返回特別企劃目錄
  返回遊記目錄

 

特別企劃

青馬大橋觀景台

是日行程原是登三枝香,接走回歸徑輕鬆遊,但一開波已方向不明,因方便會合遲到既競競,決定撘小巴去到總站先落車等,點知搞錯左總站位置,最後去左青衣深處既船廠先落車,離開原定既起點廿公里遠。無奈既二人唯有老點埋競競入黎先再計劃去向…

隊員:Pui, Lok, King

 

點幾出葵x會合落及Elmo午餐一個,順手討論一下今晚或明天旅行既事宜…=_\=午餐後再去三聯打下書釘同去中旅睇下有無意外獲…

差唔多搞到兩點幾阿競都未見人,呀頂…決定放棄先行一步,點知一開車就就打黎話到左,於是相約在小巴總站會合,撘車之時竟見小巴飛快地路過了原定的起步點春花落一帶,再睇書發現地圖上的小巴站位置可能已Out dated…唯有見步行步去到總站船廠先算…

船廠位置極偏遠,就在青馬橋旁邊,遠到連三枝香都唔係好睇到,頂…會合競競三人商議一下。3揀1:a.行返去春花落、b.撘車返春花落、c.亂爆上山再搵路上三枝香… Ans: c

爬鐵梯上山,見有一乾坑於是跟住行,但行行下密左加上環境惡劣都係折返為妙,返回崖頂向青馬方向捐渠而行。

返到出黎去到一個停車場,見到好多舊車輛擺放起度,仲見到有兩個工作人員起度拍片,好似係介紹緊呢d車。走過去問下路原來佢地係青馬管制站既工作人員,問我地起邊度黎,話呢度唔比人行架,不過最後都好好人咁指左條生路我地行,估唔到今日會變成參觀管制區活動…=_=

沿職員所指方向走,沿途經過左青馬橋下層入口…競競又扮傻仔周圍影相,最後又招惹左工作人員過黎阻止佢…

過埋行政大樓就離開左管制區去返公眾地方,第一時間要參觀下青馬大橋觀景台既廁所!!

外面都無乜野,入去就被佢豪華既裝橫嚇親,一時驚愕!

參觀完廁所就行返過對面青馬大橋觀景台,那裡設置左三兩支望遠鏡讓巿民免費使用,可以用黎睇下青馬橋上行走既巴士入面有無mm。

另一面有一個更高,圓柱形的觀景台,前身可能係一個小山丘都唔定…

沿住徊旋而上的靚路可以步上觀景台頂。

這裡的視野更佳,不單青馬大橋,連後方的汀九橋亦可看到,可以由新角度觀賞呢兩個巨形建築,都算為今日既行程添上少許意義。當然除左觀賞風景之外,賊人們點會放過觀景台中央的馬騮架…

休息得咁上下就返落去廣場閒逛,呢度有好些介紹青馬橋歷史及結構既解說牌同實物展品,隔離有賣紀念品既商店,不過唔入去都Feel到係天價。另又有介紹楊太空人既Section,興趣不大,最後去小賣品睇下有乜小食,點知起門口見到最後一班小巴原來起4點半經已開走左…=_\=

阿姐建議我地打的返去青方巿,一眾隊員睇圖後決定步行返青衣巿,綑西北岸應該可行,出發!在汀九橋下方走過,十分有趣既角度,見到橋底裝左幾部攝錄機,應係防止人泳渡去橋柱…=_\=

沿水渠前進及下降去到一大片爛空地及荒廢碼頭,有個阿叔在釣魚,我地就係咁掉石落水嚇走佢d魚,Happy。

沿岸邊而行最後去到一個水泥廠,在外牆斜坡上鼠過返去正門離去,終於返到去大馬路直出青方巿食Tea。

2006年2月16日

返回上頁返回首頁返回頁頂