,好快手就上到艇出航去了,同埋蕉艇好似較容易平衡,Feel 到唔係咁容易Cap艇,十分安全。

第一站橋咀島半月灣,起海上既定向能力得返三成,開頭完全認唔到d島=_=。由斬竹灣去橋咀要越過航道,頗多嘍囉隊員之前都未有經驗,心情都幾興奮,黎講呢時正星期日上午,勁多遊艇經深篤門出海玩,見住d船排住隊咁黎,我地起馬路旁邊等著一個缺口,等左五分鐘終於出現一個破綻,偉華仔一聲令下,船隊成錐行陣全速一點突破。但係我地過到一半第二輪既遊艇經已殺到,嘩爬得咁慢…龜蟀[?幸好遊艇見狀都扭捘袪}我地,唔係真係死一堆。

過左航道繼續向橋咀進發,經過碼頭仔穿一穿個橋底。


去到橋咀水退成條砂堤露哂出黎過唔到,要由外面繞過,順道上一上令人懷念的橋頭燈塔,回影下後來既艇仔。

沿著橋咀海岸前進去到半月灣,我地打算在這裡小休一會,於是在旁邊一個小石灘泊岸,將艇仔拖上石灘放好就行過去半月灣。

嘆雞]飲汽水都唔好話唔爽,之後有d隊員游左出浮台玩跳水,有d就Hea左起沙灘睇風景,黎講幾位阿Sir都早有預備載哂黑超,可惜今日半月灣既mm真係買少見買少,能見度慘不忍睹。

休息左大半個鐘,全員集合返去姜它A出航。

離開半月灣後艇隊穿過左一道狹窄小水道,水道中頗大浪,平衡之餘又要顧住撞石,極之刺激好玩!在這裡撞到一班綑邊隊伍,開頭仲以為會見到落A二人,但最後都係感人會合唔到。

離開水道後便看到橋咀南端的象鼻洞,原來離龍眼圓頭都幾近,幾想閃埋去玩洞,可惜要繼續趕路去滘西。

沿著滘西洲的西南岸南行,中途路過一道落海的瀑布,每次船河都會遠觀得到,但咁近睇都係第一次,黎講個勢都真係唔錯,瀑旁還另有一堆海蝕洞,值得一遊。

唔係偉華仔阻止我地,幾條友必會搶灘玩瀑。

下一站滘西村,經過滘西灣極多遊艇,mm指數幾高,停在漁排旁邊等下後來既隊員順手睇下風景。

人齊就在滘西村士多旁的碼頭登陸,士多人爆哂,想叫個餐蛋麵老闆都話做唔切。

於是死埋一二角乾糧計劃,多謝哂各方好友既接濟,餅干、八寶粥、菠蘿!夠哂飽!

但一場黎到點都要咬碗餐蛋麵既,終於等到老闆等閒應酬我地,8個麵入手。

一邊咬麵一邊欣賞小偉華主演既人狗情深。

兩點零飲飽食醉係時候閃人,再次出航穿過滘西水道。

小偉華由於要趕四點前返到,所以一起步就拋棄隊員計畫高速閃左人,同Dino跟在後方只有食塵的份,速度完全不能同一而語。

出到外面感覺上風浪大左好多,搞到隻艇經常不由自主右轉,左一右三咁爬法都仲係平衡唔到道力,成日單邊用力修正航道搞到超疲=_=

直至進入左大頭洲漁排既範圍情況先至有所改善,但雙手經已疲到可以齊肢切除了…


接近漁排既時候被上面既小否熱烈歡迎左一番,又驚動到不遠處石排上的海鳥亂舞,艇隊在漁排間穿插閒盪幾好Feel。

最後離開大頭洲,再一次越過航道回到斬竹灣老巢,完成了約13公里的第一次輕艇旅程!第二日全身散哂,Happy!

2006年8月6日

返回上頁返回首頁返回頁頂