溯澗尋幽

  新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回溯澗尋幽目錄
  返回遊記目錄

 

澗

地圖東龍石澗

五龍之一,全澗瀑布連環,崖壁之雄偉比飛龍猶有過之!終於可以探遊計劃左好耐既東龍石澗。今日阿樂仲要負傷上陣!雖然今日天陰有微雨,但係實在無損今日既行程! 因為東龍真係太好玩啦!!

隊員:Pui, Lok, Wai

 

東涌大家樂集合早餐團,食完野諗住去撘的士,點知突然有紅雨,真係吹漲…打的入赤立角新村,司機再次使出必殺技,心諗你地唔係咁搞笑呀…

遠望東龍石澗全貌!可以見到有極多開揚岩壁!可以在路邊入澗,亦可以行多兩步去呢度走一段石屎路去小堤壩先入澗。

一路上都有好多居民歡迎我地既到訪,三代同堂咁出黎接我地。蜘蛛呢家野,都係唔好亂搞好D,避得咪避囉。如果行路唔帶眼,就會好似兩位隊員既下場一樣…

入澗位!唔係指個洞,係指條小提壩。

小水池上面有小瀑左右雙飛。嘆返個熱湯先。由於上午落完紅雨,澗道比較濕滑,大家都小心翼翼咁起下游慢慢前進。大約行了一小時才再見開揚之地。

到達連環瀑起點!阿威阿樂仲起下面,我就上去諗住閘水。上第一層可以由左邊山路上或崖右直攀而上,左路上攀不久可以見到右邊有棧道可以通往第一層瀑頂,但也要爬落少少先可以去到圖中既位置。上到瀑頂發覺閘唔到水,瀑太大同冇乜儲水既位置…

行動失敗,阿樂走山路,阿威攀右崖各自奪路而上。到達第二層瀑。正路在圖中央那棵樹那裡,有一定難度。當我同阿威血戰第二層既時候,發覺阿樂已經在第三層頂,嗯…你慢慢等啦。

呢幾個位有繩有樹,但係兩樣都唔係好可靠,加上下面頗高不容有失…

真係爬到夠哂皮!阿樂腳傷冇得玩∼耶∼於崖頂呆等的樂樂: "你兩條友仲唔快d 上黎!?!?" 突然又落起毛毛雨…

上頂會合阿樂再出發!!前進不久發現多層崖瀑又再出現!!!

伏虎潭,細得好可憐…

伏虎潭後的青苔濕崖…上頂後回望伏虎潭。

下一站鷹頷瀑。冇乜水都係變左青苔濕崖…

瀑下有可憐小水池…鷹頷瀑,左面有山路可以繞上瀑頂。鷹頷瀑頂的樂與石。

這裡為全程最驚喜之地!金色岩石的靚潭加靚瀑,有一個成人池同一個小童池。水池四四正正咁,大小二池,一方一圓,十分有趣,好似泳池咁!小池後仲有一個直壁瀑。

Full Team 浮屍於池邊。

風景極開揚,遠望機場。

臨場加演高手樂被困崖中,得兩位隊員既幫助終於脫險。可惜禍不單行,之後再度被困棧道…來到呢度都近旅程既尾聲,但係連出澗位既澗道都好靚,有金黃色既石頭…在這裡再上行五分鐘左右便會發覺左手邊有林路可以出澗了,再在林道中花20分鐘左右便可以出到黃龍坑郊遊徑了,下降赤蠟角新村完成。

2004年7月10日

返回上頁返回首頁返回頁頂

 

Email