返回特別企劃目錄
  返回遊記目錄

 

文: 落探員
特別企劃

直搗米老巢

繼木獨陰濕米老鼠之旅後,對米老鼠的巢穴只知道了個大概,樂探員係唔會咁易滿足既,一於直搗米老巢!其實呢兩日Y士尼開放比一部分接受社署服務既人免費試玩,例如弱智人士、邊青、綜援家庭、香港少數族裔等等,是為社區關懷日,St.Elmo的中心成功抽到若干配額,我就當然義不容辭做Helper啦!

隊員:St.Elmo, Lok, 朱, 小花及8個家庭

 

當日出門之時出現雨後彩虹,可預見係無敵好天…(果然競競當日都有打比我問我行唔行澗=_\=…)

一輪電話聯絡及分發物資後,大伙兒浩浩蕩蕩的闖入迪士尼線,架車成日見但搭都係第一次,幾靚架。到左!!一眾團友十分興奮,加上人多,少D人都睇唔晒。

St.Elmo特登叫小花製作左Y士尼地圖及景點介紹一份,我地更plan左一條路線諗住環Y士尼一圈再自由活動…但亢奮的團友們想〔即刻〕自由活動…義工們一呆,並於5秒內失去團友的蹤影…既然係咁,只好自行探遊米老巢!讚!

米老巢正門,是圍巢穴一圈的火車其中一站,一入去就見到乜都少理既布魯圖!!好興奮!可惜佢應該就黎死,急急腳入左office,未能用米老鼠聲同佢講下野…

米老巢地圖,分為4大區,一開始火車站同布魯圖出現果頭有美國西部Feel,是為「美國小鎮大街(Main street, USA)」。個人覺得似澳門,主打係買野,對貧友黎講難度5星…另一區係「明日世界(Tomorrow Land)」,有正機動遊戲玩,期待…

火箭餐廳(夜晚食呢間)及太空飛碟(無玩)。

第一個讚!發現巴斯光年!4人當然輪佢一輪合照啦!排隊合照中兵分兩路,朱花去拎「Fastpass」,只要用門票過一部Fastpass機,就會有個時間比你,鰝G個時間去玩遊戲係唔使排隊,超爽!但拎完一個Fastpass要等到Assign比你個時間開始先可以拎第二個 Fastpass,否則,第二張Fastpass就會無效…

拎完Fastpass就去「幻想世界(Fantasyland)」,三名女隊員即玩「瘋帽子旋轉杯」但竟然唔識自轉…少許痴呆的老伯伯也露出微笑,真好 : )

再全員轉戰「灰姑娘旋轉木馬」。   發現溫馨親子場面。

幻想廁所世界(FantaShitland)。嗯…仲見到夢遊左幾十年仙境既老麗絲…

睇下錶都夠鐘番去用Fastpass玩飛越太空山咧,唔理排隊D人直入,太爽!一入去已有太空氣氛!飛越太空山其實係室內過山車,一開始鶼X窄既管道中開往黑暗盡頭,乜都睇唔到咁上斜,內心仲諗「嘩,上咁斜因間衝落黎?!」但到頂竟然係壯闊太空景象!整得真係好靚!之後就有一連串的急轉彎,係咁片,真係好鬼爽!極有速度感!估唔到可以咁快!黑暗中特別好feel!最後一個超光速飛行更係正到嘔,隨兩野行星爆炸旅程鶶怜盲曀異禲I嘩!實在太好玩!無Freefall(過山車最惡呢招,心都吐出黎)無360,但真係好正好靚!

走人時大家讚不絕口,赫然發現自己張相post左出黎?! 原來臨尾兩野爆炸係閃光燈,職員會比個number你叫你去型菕K但我地窮人玩法當然係用自己個DC影下個Mon算數啦。

玩完精彩的飛越太空山,時間尚早,決定去搵下一眾米老死影下相,對小熊維尼同隻跳跳虎有情意結既朱花閃左去排隊,至於我同Elmo就決定即食一下無乜人理既木須龍同花木蘭…個姐姐…都OK架。

勁快KO木蘭,於是即刻去搵唐老鴨,嘩!佢真係好搞笑,成日扭Pat!好正呀,有時仲整古下你添!見佢個嘴咁得意,我就問佢:「…你可唔可以食我隻手呀?」佢即刻耍手擰頭,可惜可惜。

影左兩隻已無乜時間咧,D大粒既明星都走人,原來已經到左花車巡遊環節!

