返回特別企劃目錄
  返回遊記目錄

 

特別企劃

嘉道理跑05

05年嘉道理跑,由於一眾隊員太遲報名,以為得四條友跑,但最後連嘉妍阿競同癲哥哥都有得玩,太好∼

參賽者: Pui, 鬼, Lok, Tong, Kayin, Dino

 

一玩嘉道理就會諗起當年跑到嘔既經歷,絕對要記得食得太飽都不適宜。

大埔64K入嘉道理,去到發現今年改左少少路線,最後尾唔去觀音山,去左孖亭,長左幾百高左幾十米,但係就多左三個字時間跑,仲好。又見到史提芬,n年無見。

一直唔睇好既隊員落棠竟可準時出現。如果連續兩年鴿子既話應該會被人黑名單。執拾好行李放上車。

睇呢兩條友仔個造型就知未睏醒,比賽開始前係咁2做一下熱身。

開始召集準備起跑啦,一起步成班友仔就唔見哂跑左去,得返呢兩件野包尾。

嘉道理跑係咁扯上山真係好那辛苦,加上十二月天氣凍跑果時係咁吸冷空氣真係凍到甩肺。上斜之時,撻皮更係在所難免既事。

好在班友仔都有d人性,起最後大直路等埋隊友再跑。

順手小休一會,準備全隊挑戰1小時15分鐘既成績,無壓力比賽模式超正。等等下連史提芬都追到黎。

無耐被遺棄既隊員鬼同嘉妍都歸隊來了。好∼起航最後一程。

攜手過終點計劃!但係跑道太窄行得好辛苦!!而且只能夠做尾二果批返到終點,未能夠包艇實在可惜。恐怖分子造型太差…

耶∼全員完成!嘉道理T一件入手。嗯…今年隻鵯有D古怪…=_\=

咩僮m去孖亭行下,呢面睇返觀音山幾好睇。小休一輪就閃人,過觀音山頂行下。觀音頂裝修過黎,而家多左幾級石級同一片草地。

觀音像。        隊員樂一探傳說中的觀音山石河。

熱氣洞依舊健在。          在草地上睡覺,寫意。

再玩弄一下癲哥哥同佢既新浮誇裝備。玩完捷徑抄小路直落山腳離開,返大埔飲茶。

2005年12月18日

返回上頁返回首頁返回頁頂