返回特別企劃目錄
  返回遊記目錄

 

特別企劃

西灣野營

話說昨天玩完呢個橋咀島,夜晚返西貢食埋飯整理好行裝後就再度出擊去西灣露營,好方便第二日連走三澗之旅。晚飯過後竟有四名隊員潛逃,太可惡啦!在超級市場買了一些簡單的食物後就打的入西灣。

隊員:Pui, Lok, King, Wai, Dino, Bun, Winnie, Gong, Tong, Terence, FeiLam

 

打的入西灣起步,位位廿蚊。

經吹筒坳落西灣,點知行行下落大雨,無預備遮既隊員唯有照淋啦。

半小時路程好快落到西灣,沙灘上經已有大大少少廿多個營,果然係熱門露營地點。
在癲佬既指導之下,全員好快就扎好左四個營。由於有隊友放鴿子同逃脫,露位變得十分鬆動,11個人睏 16個營位。爽!扎完營睇多一陣星就睏覺,唔係聽日無力玩。

清晨三四點,不斷咁比營外既暴雨同雷聲轟炸… 未能沉睡一番。
清晨五點半,營外傳來隊員樂既狂呼,意圖喚醒一眾隊員起身睇日出。

可惜只有被蚊子不斷擁吻既隊員競起到身睇日出。睇相,超正,等待日出的時刻,天空呈紫紅色,清澈既天空更可以遠望到國內既海岸同山岡!

可惜太陽被雲層擋著,睇唔到水平線日出,但係由雲層中散射出來既光線投射在海面上亦十分精彩。就起呢個時候我都趕得切起身睇日出時最後一刻柔和既光線。

優質生活小狗,在水中睡覺,真係識嘆。

大伙兒亦都相繼起來。阿bun+Winnie水中慢步,浪漫爆。

西灣黑色三連星。日出過後溫度回升,係時候游返一個早水!

漁夫比我們還早起來開始工作,這一種垂釣方式還真是少見…

清晨的西灣,十分熱鬧,行友亦相繼起床了。


造型照!

玩完水係時候整早點。

昨晚大家付出既鮮血。幸好同營既隊員競勁受蚊子歡迎,我同癲佬都可以全身而回。

威哥仔又有新搞作,扎左個平衡王木架出黎掛水袋,別出心栽既設計竟可以同佢條腰一樣左右搖晃。早餐計畫,一人一個公仔麵加腸仔火腿,份量唔夠之餘,食物種類亦甚低,以我地既Standard黎講今次既伙食真係唔入流。



食完野再玩水!!!

型男癲佬,獨身。

九點,執拾行裝準備離去。呢個時候大家既Energy都用得八八九九,三澗連走既計畫已經不知不覺變成雙鹿閃人…

下一站四疊,教唆癲佬攀爬四疊。可惜我同隊員樂呢兩日玩水攀爬玩到撻皮無哂力爬唔到啦。只有癲佬一人從容成功上攀,真係實力既差別。

正面爬唔到唯有右面繞上去啦!接下來既精彩環節就係四疊跳潭!一人一Hit!
成十米既高台,下降既時候夠時間可以起心入面諗四次「仲未到既?」。太癲!

熱身完畢後使出六人同遊技,打橫排開一齊飛躍而下!出色!!撻到爆肺!

離開四疊,經過夾萬坑向千絲瀑前進,雙鹿既水流依舊微弱,加上重裝及天氣悶熱,實在鼓唔起興致再行落去。呢個時候靈機一閃,突然間諗到地龍計劃!!!一眾隊員都一致讚成呢一個玩意。

一眾隊員先在千絲頂小休,由我、競及癲佬三人先行一探地龍。帶備左營燈既競競簡直照耀左成條黑暗既地龍。一探之下發現二十分鐘既路程就可以出到西灣路下方,沿途只有數只小蝙蝠別無其他小動物,水道亦十分乾爽。起咁既情況底下,我地決定全速回頭知會一眾隊員依計而行,為今次既旅程畫上一個完美既句號。

探龍隊員眾。水位十分低,只到腳眼水。全員取出照明工具準備進入!!

營燈計劃太出色!真係急唔住要在漆黑既地龍內喧嘩一番。大約行左20分鐘左右,好快就再次見到陽光由地龍既出口射進來,完成!!!最後一擊攀越鐵絲網出西灣尾路。轉兩三個小彎就去到西灣亭等街車。

由西灣路望萬宜水庫,靚極。

舟車勞動,好疲。出到彩虹都成四點,而家先食飯…呢兩日真係玩到夠哂皮…

2005年5月16日

返回上頁返回首頁返回頁頂