溯澗尋幽

  新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回溯澗尋幽目錄
  返回遊記目錄

 

Pui
澗

地圖曹溪鳳東

曹溪又名北天門石澗,源起鳳頂北天門,中游流經地塘仔,最後與鳳彌石澗匯流於石門甲流出東涌灣。以地塘仔為界澗分上下二段,一念天堂一念地獄,通往北天門的上游,澗道相貌深沉,主打賞崖穿門,宜冬季枯水之時前往。下游澗道則開揚舒坦,曲峽棧道疊瀑翠潭驚喜不絕,是一道令遊人讚賞的石澗。

隊員:Pui, Dino, ABC, Sylvia

 

東涌集個靚合後相討路線,有條著source涼鞋既戊利提議去懸龍,慶幸因為資料不足放棄了,如果唔係相信又會再見到表哥。最後決定曹溪上天門。當然,後來因為鳳頂打哂霧腰斬了半程。

打的直航石門甲公廁起步,石門甲道直行第一個橋位就係曹溪下游的切入點,水量咁低既?奇怪奇怪。

入澗行兩步就遇到是日第一個泳池,水色淡綠透底!可惜整個潭沒於陰影之中,游得耐好易失溫。臨落水先發現唔記得帶泳鏡!呃頂!唯有徵用家姐的粉紅色泳鏡=_=

澗道右折漸見開揚,兩旁盡是山泥傾瀉的痕跡。未幾遇到小堤壩及地龍口,唔怪得頭先咁少水。

這裡開始水量暴增,進入曹溪精華段!

一個轉角位流瀑驟成激流,可以盡情享受狂野既水力衝擊∼


沿瀑上攀,搭載左Source既癲哥哥意想不到地slide左落水,相機光榮地戰死=_\=。


攀過流瀑後就是一個陽光直照的精緻水潭,附設羅漢塔背景,但上期鳳彌之旅經已參透了最高清境界的羅漢塔,我決定以後唔睇佢。


景點密集連發,數步以外又係一個務必大休嬉水既良池,旁邊有撻水台階提供使用。


泡浸潛泳,意圖溯水強闖至到瀑底石穴,流量極大多番嘗試均被轟離數米之外,最後只好由水底推進避開頭上激流先成功突入。

繼行一段平緩澗道,仍有一兩個短瀑可賞∼

遇到一超懸空岩石,只靠石邊少少角位頂住=_=這時癲哥哥既鬥志經已被佢對高貴既涼鞋燃燒殆盡,竟然要四腳爬爬咁行,佢狀態好差呀!快放跑澗放甩佢啦仲等呀!?

遠觀澗峽盡處,出現了一道高瀑,而澗道這時進入了一條窄長的走廊,澗左超細心地搭建了鐵索棧道一條,家姐燒錢去玩VIAferata條吊橋都係差唔多咁咋嘛=_\=

條棧道用料造工都十分好架,對佢充滿信心。

到達曹溪三疊瀑布之下,堪稱全澗重點架啦,可惜瀑左的人工物都幾煞風景,加上這時天色變暗,扣減d分數。瀑下完成午餐環節∼黎講發現澗水越來越濁,帶d奶白色咁,搞到唔係好想落水=_=

瀑左靠水管可以輕鬆翻過第一疊瀑,source都無難度。回望下方曲峽都幾特別,之後連起第二三疊短瀑,幾好幾好∼三疊瀑頂遠觀,發現鳳頂被雲霧吞噬了,睇黎下半場既北天門行程應該凍過水。

至此景觀都去得七七八八,澗道收窄了少許,基本上澗左就有山路可以隨時閃人,不過我地就打算溯到cut到山路為止∼

越過一個大潭後澗分左右,原來濁水來自左源,選走右路水色即刻清返哂,分源後再走一少段,好快就到達石橋出澗∼起無隊員有食霧攀鳳既覺悟之下,曹溪上源經已自動張張左,而接下來…最近又順路又可以玩多一陣既,就梗係落鳳東再行返東涌啦。

接走地塘仔郊遊徑去鳳東入口,大拿拿上成80辛苦死人。但在半途有小休觀景位,坐低吹水享受下山風感覺良好。

其實鳳東黎講絕對係瀑壁連環既好澗,可惜二度訪遊都係下降速逃,未有機會細賞。


雨後既鳳東難度提升了。好多位下降都有d濕滯,有d仲要攀瀑落。

回程捷徑竟成為全日活動難度最高既一段,真係難為左癲哥哥…最後北坑林務站閃人,輕鬆漫步返東涌∼

 

2008年7月16日

返回上頁返回首頁返回頁頂

 

Email