溯澗尋幽

  新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回溯澗尋幽目錄
  返回遊記目錄

 

Pui
澗

梧桐石澗

梧桐石澗,擁有全港最高既瀑布 - 長瀑。除長瀑外,另有井底瀑、中瀑、散髮瀑及玉女瀑群,各具特色,實在係賞瀑既好地方,瀑布之間已設有山徑相通,到訪十分方便。

隊員:Pui, Stephen

 

本打算獨自去梧桐石澗閒遊,上午online見到stephen話都有興趣,一於一齊去啦!到訪悟桐石澗可以在大埔撘64K至萬德苑下車起步。

悟桐石澗下源,後來曾經由井底瀑開始下降過次,澗道頗開揚但係冇乜特別景點。本來約左起萬德苑等架,但係我唔識路去,要 Stephen走過黎搵我帶我去,結果差唔多兩點先去到萬德苑開始上山。

沿山徑上行好快便會去到井底瀑。瀑分上下,各接了一個跌水潭,奇寒!玩過既潭中最凍既一個!!

要觀看上瀑要在下瀑右手面滿佈濕泥同樹根既短石坡攀入去。上瀑深藏於一岩洞之中,岩壁高六七十呎,石呈暗紅色,岩壁盡處突現五十呎飛流。於岩洞中捲起氣流,感覺超然!我地起果度大休食果。

繞返山路上行一陣就到左中瀑啦。同陰森既井底瀑相比,中瀑真係開朗明快好多,水量都唔錯。Stephen去下面練排雲掌!在瀑布下面企一陣已經覺得超級凍,比水打到好痛!好快頂唔順走返出黎!

接著是長瀑,全港最長既飛瀑,途中已經見到起遠處睇到佢!

十分綿長。可惜水量唔係好夠,氣勢差左少少,不過行去瀑底望返上去都幾正。

瀑左此路不通牌後可以繞上長瀑頂,不過呢度發生過山泥傾瀉,全條路都係大石。繞上去便是散髮瀑,旁邊有一個山洞,唔知係天然定係人工開架呢…

散髮瀑,散髮瀑流水撞石飛散,形成一水簾散下,別樹一格!

長瀑頂回望悟桐石澗的峽峪。 繞瀑右山路上散髮頂,覓路下降石澗再沿澗上溯十五分鐘左右便會到達玉女瀑群。 閒遊至此終於全探梧桐石澗群瀑∼係時候搵路返屋企∼左有絲帶,右有箭嘴!左面!咁就中招啦!!!呢d係一心諗住閒遊既報應...

上左面山路,越走越密…草比人高,葉如利刀,呢個時候真係進退兩難,就係咁一路鏟林開路上山!行左成個鐘終於都上到四方山。 = . =!!

大帽山山頂就起隔離…

不過山頂的風光都不俗,總算沒有白鏟這一趟…可以睇到林村同城水一帶。

再附送多一個日落大帽。睇完日落沿山路一下降悟桐寨回程,無盡既梯級…八點幾終於落到山腳啦。在萬德苑果儲水池度見到好多瑩火蟲呀,閃下閃下咁靚。行返車路出公路。Stephen行行下起路邊換褲,仲要岩岩有車經過…笑死我!最後就返到公路撘巴士返太和食飯。

2003年8月2日

返回上頁返回首頁返回頁頂

 

Email