溯澗尋幽

  新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回溯澗尋幽目錄
  返回遊記目錄

 

Pui
澗

地圖大圓石澗

大帽山南麓流落圓玄學院的一支石澗,曾位列舊九大景觀有一定保證。精華段盡在中游位置,入澗開始瀑布不斷,九龍吐珠、飛絮、銀龍躍水、飛猿崖等等皆十分出色。而出入口皆與山徑相接方便探遊。中遊出澗可取左路順道到訪小丑石再落川龍回程。

隊員:Pui, Lok

 

半日閒遊團,好耐冇閒遊過啦!放工同阿樂去買野食然後入澗開爐,有叉燒!

買完野撘小巴去圓玄學院總站落車起步,沿左方綠色扶手小徑上山。

經過小村落,分叉路繼續上行,入橫巷會被小狗凶。頗美玲的路段。未熱身就係咁上,15分鐘路程到達一涼亭,便會接回引水道。沿引水道向右前進未幾到達下游水壩。

探洞時間,發現水壩下有水道可玩,仲有一道鐵門,有feel。玩完起壩後爬返出去…

壩右有明顯路牌山路,可以接回龍門郊遊徑。在這裡u起了不快既回憶…

正確既入澗位係龍門郊遊徑貳號橋。

一入澗發現水量不少∼事隔一年從遊舊地感覺依然唔錯。十分餓了,快步到達銀花潭開爐大休。久違了的爐具,輕裝暴走得太久,差d忘記左閒遊之樂。

阿樂亦正打算同銀花潭搏鬥,天氣清涼,估計銀花潭水溫為1X度,阿樂冒失溫之險一窺池魚之姿。幾經艱辛終於吃掉所有食物∼體溫亦己流失了七成,好,繼續起行。

激流銀花,一星期前既雨水尚未流盡,小瀑亦十分可觀。

失溫都唔理,煦玩截水遊戲。嘩!好大水!!

短瀑雙生!! 一路走來感覺不錯,唯失溫令雙手開始痲痺…

九龍吐珠。意思不明,但係頗有趣, 水花由巨石上四散而下。

好過份既飛絮瀑!成條白水係咁衝落黎!壁虎法!!太大水好難上,隻腳比水沖走。

飛絮正壁,瀑左可上,有足夠手腳位及樹藤樹根借力。
不攀險可在瀑右山路繞過,飛絮上面就係銀龍躍水瀑了!

過銀龍後再走15分鐘,越過一些小瀑,便會到達飛猿崖。

飛猿崖左有一小瀑可玩,瀑中間有絲帶,唔知係何方高手玩命。唔好亂跟。

飛猿崖,此澗3星半位所在 (唔計頭先攀飛絮瀑),縱有猿臂亦難以飛越啦。
左中右三路皆可上攀,左路有繩為正路,最難應該係右面。

猿崖頂怒號,此崖幾好玩。結果二人下降再攀另外的路線…

後段澗道依然出色,有一個在小瀑旁突出的石台可以影相。

出澗前的斜流瀑,眼前一亮∼

成功出澗,接回相思林徑,阿樂想繼續上游…算吧啦,左路走!左路開段比較多草叢,過一會便會變得開揚一些了。突然阿樂驚覺傳說中既小丑石竟在身旁!一探!!

出色!坐在小丑的手上!激驚!但可睇哂整個大圓石澗既山谷!下望有如一片林海!望多兩眼真係頭都暈!

有「真.手位」可上攀小丑頭,但係好R,勁驚上左落唔到,都係下次先…
玩完石繼續前進,經墓地可接落川龍,行程約半小時許,可選小巴或巴士離去。

2004年9月11日

返回上頁返回首頁返回頁頂

 

Email