返回特別企劃目錄
  返回遊記目錄

 

文: Lok
特別企劃

情人節真吊

話說2月14是為西方的情人節,咁浪漫既日子…我當然好得閒啦,競競竟然有活動益我呢d人,仲係出海活動,即刻去也∼

首領:漁汶, 阿振
釣手:船家3人, 競競, 白果之落探員

 

點知條死仔競點左我去屯門碼頭…搞到我要飛的去三聖…

上船乜都少理,食下早餐先,今日天氣絕shit,落晒雨起晒霧咁…青山都睇唔清。

振師兄及漁汶幹的是甚麼勾當?大概係記錄鰬Y幾個地點釣到D乜魚咁啦,另外如水溫水流果D都有記錄,而其中一種魚更會抽起番去作進一步研究…

同時,船家會鰩S定地點撒網,以免出現太多白果人而無野好研究…

天氣太差,無乜點影沙洲龍鼓洲,但都有d小岩礁,仲有沖溝,遲下可以一玩。

釣魚都冇乜好講…我,食白果,比雨淋,一野大浪大腿以下浸左落海咁上下…競競就做到野,釣到幾多,其中更有樣衰的骨鱔一條,成條蛇咁。

值得一提係午餐十分出色,好簡單:一條大鱸魚,好味,配合埋d奇妙的汁令人一食再食,3碗飯終了。

收網係全日最精彩環節,不過…真令人懷疑漁民點生活,得果少少漁穫。

精彩野包括多隻大蟹,其中又以一隻紫色的最靚,放佢地入桶,一陣間就互相鉗實 ,斷手斷腳都解唔開,好癲,成大揪。

又有幾隻極生猛的賴尿蝦,超級鮮艷的黃色花紋好讚。


又有一種魚,個口會一野隊到好出!

每條魚都會進行量度。

聽講記錄低有用既數據之後,非目標魚會比漁汶炸黎食,而研究對象就研究一輪後再炸黎食,做學問認真唔簡單!!

2006年2月14日

返回上頁返回首頁返回頁頂