溯澗尋幽

  新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回溯澗尋幽目錄
  返回遊記目錄

 

落探員
澗

地圖神秀坑

針山指向大圍方向既其中一條澗,同另一條澗〔香粉遼坑〕都係值得一玩既坑∼由於極少人玩,網上可以搵到既資料亦都唔多,連名字既由來都唔清楚。澗途大都是陰森澗道,但捱過下遊一段就會突然看到一幅巨壁立於眼前,極之精彩!

路線:大圍火車站起步,迷路一段經城門河上游上左下城門水塘…再沿車路步至香粉遼坑,被澗口瀑布吸引少溯一段後退出再往神秀坑探遊,溯源至針山之巔完成。

隊員:Pui, Lok, King

 

今次係晨運探路團,上午七點大圍火車站集合。不過我同阿樂都遲到,只有隊員競一人準時到達,仲要等埋我地食早餐先…

七點半食完野準時出發,可惜三條蛋散都唔識路又唔睇地圖…

搞到去左一間道觀…         加遊大城石澗下游…

又要玩遊繩…最後仲要鏟林返下城門水塘…終於返到正路!耶∼越過堤壩草地執級而上。

沿下城水馬路向香粉遼村方向走,未幾到會看到一個極可觀的大瀑布出現在路邊。
香粉遼坑澗口!

因為瀑布實在太吸引,我地就入左香粉遼玩,就係咁玩左成個鐘…
澗口瀑頂。再行前少少都有兩個小瀑小潭可玩。玩埋呢兩個就閃人,遲d 再全探

玩完繼續依馬路前行,經過一所聖公會的建築物後會有一條石屎小徑通往澗口。

小路的盡頭會出現一間廢屋,入澗位在小屋左面,小心地上有很多玻璃。
入澗不久即被困於頹瀑之中…辛得兩位隊員相坐才能脫險。
更多謝拔腳相助之前製造了山洪給我…

再沿澗上溯一段便會進入了個峽位,只要向右抬望便會發現一巨壁立於眼前!
輪流進攻!壁上有一條斜棧道可踏腳。

連日大雨之後水量不錯!飛瀑十分可觀。水流擊石四散,水滴中出現彩虹!!
激攀第一層,上攀時瀑布打在身上,難度提升不小!

水花四濺,有彩虹出現於水花之中!完成第一層向上望,瀑布飛瀉而下!超精彩既形態!!天使瀑迷你版!!正路在左經林路上頂,右崖有一石台,飛瀑在那傾盤而下,十分吸引。

來到這裡我們便兵分兩路了,隊員樂決定單挑右崖,差點踏上了不歸路…我同競競則走左方山路,到頂一段時間仍未見樂樂縱影,原來他仍與岩壁苦鬥中…

隊員樂終於上到黎啦!!回望崖底…好高。崖頂風光,眺望大圍和九龍臚s。

詭異大頭狗石!有眼睛同笑口…

崖頂極度開揚,但離開之時又要再走入陰森澗途…一路上毒蟲尖刺濕崖碎石不絕,再加上路徑不明顯,要好小心搵路。

最後一段癲狂鏟上針山!只有草根小岩石可以借力!隊員樂攀爬時涼鞋斷帶!!驚險!!仲見到舊果支標高柱同埋垃圾桶散落在林中…

生還者突破山巔動人的一刻!可惜冇遊人證到…帶來了一點點遺憾。

回程落城水,圖中所見正是被隊員競問候全家,再被牠們全家問候的猴子家庭…

2004年7月18日

返回上頁返回首頁返回頁頂

 

Email