溯澗尋幽

  新界北區 NTN
  新界中區 NTC
  新界西區 NTW
  西貢及清水灣 SK & CWB
  大嶼山 Lantau
  九龍區 Kowloon
  香港島 HK
   
  返回溯澗尋幽目錄
  返回遊記目錄

 

澗

地圖凌風石澗

由於隊員樂被困嶼西既關係,只好計劃一玩嶼西既石澗,因為想玩返D大澗,所以揀左凌風,唯本星期大嶼山既降雨量少又又少。一眾隊員只好搏一搏,希望凌風唔會變成乾坑,可惜事與願違,見識到傳說中既頁岩飛泡…

隊員:Pui, Lok, Dino, Fa, King, Tong, Gong

 

癲佬同阿花坐船,阿棠同阿公就起大澳借宿一宵,只可我同阿競由東涌出發,七點起身,超辛苦…坐巴士果時聽到前面幾個老人家講「去鳳壁都係唔好著涼鞋好D」同埋「「由黃龍踩單車行地龍好快去到石壁架咋」…=ˍ\=高手高手。

十點零在大澳巴士總站集合,睇返原來今次都幾人齊,只係差休養中既阿威,不過算啦,唔使理呢個人。當日天氣極熱,心諗如果無水玩都幾大鑊,都係唔好濟,買多支700旁下身好D。

人齊起步,沿馬路行返出去,晴天之下,四周山勢的輪廓格外分明,象獅鷹虎豹乜都出哂黎。凌風既下游同馬路平衡,入澗位以水龍頭為記,極之易搵。

下源澗道平緩,雜草叢生,要進入如斯既境地都係為左一睹摩崖石刻之貌。癲佬又做傻事…呢個人都要再教育一下。睇完石刻快閃離開,沿乾涸既澗道前進,沿途食左唔少蛛網。琴日玩完獨木舟,全身散哂,腳都提唔起,行屍走肉模式前進…

下游的澗道二度被古老堤壩所阻,越過堤壩後澗道便變得開揚,有少量崖壁可玩。

遇有一伴著直壁的小潭,凌風石澗真係極奇,點解水量咁少但係D水仲可以咁清!?清澈既池水透出碧綠色,潭底完全一覽無遺!靚得太過份,只能夠諗到一個解釋「池水有毒」!!搞到一眾熱到就黎死既隊員都係唔敢落水玩。

力竭既癲佬最後都係抵唔住崖壁既誘惑,明明已經雙手雙腳不舉都係要死去爬,真係希望佢跌落去潭度,上方既隊員更為佢造就左幾 Hit落石。再前進不久便會到達引水道,要翻上引水道可以沿中圖的崖壁或右圖的石河攀上。

上到去係引水道既盡頭堤霸,其後有一中型水潭,一眾隊員終於都忍唔住要浸一浸水降溫。水潭之上有一瀑,但係水量極之微弱,瀑壁上長滿了菁b的青苔!真漂亮啊!

潭水足足有兩米深,足夠玩跳水遊戲!唯恐之後再無水可玩,休息左足足半小時先再出發。回望下游,可以遠望到對岸既獅山。臨走既時候仲遇到一班好似係黎考察既人,仲問我地有冇乜野發現…

再上行幾步就到左翠月潭,Feel到大水時係一個極之出色既水潭,呈半月形,池水碧綠清澈,最深既位置估計有三四米!!當日見到既翠月潭都唔差既,但係水面漂浮住無數幾白色泡沫,成杯咁Cappuccino咁點落水呀…唉,失望離開。

過翠月潭後竟然發現到最澗全大既驚喜所在!!水面上漂浮既白沫竟然合併成一幅咁出色既抽象畫!勁!之後更見識到傳說中既頁岩飛泡、飛苔…過頁岩飛泡後就係鳳徑,決定放棄上源,改往萬丈瀑玩水。

中途路過悟園,順手入去買汽水飲參觀一下。見到可能係乜報物報既人員帶埋麻豆黎影相!

唔錯唔錯,可惜競競既120mm做唔到野…飲飽睇飽繼續起程萬丈瀑

2005年6月12日

返回上頁返回首頁返回頁頂

 

Email