返回特別企劃目錄
  返回遊記目錄

 

特別企劃

突發運動攀石事件

本日原為進行獨木舟一星班的日子,晨早出發去到屯門咖啡灣,豈料一抵步便暴雨連場,全身濕透!全員在沙灘呆等,看著海面捲起白浪,能見度為十米…過了一小時停雨的寄望幻滅,最後與Wade首次感人會合後脫出。出動雨程活動室內攀石,由癲佬帶領前往號稱全港最大既三千尺室內攀石場玩!

隊員:Pui, Dino, King, 鬼, Wade, Fa

 

撘巴士返去屯門市中心,再轉輕鐵。落車都要搞事暴走輕鐵路軌…由癲佬帶領走進一座工廠大夏,乖撘貨運的升降機上樓,感覺十分奇異。

去到門口,癲佬發現無帶會員證,又唔記得密碼!! 開唔到門!?唔通又要白走這一趟!? 好采最後都打電話搵到人幫手,終於都有驚無險入到去。

一入去發現個場地極出色,非常有私竇Feel!! 入場費係自助找續,完全講個信字!石場下面毯左好多舊床褥,四五米自由下降只要姿勢唔係太衰完全無問題。

號稱有三千呎大既攀石場果然好正,裝設左好多奇形怪狀既岩場。阿花似乎對呢個黃金三角十分有興趣,一黎就第一時間坐左上去。

牆上面畫左好多唔同難度既線,當然對我地呢D土法攀爬黎講係無乜意思…我地連爬最易既線都感到非常吃力…而癲佬就係咁使出佢浮誇既攀爬技術倒攀十數Hit…

倒攀!一野跳上去Hold住動彈不得,大約維持到三秒左右影完相就Free Fally落地。呢班友仔零攀爬技,手力消耗極大,玩唔到一個鐘就收得皮,抖抖先。

除左攀石,仲可以睇下書、睇電視打下機咁,樓上有PS2玩。叫佪外賣食抖一抖。場內亦有一些薯片之類既零食賣,都係自助找續,口痕可以幫襯一下。

食飽飽再接再厲,努力嘗試橫移出去左面那一個倒位,好難!!橫移唔成功唯有試下由下方突破,先由癲佬示範一次,大致係使用"三角型理論"同埋"Lock實佢"呢兩招就可以好輕鬆咁上到去架啦。

其餘隊員合共單挑了廿次,最後爬到手臂軟哂,掌皮爆裂都唔成功。後來場主即席示範一Hit淨用手倒攀上頂,太癲!!玩到兩點左右力盡而回…

2005年5月8日

返回上頁返回首頁返回頁頂