返回特別企劃目錄
  返回遊記目錄

 

特別企劃

搏大帽觀日

話說睇天文台傳說聽日會好天,加上今晚有霜凍警告,於是引起了是次極之無為既活動,竟意圖上大帽觀日再搏睇到結霜…

隊員:Pui, Lok, King, ABC

 

晚上隊員樂突然提議觀日,商議後決定上大帽…無聊既行動竟有四人出戰=_\=

五點半荃灣集合,最大既問題係交通,有通宵小巴由沙田去荃灣,但去沙田果程就要諗諗計,最後竟然係出動競競既戰車,大學會合再撘競競順風車一齊出沙田,零晨飛車太好玩。

準時五點半去到荃灣,先去柒仔食個靚早餐,等人齊就豪鬼玩法打的上大帽。

到步既時候好那哩,成班記者聲都唔聲就圍埋黎係咁影相,唔知做乜q野,嚇親。睇一睇路邊個溫度計,得果5度,睇黎結霜都係凍過水,姑且上去行下先算啦。有夜景睇都唔錯架啦,左面有錦田、右面有荃灣。

本來諗住去妙高台睇,但發現比隔離條脊擋著日出方向,於是繼續上隔過道脊,搵個位大休等日出,向東遠望,香港東面群山盡收眼底。

清晨時份的荃灣,天色漸光,停得耐越黎越寒…但見東方雲層頗厚,日出應無望了…


等到七點都無料到決定閃人,返過妙高台落墳場脊。


回望大帽之癲…落左無耐太陽終於從雲端鼠出來…

陽光令到山脊的層次份外鮮明…睇黎今日真係會幾好天。

七點半落到川龍撘小巴出荃灣食早餐,之後眾人上班去…

2006年3月2日

返回上頁返回首頁返回頁頂