溯澗尋幽

  新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回溯澗尋幽目錄
  返回遊記目錄

 

澗

地圖靈白石澗

靈白左源,由靈會山分水坳流入白角灘,由引水道開始入溯至交匯山路出澗位只攀升了二百米的短程澗道,澗內景觀多變,以尾段層級遞升的大型平台最為特別,值得一遊。澗道分源後水質極佳,可惜缺乏可供暢泳的水潭,並非夏日嬉水暑的上品。

隊員:DH, Pui, 鬼

 

0900 東涌早餐團,成功追趕到0945入大澳班車。

在石壁水塘壩尾落車,接走2k幾鳳徑八段引水道,路邊沿輸水道行入小水壩便可以入澗。

初段澗道不算寬闊,但感覺清新討好,行多兩步就會見到第一個瀑布。雖話係瀑布…但不過係一條70度的水道,流勢亦係平平無奇。瀑下水道浸水一記,上水後發現全身都係Peter=_\=感覺奇差,不建議在這裡玩水。

左難右易二路皆可越過此瀑,本想來一個中路突破但上左少少經已發現極跣加零腳位唯有鼠返過左邊上頂。

過首瀑後到達第一個分支位,就起呢個位條澗道突然之間由 4:3 Upgrade 到16:9!

沿左邊主源上攀∼別懷疑,真實環境絕對無老殿影d相咁正。


真係闊到呢…雙程行車都絕無問題。


沿馬路緩緩上坡去到盡頭便是靈白左源與中源的分流位,就在這裡小休同螞蟻分享愛食下乾糧咁,食完阿鬼d蛋糕希望佢地返到屋企啦。老殿又垂{19幾個放大鏡出黎,夾硬加落支鏡度影下d豬籠草咁。

再起步,向左走向右走,睇落右源好似靚仔d,但都係原訂計劃鼠入左源,嗯…個入口…=_\=||

進入左源峽谷後澗勢陡升,另水質亦明顯改善∼


上左一兩個峽瀑後竟發現長方形清潭一口,潭仔細細個但都夠哂三個人玩水,加埋潭後一個小瀑布十分之雅致下,就地再大休一記食西瓜。

Hea時間,老殿亂爬FreeFall一野∼正∼

隨意西瓜造型照,人稱鐵丑同…域加…=_\=謝謝收看∼掰∼

浸到暴寒再起步,沿澗上溯發現又一口水潭阻路,要有全身入水既覺悟先可以,今日同老殿加埋皮幾野起身都係搏唔過,退返轉頭廿零三十米在旁邊山坡搵到似是而非的路丕。

沿隱約的小路繞上澗右的山坡頗高的位置,與下方石澗平行而走,初時以為會就咁就出澗完了,點知小路盡處又接返入澗,仲要有一個大瀑布,正Wa~

瀑布下面個潭極多巨大化蝌蚪…可以再醜樣d架…=_\=

越過大瀑布後係一段平流段。

在林蔭下走到盡頭出現一個斷層,黎一個濕壁正面突破。上到頂發現成條澗變左做一塊考朱大既斜石坡,尾段又多兩個大斷層!精彩精彩!

過埋呢幾個層瀑之後終於cut到郊遊徑出澗,得到終極開揚海景一個∼

沿郊遊徑落返引水道只消半個鐘,但呢條攀升200米既小澗就玩左我地成日,真龜速。最後引水道悶走出石壁完成=_=。

2006年4月16日

返回上頁返回首頁返回頁頂

 

Email