全園花旦小生空群而出,更出現邪惡之極的米老鼠終極型態,十分之有迫力!!

當中表演的好多都係外勞,而姐姐的質素亦有進步的空間,當中以圖中姐姐及我影唔到的睡公主能稱得上為美眉。

白雪公主都OK啦,紅心Queen同兔仔信差淪為2打6。老麗斯再現,但遠睇幾生鬼,令人懷疑係咪第二個。

PK就起唔到身的海星同勁膠的士兵,正!!

巴斯同朋友出現了(胡YD吸引力真係麻麻,巴斯贏晒)!

米老鼠大爺玩巴屎出場,同車仲有一D鼠輩,鴨仔狗仔等等,個巡遊都幾ok,簡而精,而且留意音樂同D人物動作match晒,包括D鬼婆係會扮咀形講中文架,Nice!~

完左巡遊又未有野玩,經過the golDen mickeys音樂劇就一於睇睇啦。原來係一個百老匯式載歌載舞音樂劇,好多好靚既場景同精彩既表演。

如泰山跳上你前面發癲呀,野獸一野變做Suppose靚仔呀,D水母人跑黎跑去呀咁,串連成個Show既主持D中文更加係笑位所在,值得一睇!

之後就到左食飯環節,排隊排到…D野食ok啦,因為今日有免費餐券,但如果係自己黎…$40一碗飯/麵,汽水$15~20,難度4星。

食飽咻怍_3D show Fastpass就死去玩「巴斯光年星際歷險」,個場又係超靚,而過引之處係可以拎起支槍周圍射同埋令自己個位原地360度nonstop咁轉,好玩ge,但有幾樣野美中不足,就係前進速度太慢,而枝槍射野唔係咁好feel,如果射中會震同埋多D聲效就出色咧!

玩完後,elmo得到最高分,但四人都只係得2,30萬分,未能成為「銀河英雄」(想高分一定要連射,我到尾先發覺可連射同一目標…)

玩左成日想閒一閒,就去搭環園火車,沿路亦睇下風景。

搭完車時近黃昏,決定去最後一個據點探險世界(Adventureland)探下路,發現「森林河流之旅」無fastpass拎,於是唔玩住。

去左同兩隻松鼠影相,記憶中呢兩隻野好那煩,成日講唔停…仲有泰山樹屋,要坐木筏過去,無玩。

歷奇噴水池其實係八條生得似阿棠既古惑柱,間唔時會隨音樂射下野,但射得再癲D就更好,引入埋東涌地上噴水池就完美!


精品店Dry玩唔買=_\=!

夠鐘!亂入米奇3D影院!呢個係全場最正玩意,3D影象配合真真假假的水,香味,風真係前所未有之精彩體驗!十個讚!

之後就去番探險世界果面睇「獅子王慶典」,但由真人扮演一眾角色都幾悶…訓左半場,去到有人拋火棒先醒番,尾段再使出大型歌舞技,四架大花車隊晒出黎幾壯觀既…睇現場反應好似D人好High,我地四個就唔好呢味咧,米奇金像劇正好多!~

睇完獅子王天都黑齊,小熊維尼歷險之旅玩唔到,又未餓於是去玩河流歷險,揀左英文旁述諗住快D但原來唔係,在船上用英文同D友亂吹自娛都OK,個Trip本身就…臨尾個火山洪水稍為可觀啦,前面八成都…船長更會用阿威式冷笑話貫穿成個節目,精彩…

排隊晚飯,唔餓但有飛唔好浪費,排十年…食傳說中的「叉燒漢堡包」…完全唔好食,係一般既漢堡肉加上酸羌製成,簡直垃圾!幸好有雀檸同米老鼠布甸補番數。

呢餐都食得幾shit下,又排得耐又難食而且仲趕添,因為8點半就會放煙花,我地只好半食半跑去睇,最終jam晒人去唔到靚位,但個煙花都幾靚,如果能正面睇埋城堡相信會更出色,惟有期望912夜晚做到野啦!

2005年8月30日

返回上頁返回首頁返回頁頂