溯澗尋幽

  新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回溯澗尋幽目錄
  返回遊記目錄

 

澗

地圖青龍石澗

青龍,大東南部水系老大,下源沒於(石散)石灣,澗分上中下三段,是次行動只遊了中下游兩段。下游嶼南道至引水道一段開揚大澗風貌,佔有全澗9成既水潭,加上水質不錯十分適合嬉水閒遊,可惜水源為引水道所阻,要雨季去先唔使玩死水同濕壁。中游呢…一世人去一次就可以架啦。

隊員:Pui, lok, ++, syl, c太, abc+2, king, rita

 

人未齊,出發,1010 班次入梅窩嶼巴。好好,完全無人prepare路線,唔知邊度落車,要師太臨時惡補教路,又搞到家姐一下假動作按錯鐘結果俾其他乘客少,正wa~

落車唔夠一分鐘,b哥連加2就打的趕到,真人齊可以起步。介紹返個入澗位就起巴士站旁邊5步左右,但係成班方向不明直行直過就一路向東,行左半k先發現唔對路行返轉頭…想當年tc,我地由沙灘開始架嘛,鬼都唔認得啦∼

1105入澗,當年夜溯暴走實在係無乜印象,今日終於可以慢遊細賞,初段開揚討好,加上大熱max天,精神大振!唔使15分鐘經已到了是日第一個小水潭,優先一浸∼

行多兩步又一左右開弓大石板流瀑,藍天白雲靚到唔知想呢。如此天氣如此水量真係等三年都值得。


之後方形圓形三角形星星形…數落成四五個水潭陸續有黎,玩水玩到唔停!


你班淨係識得跳跳跳跳佢老既大惡生,跳水環節梗係唔少得,落探員即時示範今期流行新招「歇斯底里飛身抵水」,仲有家姐既經典w腳=_\=。b哥+1阿萊起咁既環境之下唯有放棄乾溯模式,跟隊一跳!眼鏡沉到boomboom聲都少理呀!

試用海豹模式搶攀潭後流水斜壁期間,有兩條戊利起上游製造山洪一野沖我SLIDE返落潭,好彩我狀態良好=_=凸

嬉水半小時再起步,好快就見到下游唯一一個似樣少少既瀑布,兩塊大岩石砌成一條六米高精巧飛瀑,瀑下水潭既深度相信係全澗之冠──兩米唔夠,但對於誠意撻水經已綽綽有餘。


除左撻水仲可以游入瀑後石穴享受一下瘋狂瀑布沖擊。

呢個瀑布位亦係下游最濕滯位置,先要沿潭右岩壁拉樹根橫移斜上一層。

上第二層可靠瀑布旁既幾個真手位,但臨門一野會發現上面缺左一個靚手位借力,十分考人,呢個時候可以搵條戊利先典上去提供人工手位。如有興單挑,可以轉個角度起腰間發掘就會搵到一片新天地。上到瀑頂後,發現澗一原來設置左木繩梯無敵靚路繞上瀑頂…=_=yo

繼續,引水道近啦,起就快ko第一段既時候,阿高手競突然無聲無息地在平緩澗道p左一野,回頭見佢黯然呆坐一旁。上前打量一下其傷勢,除左腳有少少擦傷之外並無大礙,點知一睇佢塊面…好傷呀頂…真.大口徑=_\=睇黎要閉關兩個星期先掂…

引水道堤壩前人工級瀑合照一個,跟手就完成精彩既下游,進入青龍中游。

中游入口位置都ok靚仔,仲可以遠觀到成個上游山峪。初段都算開揚,但係要搵個絕佳開餐地點就難d。

結果只好求其搵到個地方開餐,平時有得玩既話一早鳥獸散啦,有幾可咁溫馨全部人坐埋一台陪阿師太煮飯仔。食飽飽仲有糖水,10條友唔夠分唔緊,家姐行五餅二魚神蹟幫你refill再refill入滿佢,稀Ya!

大休果陣仲發現左個新玩意…「痴線蜘蛛絲痴住支樹枝」,隻蜘蛛見D垃圾痴住佢個網,會用齊全身八隻腳逐支樹枝慢慢拆出來再掉返落地下,好好睇!我地貼上去既密鋪平面樹枝應該夠佢消磿一個下午。

蜘蛛仔努力工作既同時我地都係時候再上路。之後在林蔭澗道之中悶走大半個鐘,要到雙獅觀瀑先有野睇…先黎下層一塊極高瀑壁,高係好高下但陰陰暗咁感覺麻麻地。

右路鼠上瀑頂都有個濕滯位,要靠哂上邊一個真手位旁又極高咁,有壓力。

上到瀑頂一時之間200%開揚,前面雙獅觀瀑,回頭一望可以見到大嶼南面一系列海島出現在山峪之外。

至於雙獅觀瀑,兩隻獅子應該係就黎入黑返左去睏,完全feel唔到,個瀑黎講d光好差下影黎都摰臐C

過埋雙獅觀瀑cut到家樂競,其時路線走勢突變,作九十度向左急轉,如龍拂尾,人稱「青龍擺尾」!下一站伯公坳確定。上游擇日再戰,係咁∼

回程路線絕佳景色:老人與海。

可惜個太陽俾鳳凰食左,要返到東涌先見到佢∼

 

2007年8月30日

返回上頁返回首頁返回頁頂

 

Email