溯澗尋幽

  新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回溯澗尋幽目錄
  返回遊記目錄

 

落探員
澗

雙潭石澗

隊員:Lok, King, Kona

 

在陽明山莊巴士站落車後便使出大方向推進,中途經過水塘公園見證魚龜之間的撕殺,上左好耐斜,到左大潭郊野公園,又要落好耐斜,暴走…

一身汗!天氣好到呢!當然,之前有條友點大家行多2K都係原因之一…意圖借用水泡嬉水…= .=*

入澗咧終於!            這叫做橋。

初段水量OK,但頗多泡,可能最近一兩日大水沖晒污物落澗…左圖係當年「直擊要害」被沒頂的小潭,感觸良多…講真水質問題打左D折扣,所以到左一個急流位決定大休,哈密瓜計劃!Nice!

點知食飽一出發就發現上面係勁闊勁長的一道急流!精彩!原來已經開始「碧水灘」的精彩澗道!

當中游魚多到你驚,水深一呎唔夠既池仔成個底都係魚,一手掃落去一定掃得中,於是進行左捉魚計劃,由阿競的大脾內側先捉一條!跟住又發現淡水蟹乙隻,不過已經死左咧。

果種又闊又長又大水的感覺好到不行,好出色!行近些少,平時應該點上都冇問題,但係今日…

瀑底急流先扯左kona落底,險象橫生。

阿競大驚,只好避開D水由左面上攀此大斜瀑。右路突破失敗,實在太跣啦!

回歸左路,但無可避免要橫越急流,就係呢個時候開始落大雨!太癲!
大斜瀑所有水都來自呢個缺口,D水壓大到痴線,勁大水有如消防水炮,挑戰不能!

成功避開水炮後應從缺口左方上攀,會見到又一大瀑同一個大池,如果水清D會極出色。呢個大瀑亦係最後一瀑,可一玩激攀,上攀時靠右上。

有兩個位比較騎呢,但發現〈真.手位〉。極安全渡過,事後一問隊員競亦同樣玩左呢兩個手位,太出色!完了,見到大潭上水塘堤壩…D水係咁滿瀉,雨愈落個瀑愈大,如果唔係知道上面有個大水塘,岩岩咁大雨真係嚇死。

啊,迷路添,行左上壩喎。唉唉,真危險,下次一定要小心搵路咧。

完成急流旅程,一開始的藍天白雲唔知死左去邊,變左終極大雨,太好feel,左圖中Kona使出欄杆行走技避開泥石流。裝備全防水之下大雨行山實在十分爽!可惜我今日唔係,銀紙都濕左… =_\=!!

2005年6月1日

返回上頁返回首頁返回頁頂

 

Email