溯澗尋幽

  新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回溯澗尋幽目錄
  返回遊記目錄

 

Pui
澗

地圖大曹石澗

主澗由大帽頂流落川龍,川龍下源經過民居已被污染,過施樂園石橋後上源極少人到訪,已為密林所據。只取精華段的話可由下源小堤壩入澗,溯至施樂園石橋出澗。主源大概係源澗而上先右後左,圖中所示第一個支流相信十分細,唔係好覺眼。

大曹感覺上同大圓好似,澗床真係好大,同大城差唔多。雖然無乜大潭大瀑,但係都幾鍾意呢度,岩feel咪得囉∼

隊員:Pui,樂

 

荃灣撘往川龍小巴(去城水果架後面)去到總站川龍路口落車。

車站隔離有個警告牌,之所以下源唔玩得…行幾步就會見到一條大橋,就係大曹石澗既下游啦。我地就起橋左小路轉入,到了澗旁就爬左落去。入澗冇耐就會見到一個大池,雖然睇落d水都好似幾乾淨,但係都係冇落水行。

下游途經小狗寨溝,好多小狗歡迎我地,阿樂亦有熱烈咁回應佢地。

未幾到達一石橋,發生了狀況!見到一條蛇尾飛似的消失於草叢中,估計體形極長但幼,心中不禁發毛…令一路上亦十分恐慌。下游無乜野特別,就係水喉特別多,可以玩下雜技,踏斷左人地d 水喉就大鑊∼呼∼

由入澗到水壩不消30分鐘,較為開揚可以睇到大帽頂。反正下段冇乜好玩,這是一個較好的入澗位,但係我地懶得搵路,而入村既話更可能有小狗群歡迎。

越過水壩之後的澗道更覺開揚,澗床真係好大…第一個類似瀑布的物體,有棵樹陪襯下都幾有趣,賜名為曹永簾啦。進入清幽地帶,陽光從樹蔭中透入,石頭變成金黃色。

發現小型水潭一個,試水成功!

開揚寬廣既澗道,四處都是渾圓巨石,與大城石澗係相似

豬八戒石(老作),有頭有耳同大肚兜。突然見到樹枝上有一堆白色生物,觀察一輪都係唔知乜黎。

又有一小型長方形水潭,休息下。玩下阿樂部機落水影下魚。

未開既水團花。今日好早起行,可以慢慢行,感覺好閒遊∼      

終於見到似樣d既瀑布同大池,大休吃梨。

鼻涕瀑啦∼潭中有三舊小石突出可以玩。兩星期冇雨依然有咁既水量,大澗大澗。

再有一峽瀑,極窄,緊緊可以容立一個人。呢個係恐懼之池,受到之前既蛇影所影響,游過去瀑布既時候極驚。

呢個斜壁瀑啦∼成塊壁比水蝕到又直又平,無從上攀啦,右圖所見阿樂正跣腳墮下。

臨近施樂園車路澗道變得較蔭蔽,又有枯木攔路。但依然很多瀑布!

最後的簾雨瀑,傳說會透出金光的瀑布。之後便是馬路了,時間尚早決定繼探上源。

翻過橋邊的瀑布便會發現澗道為利草所據。水藻突擊戰術一舉成功!!全日都無乜攀壁,見到個倒倒地既短崖可以玩下,阿樂幫我一把既時間比利草將手指切成三折!狂嚎了幾分鐘!!

繼行無耐,阿樂又傳來慘叫聲,事後得知佢與群蟲拼鬥,最後使出必殺技用雙眼眼皮準確地夾死了兩隻昆蟲…

這段澗十分短,不用45分鐘便到達下一個出口,路有兩個大叔坐起度休息,見證了我地既越棘溯源行程。

出路係大帽山道,是日行人頗多,繼續上行一小段順遊妙高台石林。

坐在大石上休息了,看著麥徑的人群來來往往,十分寫意,唔係好想走…

@無奈都係要閃人,決定下降最短距離既墓場脊,中途見到一顆生得好靚既蔓九節。在山火瞭望台搗亂了一會,係咁玩隔壁舊巨石!下降的時候阿樂腳爭爆了。只能夠唱一句「手爛了∼腳又爛了∼」

繼續下降,被一小隊所阻未能全速前進。途中見到野牛乙藻b山邊吃草。阿樂即刻除左佢件紅色外套…

45分鐘下降川龍,走了一個大圈。今季正式收澗。幾天後天氣一夜深秋,涼了許多。

2004年10月1日

返回上頁返回首頁返回頁頂

 

Email