溯澗尋幽

  新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回溯澗尋幽目錄
  返回遊記目錄

 

Lok
澗

地圖牙鷹西坑

路線:2008年世紀暴雨後,香港出現了前所未見的大規模山泥傾瀉,當中有d澗係面目全非人間蒸發比如話龍巖澗大圓右坑之類,但密林小坑牙鷹西坑就唔同了,經山泥沖刷後澗道變得開揚而其隱世岩壁都成功露頭,經過2年的穩定期及多隊人馬的探路,賊船亦難得吹到雞一探此新生險澗...

隊員:沛鬼樂家

 

是日大霞悶熱,難得地吹到雞一入嶼西攀澗……好快就到二澳小橋入澗,位置係水澇漕北面一條橋,只2分鐘就穿出植物望到山泥傾瀉0既大作牙鷹西坑連壁。

可見比山泥刨出黎0既澗道極其筆直,行無耐有一小型瀑壁,都有少少攀爬可玩,老沛獨試左線,其餘隊員就右壁上攀。

瀑頂可見連續不斷的岩壁,其實都幾好攀,不過始終好多鬆石,用力前小心d....

下一攀爬位係一舊尖頂的三角巨石,舊石左右都有充足手腳位,中路夾角腳位略淺幾刺激,至於v0.5難度的三角面直上就較危唔好亂試了,始終岩況都唔係非常穩定。

輕攀三角巨石後又有一瀑壁,右路上攀都幾有高度感,隊員家於此大打電報,中路突破其實都好多位,都係果句,好驚d石會甩要慢慢玩。

突破此位後出現全澗最佳大休地點,雖然只係一個籠屋size的水池不過水質絕清,炎夏中不失一愉快午睡位置。

回望筆直澗道

再瀑左攀上,只見一大石被kick在澗中,石旁正是其中一個上攀騎呢位,都要小心搵下手腳,幸左面有山路可避此一攀爬位。

過後澗道依然係連續不斷0既石坡,不過過於筆直冇咩特別,可直踩上牙鷹山西面山腰官道閃人……

不過呢批人竟然少有有heart地ko埋靈會山再去埋分流石筍,都算係奇聞,亦係少有的玩到黑齊之旅,石筍攻略不日呈上!

 

2010年12月4日

返回上頁返回首頁返回頁頂

 

Email